Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5928

Click on a sentence to show its analysis
Keep the mouse pointer over a lemma to show its meanings.

puruṣārthaḥ kartavya iti pradhānaṃ pravartate / (1.1) Par.?

sa ca dvividhaḥ śabdādyupalabdhilakṣaṇo guṇapuruṣāntaropalabdhilakṣaṇaśca / (1.2) Par.?

śabdādyupalabdhir brahmādilokeṣu gandhādibhogāvāptiḥ / (1.3) Par.?

guṇapuruṣāntaropalabdhir mokṣa iti / (1.4) Par.?

tasmād uktaṃ puruṣārthahetukam idaṃ sūkṣmaśarīraṃ pravartata iti / (1.5) Par.?

nimittanaimittikaprasaṅgena nimittaṃ dharmādi / (1.6) Par.?

naimittikam ūrdhvagamanādi purastād eva vakṣyāmaḥ / (1.7) Par.?

prasaṅgena prasaktyā / (1.8) Par.?

prakṛteḥ pradhānasya vibhutvayogāt / (1.9) Par.?

yathā rājā svarāṣṭre vibhutvād yad yad icchati tat tat karotīti tathā prakṛteḥ sarvatra vibhutvayogānnimittanaimittikaprasaṅgena vyavatiṣṭhate / (1.10) Par.?

pṛthak pṛthag dehadhāraṇe liṅgasya vyavasthāṃ karoti / (1.11) Par.?

liṅgaṃ sūkṣmaiḥ paramāṇubhistanmātrairupacitaṃ śarīraṃ trayodaśavidhakaraṇopetaṃ mānuṣadevatiryagyoniṣu vyavatiṣṭhate / (1.12) Par.?

katham / (1.13) Par.?

naṭavat / (1.14) Par.?

yathā naṭaḥ paṭāntareṇa praviśya devo bhūtvā nirgacchati punar mānuṣaḥ punar vidūṣaka evaṃ liṅgaṃ nimittanaimittikaprasaṅgenodarāntaḥ praviśya hastī strī pumān bhavati / (1.15) Par.?

bhāvair adhivāsitaṃ liṅgaṃ saṃsaratītyuktam / (1.16) Par.?

tat ke bhāvā ityāha // (1.17) Par.?

Duration=0.026550769805908 secs.