Texts

parāśara uvāca / (1.1) Par.?

yayāteś caturthaputrasyānoḥ sabhānalacakṣuḥparameṣusaṃjñās trayaḥ putrā babhūvuḥ // (1.2) Par.?

sabhānalaputraḥ kālānalaḥ // (2.1) Par.?

kālānalāt sṛñjayaḥ // (3.1) Par.?

sṛñjayāt purañjayaḥ // (4.1) Par.?

purañjayāj janamejayaḥ // (5.1) Par.?

tasmān mahāśālaḥ // (6.1) Par.?

tasmācca mahāmanāḥ // (7.1) Par.?

tasmād uśīnaratitīkṣū dvau putrāvutpannau // (8.1) Par.?

uśīnarasyāpi śibinṛganavakṛmivarmākhyāḥ pañca putrā babhūvuḥ // (9.1) Par.?

pṛṣadarbhasuvīrakekayamadrakāś catvāraḥ śibiputrāḥ // (10.1) Par.?

titīkṣor api ruśadrathaḥ putro 'bhūt // (11.1) Par.?

tasyāpi hemaḥ hemasyāpi sutapāḥ sutapasaś ca baliḥ // (12.1) Par.?

yasya kṣetre dīrghatamasāṅgavaṅgakaliṅgasuhmapauṇḍrākhyaṃ bāleyaṃ kṣatram ajanyata // (13.1) Par.?

tannāmasaṃtatisaṃjñāś ca pañca viṣayāḥ babhūvuḥ // (14.1) Par.?

aṅgād anapānas tato divirathas tasmād dharmarathaḥ // (15.1) Par.?

tataś citrarathaḥ romapādasaṃjñaḥ // (16.1) Par.?

yasya daśaratho mitraṃ jajñe // (17.1) Par.?

yasyājaputro daśarathaḥ śāntāṃ nāma kanyām anapatyasya duhitṛtve yuyoja // (18.1) Par.?

romapādāccaturaṅgaḥ tasmāt pṛthulākṣaḥ // (19.1) Par.?

tataś campaḥ yaś campāṃ niveśayāmāsa // (20.1) Par.?

campasya haryaṅgo nāmātmajo 'bhūt // (21.1) Par.?

haryaṅgād bhadrarathaḥ / (22.1) Par.?

bhadrarathād bṛhadrathaḥ bṛhadrathād bṛhatkarmā bṛhatkarmaṇaś ca bṛhadbhānus tasmācca bṛhanmanāḥ bṛhanmanaso jayadrathaḥ // (22.2) Par.?

jayadratho brahmakṣatrāntarālasaṃbhūtyāṃ patnyāṃ vijayaṃ nāma putram ajījanat // (23.1) Par.?

vijayaś ca dhṛtiṃ putram avāpa // (24.1) Par.?

tasyāpi dhṛtavrataḥ putro 'bhūt // (25.1) Par.?

dhṛtavratāt satyakarmā // (26.1) Par.?

satyakarmaṇas tvatirathaḥ // (27.1) Par.?

yo gaṅgāṅgato mañjūṣāgataṃ pṛthāpaviddhaṃ karṇaṃ putram avāpa // (28.1) Par.?

karṇād vṛṣasenaḥ ityetadantā aṅgavaṃśyāḥ // (29.1) Par.?

ataś ca pūruvaṃśaṃ śrotum arhasi // (30.1) Par.?