Texts

Help

Select a text:
Bibliography

Select a chapter:
(no revisions)

Associated topic(s): narrative literature

Show parallels Show headlines
Use dependency labeler

Chapter id: 7505

Click on a sentence to show its analysis
Keep the mouse pointer over a lemma to show its meanings.

mahākhātā mahāśālā puryasty ujjayinīti yā / (1.1) Par.?

mahāmbhodhimahāśailamekhalaiva mahāmahī // (1.2) Par.?

prāsādān yatra paśyantaḥ saṃtatān haimarājatān / (2.1) Par.?

merukailāsakūṭebhyaḥ spṛhayanti na nāgarāḥ // (2.2) Par.?

vedamaurvīvipañcīnāṃ dhvanayaḥ pratimandiram / (3.1) Par.?

yatra saṃnipatanto 'pi na bādhante parasparam // (3.2) Par.?

kṛtaṃ varṇanayā tasyā yasyāṃ satatam āsate / (4.1) Par.?

mahākālaprabhṛtayas tyaktvā śivapuraṃ gaṇāḥ // (4.2) Par.?

tasyām āsīn mahāseno mahāsenaḥ kṣitīśvaraḥ / (5.1) Par.?

yasya devīsahasrāṇi ṣoḍaśa śrīpater iva // (5.2) Par.?

ciraṃ pālayatas tasya prajāḥ śāstoktakāriṇaḥ / (6.1) Par.?

gopālaḥ pālakaś ceti sutau jātau guṇāmbudhī // (6.2) Par.?

bṛhaspatisamaś cāsya mantrī bharatarohakaḥ / (7.1) Par.?

rohantakaḥ surohaś ca tasyāstāṃ tatsamau sutau // (7.2) Par.?

narendramantriputrāṇāṃ caturvidyārthavedinām / (8.1) Par.?

prayogeṣu ca daṣāṇāṃ yānti sma divasāḥ sukham // (8.2) Par.?

atha gāṃ pālayāmāsa gopālaḥ pitṛpālitām / (9.1) Par.?

pālako 'pi yavīyastvād yauvarājyam apālayat // (9.2) Par.?

mantriputrau tu mantritvam atha bhūmir naveśvarā / (10.1) Par.?

navamantrikṛtārakṣā jāyate sma punar vā // (10.2) Par.?

gajarājam atho rājā dānarājivirājitam / (11.1) Par.?

adhiṣṭhāya jagatsāraṃ nirjagāma bahiḥ puraḥ // (11.2) Par.?

taddarśanāśayāyātam anekaṃ nṛkadambakam / (12.1) Par.?

bibhyad vyāḍād gajāt tasmād itaś cetaś ca vidrutam // (12.2) Par.?

kanyakānyatamā tatra gṛhyamāṇātha hastinā / (13.1) Par.?

prāṃśuprākārataḥ prāṃśor agamyāṃ parikhām agāt // (13.2) Par.?

khātapātavyathājātasaṃjñānāśāt kṣaṇaṃ tataḥ / (14.1) Par.?

taṭasthā hastipṛṣṭhasthaṃ sābhāṣata ruṣā nṛpam // (14.2) Par.?

avadhyam avadhīr yas tvaṃ pitaraṃ tasya kiṃ mayā / (15.1) Par.?

adhītavedaṃ yo hanti brāhmaṇaṃ tasya ke mṛgāḥ // (15.2) Par.?

iti kanyāvacaḥ śrutvā duḥśravaṃ śvapacair api / (16.1) Par.?

cinteṣubhinnahṛdayaḥ praviveśa niveśanam // (16.2) Par.?

ativāhya ca duḥkhena dinaśeṣaṃ samāsamam / (17.1) Par.?

janavādopalambhāya pradoṣe niryayau gṛhāt // (17.2) Par.?

kālakambalasaṃvītaḥ sāsicarmāsiputrikaḥ / (18.1) Par.?

