UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5994
- Click on a sentence to show its analysis
- Keep the mouse pointer over a lemma to show its meanings.
atra ca pramāṇam iti samākhyā lakṣyapadaṃ tannirvacanaṃ ca lakṣaṇam / (1.1) Par.?
pramīyate 'neneti nirvacanāt pramāṃ prati karaṇatvaṃ gamyate / (1.2)
Par.?
asaṃdigdhaviparītānadhigataviṣayā cittavṛttiḥ bodhaḥ pauruṣeyaḥ phalaṃ pramā tatsādhanaṃ pramāṇam iti saṃśayaviparyayasmṛtisādhanānāṃ pramāṇeṣvaprasaṅgaḥ / (1.3)
Par.?
saṃkhyāvipratipattiṃ nirākaroti trividham iti / (1.4)
Par.?
tisro vidhā asya pramāṇasāmānyasyeti trividhaṃ na nyūnaṃ nāpyadhikam ityarthaḥ / (1.5)
Par.?
viśeṣalakṣaṇānantaraṃ caitad upapādayiṣyāmaḥ / (1.6)
Par.?
katamās tā vidhā iti / (1.7)
Par.?
ata āha dṛṣṭam anumānam āptavacanaṃ ceti / (1.8)
Par.?
etacca laukikapramāṇābhiprāyaṃ lokavyutpādanārthatvācchāstrasya tasyaivādhikārāt / (1.9)
Par.?
ārṣaṃ tu vijñānaṃ yogināṃ na lokapratipādanāyālam iti sad api nābhihitam anadhikārāt / (1.10)
Par.?
mā bhūnnyūnam adhikaṃ ca kasmānna bhavati / (1.12)
Par.?
saṃgirante hi vādina upamānādīnyapi pramāṇānīti / (1.13)
Par.?
ata āha sarvapramāṇasiddhatvāt / (1.14)
Par.?
eṣveva dṛṣṭānumānāptavacaneṣu sarveṣāṃ pramāṇānāṃ siddhatvād antarbhāvād ityarthaḥ / (1.15)
Par.?
etaccopapādayiṣyata ityuktam / (1.16)
Par.?
atha prameyavyutpādanāya pravṛttaṃ śāstraṃ kasmāt pramāṇaṃ sāmānyato viśeṣataśca lakṣayatīti / (1.17)
Par.?
ata āha prameyasiddhiḥ pramāṇāddhi / (1.18)
Par.?
siddhiḥ pratītiḥ / (1.19)
Par.?
seyam āryārthakramānurodhena pāṭhakramam anādṛtya vyākhyātā // (1.20)
Par.?
Duration=0.044919967651367 secs.