Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9805

Click on a sentence to show its analysis
Keep the mouse pointer over a lemma to show its meanings.

mārkaṇḍeya uvāca / (1.1) Par.?

sāvarṇiḥ sūryatanayo yo manuḥ kathyate 'ṣṭamaḥ / (1.2) Par.?

niśāmaya tadutpattiṃ vistarād gadato mama // (1.3) Par.?

mahāmāyānubhāvena yathā manvantarādhipaḥ / (2.1) Par.?

sa babhūva mahābhāgaḥ sāvarṇistanayo raveḥ // (2.2) Par.?

svārociṣe 'ntare pūrvaṃ caitravaṃśasamudbhavaḥ / (3.1) Par.?

suratho nāma rājābhūt samaste kṣitimaṇḍale // (3.2) Par.?

tasya pālayataḥ samyak prajāḥ putrān ivaurasān / (4.1) Par.?

babhūvuḥ śatravo bhūpāḥ kolāvidhvaṃsinastadā // (4.2) Par.?

tasya tairabhavad yuddhamatiprabaladaṇḍinaḥ / (5.1) Par.?

nyūnairapi sa tairyuddhe kolāvidhvaṃsibhirjitaḥ // (5.2) Par.?

tataḥ svapuramāyāto nijadeśādhipo 'bhavat / (6.1) Par.?

ākrāntaḥ sa mahābhāgastaistadā prabalāribhiḥ // (6.2) Par.?

amātyairbalibhirduṣṭairdurbalasya durātmabhiḥ / (7.1) Par.?

kośo balaṃ cāpahṛtaṃ tatrāpi svapure tataḥ // (7.2) Par.?

tato mṛgayāvyājena hṛtasvāmyaḥ sa bhūpatiḥ / (8.1) Par.?

ekākī hayamāruhya jagāma gahanaṃ vanam // (8.2) Par.?

sa tatrāśramamadrākṣīd dvijavaryasya medhasaḥ / (9.1) Par.?

praśāntaśvāpadākīrṇaṃ muniśiṣyopaśobhitam // (9.2) Par.?

tasthau kañcit sa kālaṃ ca muninā tena satkṛtaḥ / (10.1) Par.?

itaścaitaśca vicaraṃstasmin munivarāśrame // (10.2) Par.?

so 'cintayat tadā tatra mamatvākṛṣṭamānasaḥ // (11.1) Par.?

matpūrvaiḥ pālitaṃ pūrvaṃ mayā hīnaṃ puraṃ hi tat / (12.1) Par.?

madbhṛtyaistairasadvṛttairdharmataḥ pālyate na vā // (12.2) Par.?

na jāne sa pradhāno me śūrahastī sadāmadaḥ / (13.1) Par.?

mama vairivaśaṃ yātaḥ kān bhogānupalapsyate // (13.2) Par.?

ye mamānugatā nityaṃ prasādadhanabhojanaiḥ / (14.1) Par.?

anuvṛttiṃ dhruvaṃ te 'dya kurvantyanyamahībhṛtām // (14.2) Par.?

asamyagvyayaśīlaistaiḥ kurvadbhiḥ satataṃ vyayam / (15.1) Par.?

saṃcitaḥ so 'tiduḥkhena kṣayaṃ kośo gamiṣyati // (15.2) Par.?

etaccānyacca satataṃ cintayāmāsa pārthivaḥ / (16.1) Par.?

tatra viprāśramābhyāse vaiśyamekaṃ dadarśa saḥ // (16.2) Par.?

sa pṛṣṭastena kastvaṃ bho hetuścāgamane 'tra kaḥ / (17.1) Par.?

saśoka iva kasmāttvaṃ durmanā iva lakṣyase // (17.2) Par.?

ityākarṇya vacastasya bhūpateḥ praṇayoditam / (18.1) Par.?

pratyuvāca sa taṃ vaiśyaḥ praśrayāvanato nṛpam // (18.2) Par.?

vaiśya uvāca / (19.1) Par.?

samādhirnāma vaiśyo 'hamutpanno dhanināṃ kule / (19.2) Par.?

putradārairnirastaśca dhanalobhādasādhubhiḥ // (19.3) Par.?

vihīnaśca dhanairdāraiḥ putrairādāya me dhanam / (20.1) Par.?

vanamabhyāgato duḥkhī nirastaścāptabandhubhiḥ // (20.2) Par.?