samantrāgadasaṃnāhaḥ saṃcacāra śanaiḥ śanaiḥ // (18.2) Par.?

atha śuśrāva kasmiṃścit devatāyatane dhvanim / (19.1) Par.?

abhisārikayā sārdhaṃ bhāṣamāṇasya kāminaḥ // (19.2) Par.?

hataṃ muṣṭibhir ākāśaṃ tuṣāṇāṃ kaṇḍanaṃ kṛtam / (20.1) Par.?

mayā yena tvayā sārdhaṃ baddhā prītir abuddhinā // (20.2) Par.?

iyam etāvatī velā khidyamānena yāpitā / (21.1) Par.?

mayā tvaṃ tu gṛhād eva na niryāsi pativratā // (21.2) Par.?

kaumāraḥ subhāgo bhartā yadi nāma priyas tava / (22.1) Par.?

khalīkṛtaiḥ kim asmābhir vṛtheva kulaputrakaiḥ // (22.2) Par.?

evamādi tataḥ śrutvā sā pragalbhābhisārikā / (23.1) Par.?

vihasya viṭam āha sma tvādṛśā hi hatatrapāḥ // (23.2) Par.?

nanu cittaṃ mayārādhyaṃ tasyāpi bhavataḥ kṛte / (24.1) Par.?

na hi bhartṝn aviśvāsya ramante kulaṭā viṭaiḥ // (24.2) Par.?

atha nirmakṣikaṃ bhadra madhu pātuṃ manorathaḥ / (25.1) Par.?

jahi ghātaya bālaṃ me patiṃ nityapramādinam // (25.2) Par.?

atha pāpād asi trastaḥ sphuṭaṃ nāhaṃ tava priyā / (26.1) Par.?

nanu durvārarāgāndhaḥ sutāṃ yāti prajāpatiḥ // (26.2) Par.?

athavālaṃ vivādena vaidharmyaṃ kiṃ na paśyasi / (27.1) Par.?

yena rājyasukhāndhena prajāpālaḥ pitā hataḥ // (27.2) Par.?

suduḥśravam idaṃ śrutvā gopālo durvacaṃ vacaḥ / (28.1) Par.?

gacchann anyatra śuśrāva dhvaniṃ viprasya jalpataḥ // (28.2) Par.?

ayi brāhmaṇi jāgarṣi nandini krandate śiśuḥ / (29.1) Par.?

tvaritaṃ yājate dehi stanyaṃ kaṇṭho 'sya mā śuṣat // (29.2) Par.?

iti śrutvā giraṃ bhartur vinidrā brāhmaṇī sutam / (30.1) Par.?

pitṛghātin mriyasveti nirdayaṃ nirabhartsayat // (30.2) Par.?

āḥ pāpe kim asaṃbaddhaṃ pitṛghātinn iti tvayā / (31.1) Par.?

bālo 'yam uktety enaṃ brāhmaṇaḥ kupito 'bravīt // (31.2) Par.?

kim āryaputra putreṇa yadā rājñā pitā hataḥ / (32.1) Par.?

śrutismṛtivid ity etad uvāca brāhmaṇī patim // (32.2) Par.?

śrutvaivamādi kaulīnaṃ praviśyāntaḥpuraṃ nṛpaḥ / (33.1) Par.?

anayat kṣaṇadāśeṣam asaṃmīlitalocanaḥ // (33.2) Par.?

atha gāḍhāndhakārāyāṃ velāyāṃ mantriṇau rahaḥ / (34.1) Par.?

apṛcchat ko 'yam asmāsu pravādaḥ kathyatām iti // (34.2) Par.?

tatas tāv ūcatus trastau satrāsaṃ nṛpacoditau / (35.1) Par.?

kaulīnahetuśrutaye cittaṃ devāvadhīyatām // (35.2) Par.?

sugṛhītābhidhānasya pradyotasya pitus tava / (36.1) Par.?

