UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5906
- Click on a sentence to show its analysis
- Keep the mouse pointer over a lemma to show its meanings.
puruṣasya pradhānena saha saṃyogo darśanārtham / (1.1)
Par.?
prakṛtiṃ mahadādikāryaṃ bhūtādiparyantaṃ puruṣaḥ paśyati / (1.2)
Par.?
etadarthaṃ pradhānasyāpi puruṣeṇa saṃyogaḥ kaivalyārtham / (1.3) Par.?
sa ca saṃyogaḥ paṅgvandhavad ubhayor api draṣṭavyaḥ / (1.4)
Par.?
yathaikaḥ paṅgur ekaścāndhaḥ / (1.5)
Par.?
etau dvāvapi gacchantau mahatā sāmarthyenāṭavyāṃ sārthasya stenakṛtād upaplavāt svabandhuparityaktau daivād itaścetaśca ceratuḥ / (1.6)
Par.?
svagatyā ca tau saṃyogam upayātau / (1.7)
Par.?
punastayoḥ svavacasor viśvastatvena saṃyogo gamanārthaṃ darśanārthaṃ ca bhavati / (1.8)
Par.?
andhena paṅguḥ svaskandham āropitaḥ / (1.9)
Par.?
evaṃ śarīrārūḍhapaṅgudarśitena mārgeṇāndho yāti paṅguścāndhaskandhārūḍhaḥ / (1.10)
Par.?
evaṃ puruṣe darśanaśaktir asti paṅguvanna kriyā pradhāne kriyāśaktir astyandhavanna darśanaśaktiḥ / (1.11)
Par.?
yathā vānayoḥ paṅgvandhayoḥ kṛtārthayorvibhāgo bhaviṣyatīpsitasthānaprāptayor evaṃ pradhānam api puruṣasya mokṣaṃ kṛtvā nivartate / (1.12)
Par.?
puruṣo 'pi pradhānaṃ dṛṣṭvā kaivalyaṃ gacchati / (1.13)
Par.?
tayoḥ kṛtārthayor vibhāgo bhaviṣyati / (1.14)
Par.?
kiṃ cānyat tatkṛtaḥ sargaḥ / (1.15)
Par.?
tena saṃyogena kṛtas tatkṛtaḥ sargaḥ sṛṣṭiḥ / (1.16)
Par.?
yathā strīpuruṣasaṃyogāt sutotpattis tathā pradhānapuruṣasaṃyogāt sargasyotpattiḥ / (1.17)
Par.?
idānīṃ sarvavibhāgadarśanārtham āha // (1.18)
Par.?
Duration=0.07025408744812 secs.