Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Vedic metres, prosody
Show parallels Show headlines
Use dependency labeler
Chapter id: 12240
- Click on a sentence to show its analysis
- Keep the mouse pointer over a lemma to show its meanings.
virāḍ vā idam agra āsīt tasyā jātāyāḥ sarvam abibhed iyam evedaṃ bhaviṣyatīti // (1.1) Par.?
sodakrāmat sā gārhapatye nyakrāmat / (2.1) Par.?
gṛhamedhī gṛhapatir bhavati ya evaṃ veda // (2.2) Par.?
sodakrāmat sāhavanīye nyakrāmat / (3.1) Par.?
yanty asya devā devahūtiṃ priyo devānāṃ bhavati ya evaṃ veda // (3.2) Par.?
sodakrāmat sā dakṣiṇāgnau nyakrāmat / (4.1) Par.?
yajñarto dakṣiṇīyo vāsateyo bhavati ya evaṃ veda // (4.2) Par.?
sodakrāmat sā sabhāyāṃ nyakrāmat / (5.1) Par.?
yanty asya sabhāṃ sabhyo bhavati ya evaṃ veda // (5.2) Par.?
sodakrāmat sā samitau nyakrāmat / (6.1) Par.?
yanty asya samitiṃ sāmityo bhavati ya evaṃ veda // (6.2) Par.?
sodakrāmat sāmantraṇe nyakrāmat / (7.1) Par.?
yanty asyāmantraṇam āmantraṇīyo bhavati ya evaṃ veda // (7.2) Par.?
sodakrāmat sāntarikṣe caturdhā vikrāntātiṣṭhat // (8.1) Par.?
tāṃ devamanuṣyā abruvann iyam eva tad veda yad ubhaya upajīvememām upahvayāmahā iti // (9.1) Par.?
tām upāhvayanta // (10.1) Par.?
ūrja ehi svadha ehi sūnṛta ehīrāvaty ehīti // (11.1) Par.?
tasyā indro vatsa āsīd gāyatry abhidhāny abhram ūdhaḥ // (12.1) Par.?
bṛhac ca rathaṃtaraṃ ca dvau stanāv āstāṃ yajñāyajñiyaṃ ca vāmadevyaṃ ca dvau // (13.1) Par.?
oṣadhīr eva rathaṃtareṇa devā aduhran vyaco bṛhatā // (14.1) Par.?
apo vāmadevyena yajñaṃ yajñāyajñiyena // (15.1) Par.?
oṣadhīr evāsmai rathaṃtaraṃ duhe vyaco bṛhat // (16.1) Par.?
apo vāmadevyaṃ yajñaṃ yajñāyajñiyaṃ ya evaṃ veda // (17.1) Par.?
sodakrāmat sā vanaspatīn āgacchat tāṃ vanaspatayo 'ghnata sā saṃvatsare samabhavat / (18.1) Par.?
tasmād vanaspatīnāṃ saṃvatsare vṛkṇam apirohati vṛścate 'syāpriyo bhrātṛvyo ya evaṃ veda // (18.2) Par.?
sodakrāmat sā pitṝn āgacchat tāṃ pitaro 'ghnata sā māsi samabhavat / (19.1) Par.?
tasmāt pitṛbhyo māsy upamāsyaṃ dadati pra pitṛyāṇaṃ panthāṃ jānāti ya evaṃ veda // (19.2) Par.?
sodakrāmat sā devān āgacchat tāṃ devā aghnata sārdhamāse samabhavat / (20.1) Par.?
tasmād devebhyo 'rdhamāse vaṣaṭkurvanti pra devayānaṃ panthāṃ jānāti ya evaṃ veda // (20.2) Par.?
sodakrāmat sā manuṣyān āgacchat tāṃ manuṣyā aghnata sā sadyaḥ samabhavat / (21.1) Par.?
tasmān manuṣyebhya ubhayadyur upaharanty upāsya gṛhe haranti ya evaṃ veda // (21.2) Par.?
sodakrāmat sāsurān āgacchat tām asurā upāhvayanta māya ehīti / (22.1) Par.?
tasyā virocanaḥ prāhrādir vatsa āsīd ayaspātraṃ pātram / (22.2) Par.?
tāṃ dvimūrdhārtvyo 'dhok tāṃ māyām evādhok / (22.3) Par.?