āsann avyabhicārīṇy ariṣṭāny aṣṭau mumūrṣataḥ // (36.2) Par.?

uddhārye dhavale keśe pramādāt kṛṣṇa uddhṛte / (37.1) Par.?

uddhartāraṃ mahīpālaḥ kartayāmāsa nāpitam // (37.2) Par.?

bhuñjānena ca pāṣāṇe daśanāgreṇa khaṇḍite / (38.1) Par.?

kulakramāgato vṛddhaḥ sūpakāraḥ pramāpitaḥ // (38.2) Par.?

prakṛter viparītatvaṃ jānann apy evamādibhiḥ / (39.1) Par.?

prabho vidher vidheyatvād brāhmaṇān apy abādhata // (39.2) Par.?

bhartur īdṛśi vṛttānte mantrī tasyāvayoḥ pitā / (40.1) Par.?

adṛṣṭabhartṛvyasanaḥ pūrvam evāgamad divam // (40.2) Par.?

śrutamantrivināśas tu sa rājā rājayakṣmaṇā / (41.1) Par.?

guruśokasahāyena sahasaivābhyabhūyata // (41.2) Par.?

tatas tāte divaṃ yāte yātukāme ca bhūpatau / (42.1) Par.?

prajāsu ca viraktāsu jātau svaḥ kiṃkriyākulau // (42.2) Par.?

prāptakālam idaṃ śreya iti buddhvā prasāritam / (43.1) Par.?

kaulīnam idam āvābhyāṃ saparyanteṣv avantiṣu // (43.2) Par.?

krodhabādhitabodhatvād bādhamānaṃ nijāḥ prajāḥ / (44.1) Par.?

bandhayāmāsa rājānaṃ rājaputraḥ priyaprajaḥ // (44.2) Par.?

śṛṅkhalātantracaraṇaḥ svatantrād bhraṃśitaḥ padāt / (45.1) Par.?

sukhasya mahato dadhyau sa rājendro gajendravat // (45.2) Par.?

cintāmuṣitanidratvād āhāraviraheṇa ca / (46.1) Par.?

sa kṣapāḥ kṣapayan kṣīṇaḥ saṃvatsaraśatāyatāḥ // (46.2) Par.?

putreṇaivamavastho 'pi prajāpriyacikīrṣuṇā / (47.1) Par.?

na mukta eva muktaś ca yāvat prāṇaiḥ priyair iti // (47.2) Par.?

nidānam idam etasya kaulīnasya vigarhitam / (48.1) Par.?

itarad vādhunā devaḥ prabhur ity atha bhūpatiḥ // (48.2) Par.?

adhomukhaḥ kṣaṇaṃ sthitvā talāhatamahītalaḥ / (49.1) Par.?

dṛṣṭvā ca sāsram ākāśam anātha idam abravīt // (49.2) Par.?

tulyau śukrabṛhaspatyor yuvāṃ muktvā suhṛttamau / (50.1) Par.?

anapāyam upāyaṃ kaḥ prayuñjītaitam īdṛśam // (50.2) Par.?

kiṃ tu sattvavatām eṣa śaṅkāśūnyadhiyāṃ kramaḥ / (51.1) Par.?

dṛṣṭādṛṣṭabhayagrastacetasāṃ na tu mādṛśām // (51.2) Par.?

tasmāt pālayataṃ bhadrau pālakaṃ pālakaṃ buvaḥ / (52.1) Par.?

idaṃ tv alīkakaulīnam aśakto 'ham upekṣitum // (52.2) Par.?

tasyaivaṃ bhāṣamāṇasya vrīḍādhomukhamantriṇaḥ / (53.1) Par.?

kūjan prakāśayāmāsa kṣīṇāṃ tāmraśikhaḥ kṣapām // (53.2) Par.?

atha śuśruvire vācaḥ sūtamāgadhabandinām / (54.1) Par.?

yaśodhavalitānantadigantodbudhyatām iti // (54.2) Par.?

dīnadīnaṃ tad ākarṇya karṇadāraṇam apriyam / (55.1) Par.?

pidhāya pārthivaḥ karṇāv uttamāṅgam akampayat // (55.2) Par.?

sa cāvocat pratīhārī nivāryantām amī mama / (56.1) Par.?

kṣate kṣārāvadekena kiṃ phalaṃ bhavatām iti // (56.2) Par.?

