UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
ātman
Show parallels
Show headlines
Use dependency labeler
Chapter id: 9120
- Click on a sentence to show its analysis
- Keep the mouse pointer over a lemma to show its meanings.
atha hainam uṣastaś cākrāyaṇaḥ papraccha / (1.1)
Par.?
yājñavalkyeti hovāca yat sākṣād aparokṣād brahma ya ātmā sarvāntaras taṃ me vyācakṣveti / (1.2) Par.?
eṣa ta ātmā sarvāntaraḥ / (1.3)
Par.?
yaḥ prāṇena prāṇiti sa ta ātmā sarvāntaraḥ / (1.4)
Par.?
yo 'pānenāpāniti sa ta ātmā sarvāntaraḥ / (1.5)
Par.?
yo vyānena vyaniti sa ta ātmā sarvāntaraḥ / (1.6)
Par.?
ya udānenodaniti sa ta ātmā sarvāntaraḥ / (1.7)
Par.?
eṣa ta ātmā sarvāntaraḥ // (1.8)
Par.?
sa hovācoṣastaś cākrāyaṇaḥ yathā vai brūyād asau gaur asāv aśva ity evam evaitad vyapadiṣṭaṃ bhavati / (2.1)
Par.?
yad eva sākṣād aparokṣād brahma ya ātmā sarvāntaras taṃ me vyācakṣveti / (2.2)
Par.?
eṣa ta ātmā sarvāntaraḥ / (2.3)
Par.?
katamo yājñavalkya sarvāntaraḥ / (2.4)
Par.?
na dṛṣṭer draṣṭāraṃ paśyeḥ / (2.5)
Par.?
na śruteḥ śrotāraṃ śṛṇuyāḥ / (2.6)
Par.?
na mater mantāraṃ manvīthāḥ / (2.7)
Par.?
na vijñāter vijñātāraṃ vijānīyāḥ / (2.8)
Par.?
eṣa ta ātmā sarvāntaraḥ / (2.9)
Par.?
ato 'nyad ārtam / (2.10)
Par.?
tato hoṣastaś cākrāyaṇa upararāma // (2.11)
Par.?
Duration=0.058758020401001 secs.