so 'haṃ na vedmi putrāṇāṃ kuśalākuśalātmikām / (21.1) Par.?

pravṛttiṃ svajanānāṃ ca dārāṇāṃ cātra saṃsthitaḥ // (21.2) Par.?

kiṃ nu teṣāṃ gṛhe kṣemamakṣemaṃ kiṃ nu sāmpratam / (22.1) Par.?

kathaṃ te kiṃ nu sadvṛttā durvṛttāḥ kiṃ nu me sutāḥ // (22.2) Par.?

rājovāca / (23.1) Par.?

yairnirasto bhavāṃllubdhaiḥ putradārādibhirdhanaiḥ / (23.2) Par.?

teṣu kiṃ bhavataḥ snehamanubadhnāti mānasam // (23.3) Par.?

vaiśya uvāca / (24.1) Par.?

evametadyathā prāha bhavānasmadgataṃ vacaḥ / (24.2) Par.?

kiṃ karomi na badhnāti mama niṣṭhuratāṃ manaḥ // (24.3) Par.?

yaiḥ saṃtyajya pitṛsnehaṃ dhanalubdhairnirākṛtaḥ / (25.1) Par.?

patiḥ svajanahārdaṃ ca hādirteṣveva me manaḥ // (25.2) Par.?

kimetannābhijānāmi jānannapi mahāmate / (26.1) Par.?

yatpremapravaṇaṃ cittaṃ viguṇeṣvapi bandhuṣu // (26.2) Par.?

teṣāṃ kṛte me niḥśvāso daurmanasyaṃ ca jāyate / (27.1) Par.?

karomi kiṃ yanna manasteṣvaprītiṣu niṣṭhuram // (27.2) Par.?

mārkaṇḍeya uvāca / (28.1) Par.?

tatastau sahitau vipra taṃ muniṃ samupasthitau / (28.2) Par.?

samādhirnāma vaiśyo 'sau sa ca pārthivasattamaḥ // (28.3) Par.?

kṛtvā tu tau yathānyāyaṃ yathārhaṃ tena saṃvidam / (29.1) Par.?

upaviṣṭau kathāḥ kāściccakraturvaiśyapārthivau // (29.2) Par.?

rājovāca / (30.1) Par.?

bhagavaṃstvāmahaṃ praṣṭumicchāmyekaṃ vadasva tat / (30.2) Par.?

duḥkhāya yanme manasaḥ svacittāyattatāṃ vinā // (30.3) Par.?

mamatvaṃ gatarājyasya rājyāṅgeṣvakhileṣvapi / (31.1) Par.?

jānato 'pi yathājñasya kimetanmunisattama // (31.2) Par.?

ayaṃ ca nikṛtaḥ putrairdārairbhṛtyaistathojjhitaḥ / (32.1) Par.?

svajanena ca saṃtyaktasteṣu hārdī tathāpyati // (32.2) Par.?

evameṣa tathāhaṃ ca dvāvapyatyantaduḥkhitau / (33.1) Par.?

dṛṣṭadoṣe 'pi viṣaye mamatvākṛṣṭamānasau // (33.2) Par.?

tatkimetanmahābhāga yanmoho jñāninorapi / (34.1) Par.?

mamāsya ca bhavatyeṣā vivekāndhasya mūḍhatā // (34.2) Par.?

ṛṣiruvāca / (35.1) Par.?

jñānamasti samastasya jantorviṣayagocare / (35.2) Par.?

viṣayāśca mahābhāga yānti caivaṃ pṛthakpṛthak // (35.3) Par.?

divāndhāḥ prāṇinaḥ kecidrātrāvandhāstathāpare / (36.1) Par.?

kecid divā tathā rātrau prāṇinastulyadṛṣṭayaḥ // (36.2) Par.?

jñānino manujāḥ satyaṃ kintu te na hi kevalam / (37.1) Par.?

yato hi jñāninaḥ sarve paśupakṣimṛgādayaḥ // (37.2) Par.?

jñānaṃ ca tanmanuṣyāṇāṃ yatteṣāṃ mṛgapakṣiṇām / (38.1) Par.?

manuṣyāṇāṃ ca yatteṣāṃ tulyamanyattathobhayoḥ // (38.2) Par.?

jñāne 'pi sati paśyaitān pataṅgāñ chāvacañcuṣu / (39.1) Par.?