āsīc cāsyātha vā dhiṅ mām evam ātmāpavādinam / (57.1) Par.?

nanu praśasyam ātmānaṃ nāham arhāmi ninditum // (57.2) Par.?

niryantraṇavihāreṇa cirajīvini rājani / (58.1) Par.?

rājaputreṇa laḍitaḥ kenānyena yathā mayā // (58.2) Par.?

samucchinnadurucchedabāhyābhyantaravairiṇā / (59.1) Par.?

varṇāśramāḥ svadharmebhyaḥ kiṃ vā vicalitā mayā // (59.2) Par.?

avantivardhanasamo nijāhāryaguṇākaraḥ / (60.1) Par.?

putraḥ punnarakāt trātā kasyānyasya yathā mama // (60.2) Par.?

athavāstām idaṃ sarvam ekenaivāsmi vardhitaḥ / (61.1) Par.?

naravāhanadevena jāmātrā cakravartinā // (61.2) Par.?

eka eva tu me nāsīd guṇaḥ so 'py ayam āgataḥ / (62.1) Par.?

prasādān mantrivṛṣayor yat tapovanasevanam // (62.2) Par.?

iti niṣkampasaṃkalpaś codayāmāsa mantriṇau / (63.1) Par.?

sasiṃhāsanam āsthānaṃ maṇḍape dīyatām iti // (63.2) Par.?

tayos tu gatayoḥ keśān vāpayitvā savalkalaḥ / (64.1) Par.?

kamaṇḍalusanāthaś ca bhūpālo niryayau gṛhāt // (64.2) Par.?

viṣādaviplutākṣeṇa vakṣonikṣiptapāṇinā / (65.1) Par.?

dṛśyamāno 'varodhena viveśāsthānamaṇḍapam // (65.2) Par.?

trāsamlānakapolena dṛṣṭaḥ pṛthulacakṣuṣā / (66.1) Par.?

pālakenābravīt taṃ ca sthita eva sthitaṃ sthitam // (66.2) Par.?

prasādāt tāta tātasya vatsarājasya ca tvayā / (67.1) Par.?

buddheḥ svasyāś ca śuddhāyāḥ kiṃ nāma na parīkṣitam // (67.2) Par.?

ato 'nuśāsitāraṃ tvām anuśāsati bāliśāḥ / (68.1) Par.?

yena loke ta ucyante viyātāḥ pitṛśikṣakāḥ // (68.2) Par.?

etāvat tu mayā vācyaṃ pitryaṃ siṃhāsanaṃ tvayā / (69.1) Par.?

varṇāśramaparitrārtham idam adhyāsyatām iti // (69.2) Par.?

tac cāvaśyam anuṣṭheyam asmākīnaṃ vacas tvayā / (70.1) Par.?

mādṛśāṃ hi na vākyāni vimṛśanti bhavādṛśāḥ // (70.2) Par.?

itīdaṃ pālakaḥ śrutvā sthitvā cādhomukhaḥ kṣaṇam / (71.1) Par.?

uttaraṃ cintayāmāsa nāsāgrāhitalocanaḥ // (71.2) Par.?

kṛtakṛtrimaroṣas tu rājā pālakam abravīt / (72.1) Par.?

bhoḥ siṃhāsanam āroha kiṃ tavottaracintayā // (72.2) Par.?

kiṃ cottaraśatenāpi tvayāhaṃ sopapattinā / (73.1) Par.?

vegaḥ prāvṛṣi śoṇasya caraṇeneva durdharaḥ // (73.2) Par.?

