Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Yoga
Show parallels Show headlines
Use dependency labeler
Chapter id: 5959
- Click on a sentence to show its analysis
- Keep the mouse pointer over a lemma to show its meanings.
yuñjānaḥ prathamaṃ manas tatvāya savitā dhiyaḥ / (1.1) Par.?
agniṃ jyotir nicāyya pṛthivyā adhyābharat // (1.2) Par.?
yuktena manasā vayaṃ devasya savituḥ save / (2.1) Par.?
suvargeyāya śaktyai // (2.2) Par.?
yuktvāya manasā devān suvar yato dhiyā divaṃ / (3.1) Par.?
bṛhaj jyotiḥ kariṣyataḥ savitā prasuvāti tān // (3.2) Par.?
yuñjate mana uta yuñjate dhiyo viprā viprasya bṛhato vipaścitaḥ / (4.1) Par.?
vi hotrā dadhe vayunāvid eka in mahī devasya savituḥ pariṣṭutiḥ // (4.2) Par.?
yuje vāṃ brahma pūrvyaṃ namobhir vi śloka etu pathyeva sūrāḥ / (5.1) Par.?
śṛṇvanti viśve amṛtasya putrā ā ye dhāmāni divyāni tasthuḥ // (5.2) Par.?
agnir yatrābhimathyate vāyur yatrābhiyujyate / (6.1) Par.?
somo yatrātiricyate tatra saṃjāyate manaḥ // (6.2) Par.?
savitrā prasavena juṣeta brahma pūrvyam / (7.1) Par.?
tatra yoniṃ kṛṇavase nahi te pūrtam akṣipat // (7.2) Par.?
trirunnataṃ sthāpya samaṃ śarīraṃ hṛdīndriyāṇi manasā saṃniveśya / (8.1) Par.?
brahmoḍupena pratareta vidvān srotāṃsi sarvāṇi bhayāvahāni // (8.2) Par.?
prāṇān prapīḍyeha sa yuktaceṣṭaḥ kṣīṇe prāṇe nāsikayocchvasīta / (9.1) Par.?
duṣṭāśvayuktam iva vāham enaṃ vidvān mano dhārayetāpramattaḥ // (9.2) Par.?
same śucau śarkarāvahnivālukāvivarjite 'śabdajalāśrayādibhiḥ / (10.1) Par.?
mano'nukūle na tu cakṣupīḍane guhānivātāśrayaṇe prayojayet // (10.2) Par.?
nīhāradhūmārkānalānilānāṃ khadyotavidyutsphaṭikāśaśīnām / (11.1) Par.?
etāni rūpāṇi puraḥsarāṇi brahmaṇy abhivyaktikarāṇi yoge // (11.2) Par.?
pṛthvyaptejo'nilakhe samutthite pañcātmake yogaguṇe pravṛtte / (12.1) Par.?
na tasya rogo na jarā na duḥkhaṃ prāptasya yogāgnimayaṃ śarīram // (12.2) Par.?
laghutvam ārogyam alolupatvaṃ varṇaprasādaḥ svarasauṣṭhavaṃ ca / (13.1) Par.?
gandhaḥ śubho mūtrapurīṣam alpaṃ yogapravṛttiṃ prathamāṃ vadanti // (13.2) Par.?
yathaiva bimbaṃ mṛdayopaliptaṃ tejomayaṃ bhrājate tat sudhautam / (14.1) Par.?
tad v ātmatattvaṃ prasamīkṣya dehī ekaḥ kṛtārtho bhavate vītaśokaḥ // (14.2) Par.?
yad ātmatattvena tu brahmatattvaṃ dīpopameneha yuktaḥ prapaśyet / (15.1) Par.?
ajaṃ dhruvaṃ sarvatattvair viśuddhaṃ jñātvā devaṃ mucyate sarvapāśaiḥ // (15.2) Par.?
eṣa ha devaḥ pradiśo 'nu sarvāḥ pūrvo ha jātaḥ sa u garbhe antaḥ / (16.1) Par.?
sa eva jātaḥ sa janiṣyamāṇaḥ pratyaṅ janāṃs tiṣṭhati sarvatomukhaḥ // (16.2) Par.?
yo devo 'gnau yo 'psu yo viśvaṃ bhuvanam āviveśa / (17.1) Par.?
ya oṣadhīṣu yo vanaspatīṣu tasmai devāya namo namaḥ // (17.2) Par.?
Duration=0.087802886962891 secs.