Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 8533

parāśara uvāca / (1.1) Par.?

pradoṣārdhe kadācittu rāsāsakte janārdane / (1.2) Par.?

trāsayansamado goṣṭhamariṣṭaḥ samupāgataḥ // (1.3) Par.?

satoyatoyadacchāyastīkṣṇaśṛṅgo 'rkalocanaḥ / (2.1) Par.?

khurāgrapātairatyarthaṃ dārayanvasudhātalam // (2.2) Par.?

lelihānaḥ saniṣpeṣaṃ jihvayauṣṭhau punaḥ punaḥ / (3.1) Par.?

saṃrambhāviddhalāṅgūlaḥ kaṭhinaskandhabandhanaḥ // (3.2) Par.?

udagrakakudābhogaḥ pramāṇādduratikramaḥ / (4.1) Par.?

viṇmūtraliptapṛṣṭhāṅgo gavāmudvegakārakaḥ // (4.2) Par.?

pralambakaṇṭho 'timukhastarughātāṅkitānanaḥ / (5.1) Par.?

pātayansa gavāṃ garbhāndaityo vṛṣabharūpadhṛk // (5.2) Par.?

sūdayaṃstāpasānugro vanānyaṭati yaḥ sadā // (6.1) Par.?

tatastamatighorākṣam avekṣyātibhayāturāḥ / (7.1) Par.?

gopā gopastriyaścaiva kṛṣṇa kṛṣṇeti cukruśuḥ // (7.2) Par.?

siṃhanādaṃ tataścakre talaśabdaṃ ca keśavaḥ / (8.1) Par.?

tacchabdaśravaṇāccāsau dāmodaramukhaṃ yayau // (8.2) Par.?

agranyastaviṣāṇāgraḥ kṛṣṇakukṣikṛtekṣaṇaḥ / (9.1) Par.?

abhyadhāvata duṣṭātmā kṛṣṇaṃ vṛṣabhadānavaḥ // (9.2) Par.?

āyāntaṃ daityavṛṣabhaṃ dṛṣṭvā kṛṣṇo mahābalaḥ / (10.1) Par.?

na cacāla tataḥ sthānādavajñāsmitalīlayā // (10.2) Par.?

āsannaṃ caiva jagrāha grāhavanmadhusūdanaḥ / (11.1) Par.?

jaghāna jānunā kukṣau viṣāṇagrahaṇācalam // (11.2) Par.?

tasya darpabalaṃ bhaṅktvā gṛhītasya viṣāṇayoḥ / (12.1) Par.?

apīḍayadariṣṭasya kaṇṭhaṃ klinnamivāmbaram // (12.2) Par.?

utpāṭya śṛṅgamekaṃ tu tenaivātāḍayattataḥ / (13.1) Par.?

mamāra sahasā daityo mukhācchoṇitamudvaman // (13.2) Par.?

tuṣṭuvurnihate tasmindaitye gopā janārdanam / (14.1) Par.?

jambhe hate sahasrākṣaṃ purā devagaṇā yathā // (14.2) Par.?

Duration=0.041382074356079 secs.