Texts

atha saṃkṣiptadīkṣeyaṃ śivatāpattidocyate / (1.1) Par.?

na rajo nādhivāso 'tra na bhūkṣetraparigrahaḥ / (1.2) Par.?

yatra tatra pradeśe tu pūjayitvā guruḥ śivam // (1.3) Par.?

adhvānaṃ manasā dhyātvā dīkṣayettattvapāragaḥ / (2.1) Par.?

jananādivihīnāṃ tu yena yenādhvanā guruḥ // (2.2) Par.?

kuryātsa ekatattvāntāṃ śivabhāvaikabhāvitaḥ / (3.1) Par.?

parāmantrastato 'syeti tattvaṃ saṃśodhayāmyatha // (3.2) Par.?

svāheti pratitattvaṃ syācchuddhe pūrṇāhutiṃ kṣipet / (4.1) Par.?

evaṃ mantrāntaraiḥ kuryātsamastairathavoktavat // (4.2) Par.?

parāsaṃpuṭitaṃ nāma svāhāntaṃ prathamāntakam / (5.1) Par.?

śataṃ sahasraṃ sāṣṭaṃ vā tena śaktyaiva homayet // (5.2) Par.?

tataḥ pūrṇeti saṃśodhyahīnamuttamamīdṛśam / (6.1) Par.?

dīkṣākarmoditaṃ tatra tatra śāstre maheśinā // (6.2) Par.?

pratyekaṃ mātṛkāyugmavarṇaistattvāni śodhayet / (7.1) Par.?

yadi vā piṇḍamantreṇa sarvamantreṣvayaṃ vidhiḥ // (7.2) Par.?

yathā yathā ca svabhyastajñānastanmayatātmakaḥ / (8.1) Par.?

gurustathā tathā kuryāt saṃkṣiptaṃ karma nānyathā // (8.2) Par.?

śrībrahmayāmale coktaṃ saṃkṣipte 'pi hi bhāvayet / (9.1) Par.?

vyāptiṃ sarvādhvasāmānyāṃ kiṃtu yāge na vistaraḥ // (9.2) Par.?

atanmayībhūtamiti vikṣiptaṃ karma saṃdadhat / (10.1) Par.?

kramāttādātmyametīti vikṣiptaṃ vidhimācaret // (10.2) Par.?

saṃkṣipto vidhirukto 'yaṃ kṛpayā yaḥ śivoditaḥ / (11.1) Par.?

dīkṣottare kairaṇe ca tatra tatrāpi śāsane // (11.2) Par.?