kaṇamokṣādṛtān mohātpīḍyamānānapi kṣudhā // (39.2) Par.?

mānuṣā manujavyāghra sābhilāṣāḥ sutān prati / (40.1) Par.?

lobhāt pratyupakārāya nanvetān kiṃ na paśyasi // (40.2) Par.?

tathāpi mamatāvarte mohagarte nipātitāḥ / (41.1) Par.?

mahāmāyāprabhāveṇa saṃsārasthitikāriṇā // (41.2) Par.?

tannātra vismayaḥ kāryo yoganidrā jagatpateḥ / (42.1) Par.?

mahāmāyā hareścaiṣā tayā saṃmohyate jagat // (42.2) Par.?

jñānināmapi cetāṃsi devī bhagavatī hi sā / (43.1) Par.?

balādākṛṣya mohāya mahāmāyā prayacchati // (43.2) Par.?

tayā visṛjyate viśvaṃ jagadetaccarācaram / (44.1) Par.?

saiṣā prasannā varadā nṛṇāṃ bhavati muktaye // (44.2) Par.?

sā vidyā paramā mukterhetubhūtā sanātanī / (45.1) Par.?

saṃsārabandhahetuśca saiva sarveśvareśvarī // (45.2) Par.?

rājovāca / (46.1) Par.?

bhagavan kā hi sā devī mahāmāyeti yāṃ bhavān / (46.2) Par.?

bravīti kathamutpannā sā karmāsyāśca kiṃ dvija // (46.3) Par.?

yatsvabhāvā ca sā devī yatsvarūpā yadudbhavā / (47.1) Par.?

tat sarvaṃ śrotumicchāmi tvatto brahmavidāṃ vara // (47.2) Par.?

ṛṣiruvāca / (48.1) Par.?

nityaiva sā jaganmūrtistayā sarvamidaṃ tatam / (48.2) Par.?

tathāpi tatsamutpattirbahudhā śrūyatāṃ mama // (48.3) Par.?

devānāṃ kāryasiddhyarthamāvirbhavati sā yadā / (49.1) Par.?

utpanneti tadā loke sā nityāpyabhidhīyate // (49.2) Par.?

yoganidrāṃ yadā viṣṇurjagatyekārṇavīkṛte / (50.1) Par.?

āstīrya śeṣamabhajat kalpānte bhagavān prabhuḥ // (50.2) Par.?

tadā dvāvasurau ghorau vikhyātau madhukaiṭabhau / (51.1) Par.?

viṣṇukarṇamalodbhūtau hantuṃ brahmāṇamudyatau // (51.2) Par.?

sa nābhikamale viṣṇoḥ sthito brahmā prajāpatiḥ / (52.1) Par.?

dṛṣṭvā tāvasurau cograu prasuptaṃ ca janārdanam // (52.2) Par.?

tuṣṭāva yoganidrāṃ tāmekāgrahṛdayasthitaḥ / (53.1) Par.?

vibodhanārthāya harerharinetrakṛtālayām // (53.2) Par.?

viśveśvarīṃ jagaddhātrīṃ sthitisaṃhārakāriṇīm / (54.1) Par.?

nidrāṃ bhagavatīṃ viṣṇoratulāṃ tejasaḥ prabhuḥ // (54.2) Par.?

brahmovāca / (55.1) Par.?

tvaṃ svāhā tvaṃ svadhā tvaṃ hi vaṣaṭkāraḥ svarātmikā / (55.2) Par.?

sudhā tvamakṣare nitye tridhāmātrātmikā sthitāḥ // (55.3) Par.?

ardhamātrā sthitā nityā yānuccāryā viśeṣataḥ / (56.1) Par.?

tvameva saṃdhyā sāvitrī tvaṃ vedajananī parā // (56.2) Par.?

tvayaitaddhāryate viśvaṃ tvayaitat sṛjyate jagat / (57.1) Par.?

tvayaitat pālyate devi tvamatsyante ca sarvadā // (57.2) Par.?

visṛṣṭau sṛṣṭirūpā tvaṃ sthitirūpā ca pālane / (58.1) Par.?

tathā saṃhṛtirūpānte jagato 'sya jaganmaye // (58.2) Par.?

mahāvidyā mahāmāyā mahāmedhā mahāsmṛtiḥ / (59.1) Par.?

mahāmohā ca bhavatī mahādevī mahāsurī // (59.2) Par.?

prakṛtistvaṃ ca sarvasya guṇatrayavibhāvinī / (60.1) Par.?

kālarātrirmahārātrirmoharātriśca dāruṇā // (60.2) Par.?

tvaṃ śrīstvamīśvarī tvaṃ hrīstvaṃ buddhirbodhalakṣaṇā / (61.1) Par.?

lajjā puṣṭistathā tuṣṭistvaṃ śāntiḥ kṣāntireva ca // (61.2) Par.?

khaḍginī śūlinī ghorā gadinī cakriṇī tathā / (62.1) Par.?

