Texts

Select a text:
Bibliography

Select a chapter:
(no revisions)

Associated topic(s): Aśvins

Show parallels Show headlines
Use dependency labeler

Chapter id: 11286

ud īrāthām ṛtāyate yuñjāthām aśvinā ratham / (1.1) Par.?

anti ṣad bhūtu vām avaḥ // (1.2) Par.?

nimiṣaś cij javīyasā rathenā yātam aśvinā / (2.1) Par.?

anti ṣad bhūtu vām avaḥ // (2.2) Par.?

upa stṛṇītam atraye himena gharmam aśvinā / (3.1) Par.?

anti ṣad bhūtu vām avaḥ // (3.2) Par.?

kuha sthaḥ kuha jagmathuḥ kuha śyeneva petathuḥ / (4.1) Par.?

anti ṣad bhūtu vām avaḥ // (4.2) Par.?

yad adya karhi karhicicchuśrūyātam imaṃ havam / (5.1) Par.?

anti ṣad bhūtu vām avaḥ // (5.2) Par.?

aśvinā yāmahūtamā nediṣṭhaṃ yāmy āpyam / (6.1) Par.?

anti ṣad bhūtu vām avaḥ // (6.2) Par.?

avantam atraye gṛhaṃ kṛṇutaṃ yuvam aśvinā / (7.1) Par.?

anti ṣad bhūtu vām avaḥ // (7.2) Par.?

varethe agnim ātapo vadate valgv atraye / (8.1) Par.?

anti ṣad bhūtu vām avaḥ // (8.2) Par.?

pra saptavadhrir āśasā dhārām agner aśāyata / (9.1) Par.?

anti ṣad bhūtu vām avaḥ // (9.2) Par.?

ihā gataṃ vṛṣaṇvasū śṛṇutam ma imaṃ havam / (10.1) Par.?

anti ṣad bhūtu vām avaḥ // (10.2) Par.?

kim idaṃ vām purāṇavaj jarator iva śasyate / (11.1) Par.?

anti ṣad bhūtu vām avaḥ // (11.2) Par.?

samānaṃ vāṃ sajātyaṃ samāno bandhur aśvinā / (12.1) Par.?

anti ṣad bhūtu vām avaḥ // (12.2) Par.?

yo vāṃ rajāṃsy aśvinā ratho viyāti rodasī / (13.1) Par.?

anti ṣad bhūtu vām avaḥ // (13.2) Par.?

ā no gavyebhir aśvyaiḥ sahasrair upa gacchatam / (14.1) Par.?

anti ṣad bhūtu vām avaḥ // (14.2) Par.?

mā no gavyebhir aśvyaiḥ sahasrebhir ati khyatam / (15.1) Par.?

anti ṣad bhūtu vām avaḥ // (15.2) Par.?

aruṇapsur uṣā abhūd akar jyotir ṛtāvarī / (16.1) Par.?

anti ṣad bhūtu vām avaḥ // (16.2) Par.?

aśvinā su vicākaśad vṛkṣam paraśumāṁ iva / (17.1) Par.?

anti ṣad bhūtu vām avaḥ // (17.2) Par.?

puraṃ na dhṛṣṇav ā ruja kṛṣṇayā bādhito viśā / (18.1) Par.?

anti ṣad bhūtu vām avaḥ // (18.2) Par.?

Duration=0.060376882553101 secs.