Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): sāman
Show parallels Show headlines
Use dependency labeler
Chapter id: 7345
- Click on a sentence to show its analysis
- Keep the mouse pointer over a lemma to show its meanings.
trayo hodgīthe kuśalā babhūvuḥ śilakaḥ śālāvatyaś caikitāyano dālbhyaḥ pravāhaṇo jaivalir iti / (1.1) Par.?
te hocur udgīthe vai kuśalāḥ smo hantodgīthe kathāṃ vadāma iti // (1.2) Par.?
tatheti ha samupaviviśuḥ / (2.1) Par.?
sa ha pravāhaṇo jaivalir uvāca / (2.2) Par.?
bhagavantāv agre vadatām / (2.3) Par.?
brāhmaṇayor vadator vācaṃ śroṣyāmīti // (2.4) Par.?
sa ha śilakaḥ śālāvatyaś caikitāyanaṃ dālbhyam uvāca hanta tvā pṛcchānīti / (3.1) Par.?
pṛccheti hovāca // (3.2) Par.?
kā sāmno gatir iti / (4.1) Par.?
svara iti hovāca / (4.2) Par.?
svarasya kā gatir iti / (4.3) Par.?
prāṇa iti hovāca / (4.4) Par.?
prāṇasya kā gatir iti / (4.5) Par.?
annam iti hovāca / (4.6) Par.?
annasya kā gatir iti / (4.7) Par.?
āpa iti hovāca // (4.8) Par.?
apāṃ kā gatir iti / (5.1) Par.?
asau loka iti hovāca / (5.2) Par.?
amuṣya lokasya kā gatir iti / (5.3) Par.?
na svargaṃ lokam atinayed iti hovāca / (5.4) Par.?
svargaṃ vayaṃ lokaṃ sāmābhisaṃsthāpayāmaḥ / (5.5) Par.?
svargasaṃstāvaṃ hi sāmeti // (5.6) Par.?
taṃ ha śilakaḥ śālāvatyaś caikitāyanaṃ dālbhyam uvācāpratiṣṭhitaṃ vai kila te dālbhya sāma / (6.1) Par.?
yas tv etarhi brūyān mūrdhā te vipatiṣyatīti mūrdhā te vipated iti // (6.2) Par.?
hantāham etad bhagavatto vedānīti / (7.1) Par.?
viddhīti hovāca / (7.2) Par.?
amuṣya lokasya kā gatir iti / (7.3) Par.?
ayaṃ loka iti hovāca / (7.4) Par.?
asya lokasya kā gatir iti / (7.5) Par.?
na pratiṣṭhāṃ lokam atinayed iti hovāca / (7.6) Par.?
pratiṣṭhāṃ vayaṃ lokaṃ sāmābhisaṃsthāpayāmaḥ / (7.7) Par.?
pratiṣṭhāsaṃstāvaṃ hi sāmeti // (7.8) Par.?
taṃ ha pravāhaṇo jaivalir uvāca / (8.1) Par.?
antavad vai kila te śālāvatya sāma / (8.2) Par.?
yas tv etarhi brūyān mūrdhā te vipatiṣyatīti mūrdhā te vipated iti / (8.3) Par.?
hantāham etad bhagavatto vedānīti / (8.4) Par.?
viddhīti hovāca // (8.5) Par.?
Duration=0.077337980270386 secs.