UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 15474
- Click on a sentence to show its analysis
- Keep the mouse pointer over a lemma to show its meanings.
etad anyat stobhet // (1)
Par.?
ṛcam evānyad gāyet // (2)
Par.?
sa yad ṛcam eva gāyati tena rathantarasya rūpān naiti // (3)
Par.?
ṛgghi rathantaraṃ sāma bṛhat // (4)
Par.?
yady u stobhed aṣṭāv evākṣarāṇi stobhet // (5)
Par.?
tad dve vatsaṃ prati // (6)
Par.?
svar dṛśaṃ prati vipaśyec cakṣuṣo 'pravarhāya // (7)
Par.?
yad īśānam indreti pratihared īśāno yajamānasya paśūn abhimānukaḥ syāt // (8) Par.?
atha yac chānam indreti pratiharati neśāno yajamānasya paśūn abhimanyate śāntāḥ prajā edhante // (9)
Par.?
pratihāre pratihāra udgāteḍeti brūyāt // (10)
Par.?
paśavo vā iḍā āyatanaṃ rathantaram // (11)
Par.?
āyatana eva tad etān paśūn pratiṣṭhāpayati // (12)
Par.?
nasthuṣa iti brūyāt // (13)
Par.?
yat tasthuṣa iti brūyāt sthāyukāsya śrīḥ syāt // (14)
Par.?
atha yan nasthuṣa ity āha nāsya śrīs tiṣṭhati bahavo 'sya svāyātena yānti // (15)
Par.?
bṛhadrathantare vyāvartayet // (16)
Par.?
yaddha vai bṛhadrathantare na vyāvartayed yathā mahāvṛkṣau samṛtya śākhā vipariśṛṇāta evaṃ prajāḥ paśūn vipariśṛṇīyātām // (17)
Par.?
ho vā hā vai bṛhad o vā hā rathantaram // (18)
Par.?
bṛhadrathantare evaitad vyāvartayati // (19)
Par.?
vi pāpmanāvartate ya evaṃ veda // (20)
Par.?
Duration=0.052867889404297 secs.