Texts

sūta uvāca / (1.1) Par.?

harirmanvantarāṇyāha brahmādibhyo harāya ca / (1.2) Par.?

mārkaṇḍeyaḥ pitṛstotraṃ krauñcukiṃ prāha tacchṛṇu // (1.3) Par.?

mārkaṇḍeya uvāca / (2.1) Par.?

ruciḥ prajāpatiḥ pūrvaṃ nirmamo nirahaṃkṛtiḥ / (2.2) Par.?

atrasto 'mitamāyī ca cacāra pṛthivīmimām // (2.3) Par.?

anagnimaniketaṃ tam ekāhāram anāśramam / (3.1) Par.?

nimuktasaṅgaṃ taṃ dṛṣṭvā procuḥ svapitaro munim // (3.2) Par.?

pitara ūcuḥ / (4.1) Par.?

vatsa kasmāttvayā puṇyo na kṛto dārasaṃgrahaḥ / (4.2) Par.?

svargāpavargahetutvād bandhastenāniśaṃ vinā // (4.3) Par.?

gṛhī samastadevānāṃ pitṝṇāṃ ca tathārhaṇam / (5.1) Par.?

ṛṣīṇāmarthināṃ caiva kurvaṃllokānavāpnuyāt // (5.2) Par.?

svāhoccāraṇato devānsvadhoccāraṇataḥ pitṝn / (6.1) Par.?

vibhajatyannadānena bhṛtyādyānatithīnapi // (6.2) Par.?

sattvaṃ daivād ṛṇād bandham imam asmadṛṇādapi / (7.1) Par.?

avāpto 'si manuṣyarṣe bhūtebhyaśca dine dine // (7.2) Par.?

anutpādya sutāndevān asaṃtarpya pitṝṃstathā / (8.1) Par.?

akṛtvā ca kathaṃ māṇḍyaṃ svargatiṃ prāptumicchasi // (8.2) Par.?

kleśabodhaikakaṃ putra anyāyena bhavettava / (9.1) Par.?

mṛtasya narakaṃ tyaktvā kleśa evānyajanmani // (9.2) Par.?

ruciruvāca / (10.1) Par.?

parigraho 'tiduḥkhāya pāpāyādhogatestathā / (10.2) Par.?

bhavatyato mayā pūrvaṃ na kṛto dārasaṃgrahaḥ // (10.3) Par.?

ātmanaḥ saṃśayopāyaḥ kriyate kṣaṇamantraṇāt / (11.1) Par.?

svamuktiheturna bhavatyasāvapi parigrahāt // (11.2) Par.?

prakṣālyate 'nudivasaṃ ya ātmā niṣparigrahaḥ / (12.1) Par.?

mama tv apaṅkadigdho 'pi vidyāmbhobhirvaraṃ hi tat // (12.2) Par.?

anekabhavasambhūtakarmapaṅkāṅkito budhaiḥ / (13.1) Par.?

ātmā tattvajñānatoyaiḥ prakṣālyo niyatendriyaiḥ // (13.2) Par.?

pitara ūcuḥ / (14.1) Par.?

yuktaṃ prakṣālanaṃ kartumātmano 'pi yatendriyaiḥ / (14.2) Par.?

kiṃtu nopāyamārgo 'yaṃ yatastvaṃ putra vartase // (14.3) Par.?

pañcayajñaistapodānairaśubhaṃ nudatastava / (15.1) Par.?

phalābhisandhirahitaiḥ pūrvakarma śubhāśubhaiḥ // (15.2) Par.?

evaṃ na bandho bhavati kurvataḥ kāraṇātmakam / (16.1) Par.?

na ca bandhāya tatkarma bhavaty anatisaṃnibham // (16.2) Par.?

pūrvakarma kṛtaṃ bogaiḥ kṣīyate hyaniśaṃ tathā / (17.1) Par.?

sukhaduḥkhātmakair vatsa puṇyāpuṇyātmakaṃ nṛṇām // (17.2) Par.?

evaṃ prakṣālyate prājñairātmā bandhācca rakṣyate / (18.1) Par.?

rakṣyaśca svavivekairna pāpapaṅkena dahyate // (18.2) Par.?

ruciruvāca / (19.1) Par.?

avidyā pacyate vede karmamārgātpitāmahāḥ / (19.2) Par.?

tatkathaṃ karmaṇo mārge bhavanto yojayanti mām // (19.3) Par.?

pitara ūcuḥ / (20.1) Par.?

avidyā sarvamevaitatkarmaṇaitanmṛṣā vacaḥ / (20.2) Par.?

kiṃtu vidyāpariprāptau hetuḥ karma na saṃśayaḥ // (20.3) Par.?

vihitākaraṇānartho na sadbhiḥ kriyate tu yaḥ / (21.1) Par.?

saṃyamo muktaye yo 'nyaḥ pratyutādhogatipradaḥ // (21.2) Par.?

prakṣālayāmīti bhavānyadetanmanyate varam / (22.1) Par.?

vihitākaraṇodbhūtaiḥ pāpaistvamapi dahyase // (22.2) Par.?

avidyāpyupakārāya viṣavajjāyate nṛṇām / (23.1) Par.?

anuṣṭhānābhyupāyena bandhayogyāpi no hi sā // (23.2) Par.?

tasmādvatsa kuruṣva tvaṃ vidhivaddārasaṃgraham / (24.1) Par.?

ājanma viphalaṃ te 'stu asamprāpyānyalaukikam // (24.2) Par.?

ruciruvāca / (25.1) Par.?

vṛddho 'haṃ sāmprataṃ ko me pitaraḥ sampradāsyati / (25.2) Par.?

bhāryāṃ tathā daridrasya duṣkaro dārasaṃgrahaḥ // (25.3) Par.?

pitara ūcuḥ / (26.1) Par.?

asmākaṃ patanaṃ vatsa bhavataścāpyadhogatiḥ / (26.2) Par.?

nūnaṃ bhāvi bhavitrī ca nābhinandasi no vacaḥ // (26.3) Par.?

ityuktvā pitarastasya paśyato munisattama / (27.1) Par.?

babhūvuḥ sahasādṛśyā dīpā vātahatā iva // (27.2) Par.?

muniḥ krauñcukaye prāha mārkaṇḍeyo mahātapāḥ / (28.1) Par.?

rucivṛttāntamakhilaṃ pitṛsaṃvādalakṣaṇam // (28.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe karmajñānaṃ nāmāṣṭāśītitamo 'dhyāyaḥ // (29.1) Par.?