Texts

hariruvāca / (1.1) Par.?

nyāsādikaṃ pravakṣyāmi gāyatryāḥ śṛṇu śaṅkara / (1.2) Par.?

viśvāmitrarṣiścaiva savitā cātha devatā // (1.3) Par.?

brahmaśīrṣā rudraśikhā viṣṇorhṛdayasaṃśritā / (2.1) Par.?

viniyogaikanayanā kātyāyanasagotrajā // (2.2) Par.?

trailokyacaraṇā jñeyā pṛthivīkukṣisaṃsthitā / (3.1) Par.?

evaṃ jñātvā tu gāyattrīṃ japeddvādaśalakṣakam // (3.2) Par.?

tripadāṣṭākṣarā jñeyā catuṣpādā ṣaḍakṣarā / (4.1) Par.?

jape ca tripadā proktā arcane ca catuṣpadā // (4.2) Par.?

nyāse jape tathā dhyāne agnikārye tathārcane / (5.1) Par.?

gāyattrīṃ vinyasennityaṃ sarvapāpapraṇāśinīm // (5.2) Par.?

pādāṃguṣṭhe gulphamadhye jaṅghayorviddhi jānunoḥ / (6.1) Par.?

ūrvorguhye ca vṛṣaṇe nāḍyāṃ nābhau tanūdare // (6.2) Par.?

stanayorhṛdi kaṇṭhauṣṭhamukhe tāluni cāṃsayoḥ / (7.1) Par.?

netre bhuvār lalāṭe ca pūrvasyāṃ dakṣiṇottare // (7.2) Par.?

paścime mūrdhni cākāraṃ nyasedvarṇānvadāmyaham / (8.1) Par.?

indranīlaṃ ca vahniṃ ca pītaṃ śyāmaṃ ca kāpilam // (8.2) Par.?

śvetaṃ vidyutprabhaṃ tāraṃ kṛṣṇaṃ raktaṃ krameṇa tat / (9.1) Par.?

śyāmaṃ śuklaṃ tathā pītaṃ śvetaṃ vai padmarāgavat // (9.2) Par.?

śaṅkhavarṇaṃ pāṇḍuraṃ ca raktaṃ cāsavasannibham / (10.1) Par.?

arkavarṇasamaṃ saumyaṃ śaṅkhābhaṃ śvetameva ca // (10.2) Par.?

yadyatspṛśati hastena yacca paśyati cakṣuṣā / (11.1) Par.?

pūtaṃ bhavati tatsarvaṃ gāyattryā na paraṃ viduḥ // (11.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe gāyatrīnyāsanirūpaṇaṃ nāma pañcatriṃśo 'dhyāyaḥ // (12.1) Par.?