iti dvijātayaḥ śrutvā purohitapuraḥsarāḥ / (74.1) Par.?

viṣādagadgadagiraḥ pramṛjyāśru babhāṣire // (74.2) Par.?

pālakas te niyojyatvād ājñāṃ mā sma vicārayat / (75.1) Par.?

tvanniyogān niyoktāraḥ kasmād vayam udāsmahe // (75.2) Par.?

dhriyamāṇe prajāpāle jyeṣṭhe bhrātari pālakaḥ / (76.1) Par.?

mṛgendrāsanam ārohan khaṭvārūḍho bhaven nanu // (76.2) Par.?

rājyāgnim ādadhad vāpi tvayi varṣaśatāyuṣi / (77.1) Par.?

parivettāram ātmānam ayaṃ manyeta ninditam // (77.2) Par.?

tasmād asmān nivartasva saṃkalpād atibhīṣaṇāt / (78.1) Par.?

śokajāny aśruvārīṇi bhavantv ānandajāni naḥ // (78.2) Par.?

baddhāñjalir athovāca kiṃcin namitakaṃdharaḥ / (79.1) Par.?

alaṃ vaḥ pīḍayitvā māṃ vacobhir iti pārthivaḥ // (79.2) Par.?

mayāyam abhyanujñāto rakṣaṇe ca kṣamaḥ kṣiteḥ / (80.1) Par.?

khaṭvārūḍho na bhavitā ninditaḥ śabdavedibhiḥ // (80.2) Par.?

asamarthe ca rājyāgneḥ pālane patite mayi / (81.1) Par.?

parivettāpi naivāyaṃ bhaviṣyati narādhipaḥ // (81.2) Par.?

yac cāpi pihitāḥ karṇā ākarṇya patitadhvanim / (82.1) Par.?

prajābhis tac ca na mṛṣā mayā hi nihataḥ pitā // (82.2) Par.?

tad idaṃ pātakaṃ kṛtvā yuṣmatpīḍāpraśāntaye / (83.1) Par.?

prāyaścittaṃ vrajan kartuṃ na nivāryo 'smi kenacit // (83.2) Par.?

mayā cātyaktadharmeṇa yat prajānāṃ kṛte kṛtam / (84.1) Par.?

tasya pratyupakārāya pālakaḥ pālyatām ayam // (84.2) Par.?

itīdaṃ prakṛtīr uktvā pālakaṃ punar abravīt / (85.1) Par.?

avantivardhanaṃ putraṃ matprītyā pālayer iti // (85.2) Par.?

vilakṣahasitaṃ kṛtvā gopālaṃ pālako 'bravīt / (86.1) Par.?

avantivardhano rājā rājan kasmān na jāyatām // (86.2) Par.?

satsu bhartṛṣu bhūpāla guṇavatsv api bhūbhujaḥ / (87.1) Par.?

nikṣiptavantaḥ śrūyante putreṣv eva guruṃ dhuram // (87.2) Par.?

gopālas tam athovāca bhaviṣyati yuvā yadā / (88.1) Par.?

tvaṃ ca vṛddhas tadā yuktaṃ svayam eva kariṣyasi // (88.2) Par.?

evaṃ niruttarāḥ kṛtvā prakṛtīs tāḥ sapālakāḥ / (89.1) Par.?

sarvatīrthāmbukalaśair abhyaṣiñcat sa pālakam // (89.2) Par.?

āropya cainaṃ tvaritaṃ siṃhāsanam udaṅmukhaḥ / (90.1) Par.?

nirjagāma purāt svasmād ekarātroṣito yathā // (90.2) Par.?

atha rājani kānanāvṛte puram āspanditalokalocanām / (91.1) Par.?

nibhṛtaśvasitāmayadhvaniṃ mṛtakalpāṃ praviveśa pālakaḥ // (91.2) Par.?

Duration=0.27611088752747 secs.