UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9898
- Click on a sentence to show its analysis
- Keep the mouse pointer over a lemma to show its meanings.
ayaṃ venaś codayat pṛśnigarbhā jyotirjarāyū rajaso vimāne / (1.1)
Par.?
imam apāṃ saṃgame sūryasya śiśuṃ na viprā matibhī rihanti // (1.2)
Par.?
samudrād ūrmim ud iyarti veno nabhojāḥ pṛṣṭhaṃ haryatasya darśi / (2.1)
Par.?
ṛtasya sānāv adhi viṣṭapi
bhrāṭ samānaṃ yonim abhy anūṣata vrāḥ // (2.2)
Par.?
samānam pūrvīr abhi vāvaśānās tiṣṭhan vatsasya mātaraḥ sanīḍāḥ / (3.1)
Par.?
ṛtasya sānāv adhi cakramāṇā rihanti madhvo amṛtasya vāṇīḥ // (3.2)
Par.?
jānanto rūpam akṛpanta viprā mṛgasya ghoṣam mahiṣasya hi gman / (4.1) Par.?
ṛtena yanto adhi sindhum asthur vidad gandharvo amṛtāni nāma // (4.2)
Par.?
apsarā jāram upasiṣmiyāṇā yoṣā bibharti parame vyoman / (5.1)
Par.?
carat priyasya yoniṣu priyaḥ san sīdat pakṣe hiraṇyaye sa venaḥ // (5.2)
Par.?
nāke suparṇam upa yat patantaṃ hṛdā venanto abhy acakṣata tvā / (6.1)
Par.?
hiraṇyapakṣaṃ varuṇasya dūtaṃ yamasya yonau śakunam bhuraṇyum // (6.2)
Par.?
ūrdhvo gandharvo adhi nāke asthāt pratyaṅ citrā bibhrad asyāyudhāni / (7.1)
Par.?
vasāno atkaṃ surabhiṃ dṛśe kaṃ svar ṇa nāma janata priyāṇi // (7.2)
Par.?
drapsaḥ samudram abhi yaj jigāti paśyan gṛdhrasya cakṣasā vidharman / (8.1)
Par.?
bhānuḥ śukreṇa śociṣā cakānas tṛtīye cakre rajasi priyāṇi // (8.2)
Par.?
Duration=0.054631948471069 secs.