UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
ātman
Show parallels
Show headlines
Use dependency labeler
Chapter id: 8799
- Click on a sentence to show its analysis
- Keep the mouse pointer over a lemma to show its meanings.
ya ātmā apahatapāpmā vijaro vimṛtyur viśoko vijighatso 'pipāsaḥ satyakāmaḥ satyasaṃkalpaḥ so 'nveṣṭavyaḥ sa vijijñāsitavyaḥ / (1.1)
Par.?
sa sarvāṃś ca lokān āpnoti sarvāṃś ca kāmān yas tam ātmānam anuvidya vijānātīti ha prajāpatir uvāca // (1.2)
Par.?
taddhobhaye devāsurā anububudhire / (2.1)
Par.?
te hocur hanta tam ātmānam anvicchāmo yam ātmānam anviṣya sarvāṃś ca lokān āpnoti sarvāṃś ca kāmān iti / (2.2) Par.?
indro haiva devānām abhipravavrāja virocano 'surāṇām / (2.3)
Par.?
tau hāsaṃvidānāv eva samitpāṇī prajāpatisakāśam ājagmatuḥ // (2.4)
Par.?
tau ha dvātriṃśataṃ varṣāṇi brahmacaryam ūṣatuḥ / (3.1)
Par.?
tau ha prajāpatir uvāca / (3.2)
Par.?
kim icchantāv avāstam iti / (3.3)
Par.?
tau hocatur ya ātmā apahatapāpmā vijaro vimṛtyur viśoko vijighatso 'pipāsaḥ satyakāmaḥ satyasaṃkalpaḥ so 'nveṣṭavyaḥ sa vijijñāsitavyaḥ / (3.4)
Par.?
sa sarvāṃś ca lokān āpnoti sarvāṃś ca kāmān yas tam ātmānam anuvidya vijānātīti bhagavato vaco vedayante / (3.5)
Par.?
tam icchantāv avāstam iti // (3.6)
Par.?
tau ha prajāpatir uvāca ya eṣo 'kṣiṇi puruṣo dṛśyata eṣa ātmeti hovāca / (4.1)
Par.?
etad amṛtam abhayam etad brahmeti / (4.2)
Par.?
atha yo 'yaṃ bhagavo 'psu parikhyāyate yaś cāyam ādarśe katama eṣa iti / (4.3)
Par.?
eṣa u evaiṣu sarveṣvanteṣu parikhyāyata iti hovāca // (4.4)
Par.?
Duration=0.052443027496338 secs.