Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 10850
- Click on a sentence to show its analysis
- Keep the mouse pointer over a lemma to show its meanings.
śvityañco mā dakṣiṇataskapardā dhiyañjinvāso abhi hi pramanduḥ / (1.1) Par.?
uttiṣṭhan voce pari barhiṣo nṝn na me dūrād avitave vasiṣṭhāḥ // (1.2) Par.?
dūrād indram anayann ā sutena tiro vaiśantam ati pāntam ugram / (2.1) Par.?
pāśadyumnasya vāyatasya somāt sutād indro 'vṛṇītā vasiṣṭhān // (2.2) Par.?
even nu kaṃ sindhum ebhis tatāreven nu kam bhedam ebhir jaghāna / (3.1) Par.?
even nu kaṃ dāśarājñe sudāsam prāvad indro brahmaṇā vo vasiṣṭhāḥ // (3.2) Par.?
juṣṭī naro brahmaṇā vaḥ pitṝṇām akṣam avyayaṃ na kilā riṣātha / (4.1) Par.?
yacchakvarīṣu bṛhatā raveṇendre śuṣmam adadhātā vasiṣṭhāḥ // (4.2) Par.?
ud dyām ivet tṛṣṇajo nāthitāso 'dīdhayur dāśarājñe vṛtāsaḥ / (5.1) Par.?
vasiṣṭhasya stuvata indro aśrod uruṃ tṛtsubhyo akṛṇod ulokam // (5.2) Par.?
daṇḍā ived goajanāsa āsan paricchinnā bharatā arbhakāsaḥ / (6.1) Par.?
abhavac ca puraetā vasiṣṭha ād it tṛtsūnāṃ viśo aprathanta // (6.2) Par.?
trayaḥ kṛṇvanti bhuvaneṣu retas tisraḥ prajā āryā jyotiragrāḥ / (7.1) Par.?
trayo gharmāsa uṣasaṃ sacante sarvāṁ it tāṁ anu vidur vasiṣṭhāḥ // (7.2) Par.?
sūryasyeva vakṣatho jyotir eṣāṃ samudrasyeva mahimā gabhīraḥ / (8.1) Par.?
vātasyeva prajavo nānyena stomo vasiṣṭhā anvetave vaḥ // (8.2) Par.?
ta in niṇyaṃ hṛdayasya praketaiḥ sahasravalśam abhi saṃ caranti / (9.1) Par.?
yamena tatam paridhiṃ vayanto 'psarasa upa sedur vasiṣṭhāḥ // (9.2) Par.?
vidyuto jyotiḥ pari saṃjihānam mitrāvaruṇā yad apaśyatāṃ tvā / (10.1) Par.?
tat te janmotaikaṃ vasiṣṭhāgastyo yat tvā viśa ājabhāra // (10.2) Par.?
utāsi maitrāvaruṇo vasiṣṭhorvaśyā brahman manaso 'dhi jātaḥ / (11.1) Par.?
drapsaṃ skannam brahmaṇā daivyena viśve devāḥ puṣkare tvādadanta // (11.2) Par.?
sa praketa ubhayasya pravidvān sahasradāna uta vā sadānaḥ / (12.1) Par.?
yamena tatam paridhiṃ vayiṣyann apsarasaḥ pari jajñe vasiṣṭhaḥ // (12.2) Par.?
satre ha jātāv iṣitā namobhiḥ kumbhe retaḥ siṣicatuḥ samānam / (13.1) Par.?
tato ha māna ud iyāya madhyāt tato jātam ṛṣim āhur vasiṣṭham // (13.2) Par.?
ukthabhṛtaṃ sāmabhṛtam bibharti grāvāṇam bibhrat pra vadāty agre / (14.1) Par.?
upainam ādhvaṃ sumanasyamānā ā vo gacchāti pratṛdo vasiṣṭhaḥ // (14.2) Par.?
Duration=0.064587831497192 secs.