śaṅkhinī cāpinī bāṇabhuśuṇḍīparighayudhā // (62.2) Par.?

saumyā saumyatarāśeṣasaumyebhyastvatisundarī / (63.1) Par.?

parāparāṇāṃ paramā tvameva parameśvarī // (63.2) Par.?

yacca kiñcit kvacidvastu sadasadvākhilātmike / (64.1) Par.?

tasya sarvasya yā śaktiḥ sā tvaṃ kiṃ stūyase mayā // (64.2) Par.?

yayā tvayā jagatsraṣṭā jagatpātātti yo jagat / (65.1) Par.?

so 'pi nidrāvaśaṃ nītaḥ kastvāṃ stotumiheśvaraḥ // (65.2) Par.?

viṣṇuḥ śarīragrahaṇamahamīśāna eva ca / (66.1) Par.?

kāritāste yato 'tastvāṃ kaḥ stotuṃ śaktimān bhavet // (66.2) Par.?

sā tvamitthaṃ prabhāvaiḥ svairudārairdevi saṃstutā / (67.1) Par.?

mohayaitau durādharṣāvasurau madhukaiṭabhau // (67.2) Par.?

prabodhaṃ ca jagatsvāmī nīyatāmacyuto laghu / (68.1) Par.?

bodhaśca kriyatāmasya hantumetau mahāsurau // (68.2) Par.?

ṛṣiruvāca / (69.1) Par.?

evaṃ stutā tadā devī tāmasī tatra vedhasā / (69.2) Par.?

viṣṇoḥ prabodhanārthāya nihantuṃ madhukaiṭabhau // (69.3) Par.?

netrāsyanāsikābāhuhṛdayebhyastathorasaḥ / (70.1) Par.?

nirgamya darśane tasthau brahmaṇo 'vyaktajanmanaḥ // (70.2) Par.?

uttasthau ca jagannāthastayā mukto janārdanaḥ / (71.1) Par.?

ekārṇave 'hiśayanāttataḥ sa dadṛśe ca tau // (71.2) Par.?

madhukaiṭabhau durātmānāvativīryaparākramau / (72.1) Par.?

krodharaktekṣaṇāvattuṃ brahmāṇaṃ janitodyamau // (72.2) Par.?

samutthāya tatastābhyāṃ yuyudhe bhagavān hariḥ / (73.1) Par.?

pañcavarṣasahasrāṇi bāhupraharaṇo vibhuḥ // (73.2) Par.?

tāvapyatibalonmattau mahāmāyāvimohitau / (74.1) Par.?

uktavantau varo 'smatto vriyatāmiti keśavam // (74.2) Par.?

bhagavānuvāca / (75.1) Par.?

bhavetāmadya me tuṣṭau mama vadhyāvubhāvapi / (75.2) Par.?

kimanyena vareṇātra etāvaddhi vṛtaṃ mama // (75.3) Par.?

ṛṣiruvāca / (76.1) Par.?

vañcitābhyāmiti tadā sarvamāpomayaṃ jagat / (76.2) Par.?

vilokya tābhyāṃ gadito bhagavān kamalekṣaṇaḥ // (76.3) Par.?

āvāṃ jahi na yatrorvī salilena pariplutā // (77.1) Par.?

ṛṣiruvāca / (78.1) Par.?

tathetyuktvā bhagavatā śaṅkhacakragadābhṛtā / (78.2) Par.?

kṛtvā cakreṇa vai chinne jaghane śirasī tayoḥ // (78.3) Par.?

evameṣā samutpannā brahmaṇā saṃstutā svayam / (79.1) Par.?

prabhāvamasyā devyāstu bhūyaḥ śṛṇu vadāmi te // (79.2) Par.?

Duration=0.2607569694519 secs.