tāṃ māyām asurā upajīvanty upajīvanīyo bhavati ya evaṃ veda // (22.4) Par.?
sodakrāmat sā pitṝn āgacchat tāṃ pitara upāhvayanta svadha ehīti / (23.1) Par.?
tasyā yamo rājā vatsa āsīd rajatapātraṃ pātram / (23.2) Par.?
tām antako mārtyavo 'dhok tāṃ svadhām evādhok / (23.3) Par.?
tāṃ svadhāṃ pitara upajīvanty upajīvanīyo bhavati ya evaṃ veda // (23.4) Par.?
sodakrāmat sā manuṣyān āgacchat tāṃ manuṣyā upāhvayanterāvaty ehīti / (24.1) Par.?
tasyā manur vaivasvato vatsa āsīt pṛthivī pātram / (24.2) Par.?
tāṃ pṛthī vainyo 'dhok tāṃ kṛṣiṃ ca sasyaṃ cādhok / (24.3) Par.?
te svadhāṃ kṛṣiṃ ca sasyaṃ ca manuṣyā upajīvanti kṛṣṭarādhir upajīvanīyo bhavati ya evaṃ veda // (24.4) Par.?
sodakrāmat sā saptaṛṣīn āgacchat tāṃ saptaṛṣaya upāhvayanta brahmaṇvaty ehīti / (25.1) Par.?
tasyāḥ somo rājā vatsa āsīc chandaḥ pātram / (25.2) Par.?
tāṃ bṛhaspatir āṅgiraso 'dhok tāṃ brahma ca tapaś cādhok / (25.3) Par.?
tad brahma ca tapaś ca saptaṛṣaya upajīvanti brahmavarcasy upajīvanīyo bhavati ya evaṃ veda // (25.4) Par.?
sodakrāmat sā devān āgacchat tāṃ devā upāhvayantorja ehīti / (26.1) Par.?
tasyā indro vatsa āsīc camasaḥ pātram / (26.2) Par.?
tāṃ devaḥ savitādhok tām ūrjām evādhok / (26.3) Par.?
tāṃ ūrjāṃ devā upajīvanty upajīvanīyo bhavati ya evaṃ veda // (26.4) Par.?
sodakrāmat sā gandharvāpsarasa āgacchat tāṃ gandharvāpsarasa upāhvayanta puṇyagandha ehīti / (27.1) Par.?
tasyāś citrarathaḥ sauryavarcaso vatsa āsīt puṣkaraparṇaṃ pātram / (27.2) Par.?
tāṃ vasuruciḥ sauryavarcaso 'dhok tāṃ puṇyam eva gandham adhok / (27.3) Par.?
taṃ puṇyaṃ gandhaṃ gandharvāpsarasa upajīvanti puṇyagandhir upajīvanīyo bhavati ya evaṃ veda // (27.4) Par.?
sodakrāmat setarajanān āgacchat tām itarajanā upāhvayanta tirodha ehīti / (28.1) Par.?
tasyāḥ kubero vaiśravaṇo vatsa āsīd āmapātraṃ pātram / (28.2) Par.?
tāṃ rajatanābhiḥ kāberako 'dhok tāṃ tirodhām evādhok / (28.3) Par.?
tāṃ tirodhām itarajanā upajīvanti tirodhatte sarvaṃ pāpmānam upajīvanīyo bhavati ya evaṃ veda // (28.4) Par.?
sodakrāmat sā sarpān āgacchat tāṃ sarpā upāhvayanta viṣavaty ehīti / (29.1) Par.?
tasyās takṣako vaiśāleyo vatsa āsīd alābupātraṃ pātraṃ / (29.2) Par.?
tāṃ dhṛtarāṣṭra airāvato 'dhok tāṃ viṣam evādhok / (29.3) Par.?
tad viṣaṃ sarpā upajīvanty upajīvanīyo bhavati ya evaṃ veda // (29.4) Par.?
tad yasmā evaṃ viduṣe 'lābunābhiṣiñcet pratyāhanyāt // (30.1) Par.?
na ca pratyāhanyān manasā tvā pratyāhanmīti pratyāhanyāt // (31.1) Par.?
yat pratyāhanti viṣam eva tat pratyāhanti // (32.1) Par.?
viṣam evāsyāpriyaṃ bhrātṛvyam anuviṣicyate ya evaṃ veda // (33.1) Par.?
Duration=0.17286920547485 secs.