Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): prāṇa etc., udgītha
Show parallels Show headlines
Use dependency labeler
Chapter id: 7323
- Click on a sentence to show its analysis
- Keep the mouse pointer over a lemma to show its meanings.
athādhidaivatam / (1.1) Par.?
ya evāsau tapati tam udgītham upāsīta / (1.2) Par.?
udyan vā eṣa prajābhya udgāyati / (1.3) Par.?
udyaṃs tamo bhayam apahanti / (1.4) Par.?
apahantā ha vai bhayasya tamaso bhavati ya evaṃ veda // (1.5) Par.?
samāna u evāyaṃ cāsau ca / (2.1) Par.?
uṣṇo 'yam uṣṇo 'sau / (2.2) Par.?
svara itīmam ācakṣate svara iti pratyāsvara ity amum / (2.3) Par.?
tasmād vā etam imam amuṃ ca udgītham upāsīta // (2.4) Par.?
atha khalu vyānam evodgītham upāsīta / (3.1) Par.?
yad vai prāṇiti sa prāṇaḥ / (3.2) Par.?
yad apāniti so 'pānaḥ / (3.3) Par.?
atha yaḥ prāṇāpānayoḥ saṃdhiḥ sa vyānaḥ / (3.4) Par.?
yo vyānaḥ sā vāk / (3.5) Par.?
tasmād aprāṇann anapānan vācam abhivyāharati // (3.6) Par.?
yā vāk sark / (4.1) Par.?
tasmād aprāṇann anapānann ṛcam abhivyāharati / (4.2) Par.?
yark tat sāma / (4.3) Par.?
tasmād aprāṇann anapānan sāma gāyati / (4.4) Par.?
yat sāma sa udgīthaḥ / (4.5) Par.?
tasmād aprāṇann anapānann udgāyati // (4.6) Par.?
ato yāny anyāni vīryavanti karmāṇi yathāgner manthanam ājeḥ saraṇaṃ dṛḍhasya dhanuṣa āyamanam aprāṇann anapānaṃs tāni karoti / (5.1) Par.?
etasya hetor vyānam evodgītham upāsīta // (5.2) Par.?
atha khalūdgīthākṣarāṇy upāsīta udgītha iti / (6.1) Par.?
prāṇa evot / (6.2) Par.?
prāṇena hy uttiṣṭhati / (6.3) Par.?
vāg gīḥ / (6.4) Par.?
vāco ha gira ity ācakṣate / (6.5) Par.?
annaṃ tham / (6.6) Par.?
anne hīdaṃ sarvaṃ sthitam // (6.7) Par.?
dyaur evot / (7.1) Par.?
antarikṣaṃ gīḥ / (7.2) Par.?
pṛthivī tham / (7.3) Par.?
āditya evot / (7.4) Par.?
vāyur gīḥ / (7.5) Par.?
agnis tham / (7.6) Par.?
sāmaveda evot / (7.7) Par.?
yajurvedo gīḥ / (7.8) Par.?
ṛgvedas tham / (7.9) Par.?
dugdhe 'smai vāg dohaṃ yo vāco dohaḥ / (7.10) Par.?
annavān annādo bhavati / (7.11) Par.?
ya etāny evaṃ vidvān udgīthākṣarāṇy upāsta udgītha iti // (7.12) Par.?
atha khalv āśīḥsamṛddhiḥ / (8.1) Par.?
upasaraṇānīty upāsīta / (8.2) Par.?
yena sāmnā stoṣyan syāt tat sāmopadhāvet // (8.3) Par.?
yasyām ṛci tām ṛcaṃ yadārṣeyaṃ tam ṛṣiṃ yāṃ devatām abhiṣṭoṣyan syāt tāṃ devatām upadhāvet // (9.1) Par.?
yena chandasā stoṣyan syāt tac chanda upadhāvet / (10.1) Par.?
yena stomena stoṣyamāṇaḥ syāt taṃ stomam upadhāvet // (10.2) Par.?
yāṃ diśam abhiṣṭoṣyan syāt tāṃ diśam upadhāvet // (11.1) Par.?
ātmānam antata upasṛtya stuvīta kāmaṃ dhyāyann apramattaḥ / (12.1) Par.?
abhyāśo ha yad asmai sa kāmaḥ samṛdhyeta yatkāmaḥ stuvīteti yatkāmaḥ stuvīteti // (12.2) Par.?
Duration=0.12592887878418 secs.