UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8440
- Click on a sentence to show its analysis
- Keep the mouse pointer over a lemma to show its meanings.
parāśaraṃ munivaraṃ kṛtapūrvāhṇikakriyam / (1.1)
Par.?
maitreyaḥ paripapraccha praṇipatyābhivādya ca // (1.2)
Par.?
tvatto hi vedādhyayanam adhītam akhilaṃ guro / (2.1)
Par.?
dharmaśāstrāṇi sarvāṇi vedāṅgāni yathākramam // (2.2)
Par.?
tvatprasādān muniśreṣṭha mām anye nākṛtaśramam / (3.1)
Par.?
vakṣyanti sarvaśāstreṣu prāyaśo ye 'pi vidviṣaḥ // (3.2)
Par.?
so 'ham icchāmi dharmajña śrotuṃ tvatto yathā jagat / (4.1)
Par.?
babhūva bhūyaś ca yathā mahābhāga bhaviṣyati // (4.2)
Par.?
yanmayaṃ ca jagad brahman yataś caitac carācaram / (5.1)
Par.?
līnam āsīd yathā yatra layam eṣyati yatra ca // (5.2)
Par.?
yatpramāṇāni bhūtāni devādīnāṃ ca saṃbhavam / (6.1)
Par.?
samudraparvatānāṃ ca saṃsthānaṃ ca yathā bhuvaḥ // (6.2)
Par.?
sūryādīnāṃ ca saṃsthānaṃ pramāṇaṃ munisattama / (7.1)
Par.?
devādīnāṃ tathā vaṃśān manūn manvantarāṇi ca // (7.2)
Par.?
kalpān kalpavikalpāṃś ca caturyugavikalpitān / (8.1)
Par.?
kalpāntasya svarūpaṃ ca yugadharmāṃś ca kṛtsnaśaḥ // (8.2)
Par.?
devarṣipārthivānāṃ ca caritaṃ yan mahāmune / (9.1)
Par.?
vedaśākhāpraṇayanaṃ yathāvad vyāsakartṛkam // (9.2)
Par.?
dharmāṃś ca brāhmaṇādīnāṃ tathā cāśramavāsinām / (10.1)
Par.?
śrotum icchāmy ahaṃ sarvaṃ tvatto vāsiṣṭhanandana // (10.2)
Par.?
brahman prasādapravaṇaṃ kuruṣva mayi mānasam / (11.1)
Par.?
yenāham etaj jānīyāṃ tvatprasādān mahāmune // (11.2)
Par.?
parāśara uvāca / (12.1)
Par.?
sādhu maitreya dharmajña smārito 'smi purātanam / (12.2)
Par.?
pituḥ pitā me bhagavān vasiṣṭho yad uvāca ha // (12.3)
Par.?
viśvāmitraprayuktena rakṣasā bhakṣito mayā / (13.1)
Par.?
śrutas tātas tataḥ krodho maitreyāsīn mamātulaḥ // (13.2)
Par.?
tato 'haṃ rakṣasāṃ satraṃ vināśāya samārabham / (14.1)
Par.?
bhasmīkṛtāś ca śataśas tasmin satre niśācarāḥ // (14.2)
Par.?
tataḥ saṃkṣīyamāṇeṣu teṣu rakṣaḥsv aśeṣataḥ / (15.1)
Par.?
mām uvāca mahābhāgo vasiṣṭho 'smatpitāmahaḥ // (15.2)
Par.?
alam atyantakopena tāta manyum imaṃ jahi / (16.1)
Par.?
rākṣasā nāparādhyante pitus te vihitaṃ tathā // (16.2)
Par.?
mūḍhānām eṣa bhavati krodho jñānavatāṃ kutaḥ / (17.1)
Par.?
hanyate tāta kaḥ kena yataḥ svakṛtabhuk pumān // (17.2)
Par.?
saṃcitasyāpi mahatā vatsa kleśena mānavaiḥ / (18.1)
Par.?
yaśasas tapasaś caiva krodho nāśakaraḥ paraḥ // (18.2)
Par.?
svargāpavargavyāsedhakāraṇaṃ paramarṣayaḥ / (19.1)
Par.?
varjayanti sadā krodhaṃ tāta mā tadvaśo bhava // (19.2)
Par.?
alaṃ niśācarair dagdhair dīnair anaparādhibhiḥ / (20.1)
Par.?
satraṃ te viramatv etat kṣamāsārā hi sādhavaḥ // (20.2)
Par.?
evaṃ tātena tenāham anunīto mahātmanā / (21.1)
Par.?
upasaṃhṛtavān satraṃ sadyas tadvākyagauravāt // (21.2)
Par.?
tataḥ prītaḥ sa bhagavān vasiṣṭho munisattamaḥ / (22.1)
Par.?
samprāptaś ca tadā tatra pulastyo brahmaṇaḥ sutaḥ // (22.2)
Par.?
pitāmahena dattārghyaḥ kṛtāsanaparigrahaḥ / (23.1) Par.?
mām uvāca mahābhāgo maitreya pulahāgrajaḥ // (23.2)
Par.?
pulastya uvāca / (24.1)
Par.?
vaire mahati yad vākyād guror asyāśritā kṣamā / (24.2)
Par.?
tvayā tasmāt samastāni bhavāñchāstrāṇi vetsyati // (24.3)
Par.?
saṃtater na mamocchedaḥ kruddhenāpi yataḥ kṛtaḥ / (25.1)
Par.?
tvayā tasmān mahābhāga dadāmy anyaṃ mahāvaram // (25.2)
Par.?
purāṇasaṃhitākartā bhavān vatsa bhaviṣyati / (26.1)
Par.?
devatāpāramārthyaṃ ca yathāvad vetsyate bhavān // (26.2)
Par.?
pravṛtte ca nivṛtte ca karmaṇy astamalā matiḥ / (27.1)
Par.?
matprasādād asaṃdigdhā tava vatsa bhaviṣyati // (27.2)
Par.?
tataś ca bhagavān prāha vasiṣṭho me pitāmahaḥ / (28.1)
Par.?
pulastyena yad uktaṃ te sarvam etad bhaviṣyati // (28.2)
Par.?
iti pūrvaṃ vasiṣṭhena pulastyena ca dhīmatā / (29.1)
Par.?
yad uktaṃ tat smṛtiṃ yātaṃ tvatpraśnād akhilaṃ mama // (29.2)
Par.?
so 'haṃ vadāmy aśeṣaṃ te maitreya paripṛcchate / (30.1)
Par.?
purāṇasaṃhitāṃ samyak tāṃ nibodha yathātatham // (30.2)
Par.?
viṣṇoḥ sakāśād udbhūtaṃ jagat tatraiva ca sthitam / (31.1)
Par.?
sthitisaṃyamakartāsau jagato 'sya jagac ca saḥ // (31.2)
Par.?
Duration=0.13343501091003 secs.