UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 8801
- Click on a sentence to show its analysis
- Keep the mouse pointer over a lemma to show its meanings.
udaśarāva ātmānam avekṣya yad ātmano na vijānīthas tan me prabrūtam iti / (1.1)
Par.?
tau hodaśarāve 'vekṣāṃcakrāte / (1.2)
Par.?
tau ha prajāpatir uvāca kiṃ paśyatheti / (1.3)
Par.?
tau hocatuḥ sarvam evedam āvāṃ bhagava ātmānaṃ paśyāva ā lomabhyaḥ ā nakhebhyaḥ pratirūpam iti // (1.4)
Par.?
tau ha prajāpatir uvāca sādhvalaṃkṛtau suvasanau pariṣkṛtau bhūtvodaśarāve 'vekṣethām iti / (2.1)
Par.?
tau ha sādhvalaṃkṛtau suvasanau pariṣkṛtau bhūtvodaśarāve 'vekṣāṃcakrāte / (2.2)
Par.?
tau ha prajāpatir uvāca kiṃ paśyatheti // (2.3)
Par.?
tau hocatur yathaivedam āvāṃ bhagavaḥ sādhvalaṃkṛtau suvasanau pariṣkṛtau sva evam evemau bhagavaḥ sādhvalaṃkṛtau suvasanau pariṣkṛtāv iti / (3.1)
Par.?
eṣa ātmeti hovāca / (3.2)
Par.?
etad amṛtam abhayam etad brahmeti / (3.3)
Par.?
tau ha śāntahṛdayau pravavrajatuḥ // (3.4)
Par.?
tau hānvīkṣya prajāpatir uvāca / (4.1)
Par.?
anupalabhyātmānam ananuvidya vrajato yatara etadupaniṣado bhaviṣyanti devā vā asurā vā te parābhaviṣyantīti / (4.2) Par.?
sa ha śāntahṛdaya eva virocano 'surāñ jagāma / (4.3)
Par.?
tebhyo haitām upaniṣadaṃ provācātmaiveha mahayya ātmā paricaryaḥ / (4.4)
Par.?
ātmānam eveha mahayann ātmānaṃ paricarann ubhau lokāv āpnotīmaṃ cāmuṃ ceti // (4.5)
Par.?
tasmād apyadyehādadānam aśraddadhānam ayajamānam āhur āsuro bateti / (5.1)
Par.?
asurāṇāṃ hy eṣopaniṣat / (5.2)
Par.?
pretasya śarīraṃ bhikṣayā vasanenālaṃkāreṇeti saṃskurvanti / (5.3)
Par.?
etena hy amuṃ lokaṃ jeṣyanto manyante // (5.4)
Par.?
Duration=0.054203033447266 secs.