Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 12336

Click on a sentence to show its analysis
Keep the mouse pointer over a lemma to show its meanings.

athaiteṣāṃ mahatāṃ brāhmaṇānāṃ samuditam āruṇer jīvalasya kārīrāder aṣāḍhasya sāvayasasyendradyumnasya bhāllabeyasyeti // (1) Par.?

jīvalaś ca ha kārīrādir indradyumnaś ca bhāllabeyas tau hāruṇer ācāryasya sabhāgāv ājagmatuḥ // (2) Par.?

te hāṣāḍhasya gṛheṣu śiśyire // (3) Par.?

sa hovācāṣāḍha ām āruṇe yat sahaiva brahmacaryam acarāva sahānvabravīvahy atha kenedaṃ tvam asmān atyanūciṣe // (4) Par.?

yad idaṃ tvam iyatpriyaḥ kīrter iyatpriyaś cakṣuṣa iyatpriyaḥ saner asi kena tvam idaṃ prāpitheti // (5) Par.?

sa hovāca dhūrṣv evāhaṃ tad upāsa iti // (6) Par.?

kiṃ tvaṃ tad dhūrṣūpāssa iti // (7) Par.?

priyam iti // (8) Par.?

ya āsāṃ priyam upāste kiṃ sa bhavatīti // (9) Par.?

priya eva sa kīrteḥ priyaś cakṣuṣaḥ priyaḥ saner bhavatīti // (10) Par.?

evam eva tvam asīti hocuḥ // (11) Par.?

atha hocur jīvalaṃ kārīrādiṃ yad idaṃ tvam eva tasyārdhasya śreṣṭho 'si yasminn asy api tvā rājāno 'dhastād upāsate kena tvam idaṃ prāpitheti // (12) Par.?

sa hovāca dhūrṣv evāhaṃ tad upāsa iti // (13) Par.?

kiṃ tvaṃ tad dhūrṣūpāssa iti // (14) Par.?

śriyam iti // (15) Par.?

ya āsāṃ śriyam upāste kiṃ sa bhavatīti // (16) Par.?

yasminn evārdhe bhavati tasya śreṣṭho bhavaty apy enaṃ rājāno 'dhastād upāsata iti // (17) Par.?

evam eva tvam asīti hocuḥ // (18) Par.?

atha hocur aṣāḍhaṃ sāvayasaṃ yad idaṃ tvaṃ śārkarākṣāṇāṃ vāva grāmaṇy evāsi kena tvam idaṃ prāpitheti // (19) Par.?

sa hovāca dhūrṣv evāhaṃ tad upāsa iti // (20) Par.?

kiṃ tvaṃ tad dhūrṣūpāssa iti // (21) Par.?

jātam iti // (22) Par.?

ya āsāṃ jātam upāste kiṃ sa bhavatīti // (23) Par.?

yatraiva sajāto bhavati tad grāmaṇīr bhavatīti // (24) Par.?

evam eva tvam asīti hocuḥ // (25) Par.?

atha hocur indradyumnaṃ bhāllabeyaṃ yad idaṃ tavoparyupary anyān kīrtiś carati vivacanam evāsi kena tvam idaṃ prāpitheti // (26) Par.?

sa hovāca dhūrṣv evāhaṃ tad upāsa iti // (27) Par.?

kiṃ tvaṃ tad dhūrṣūpāssa iti // (28) Par.?

yaśa iti // (29) Par.?

ya āsāṃ yaśa upāste kiṃ sa bhavatīti // (30) Par.?

uparyupary evāsyānyān kīrtiś carati vivacanam eva bhavatīti // (31) Par.?

evam eva tvam asīti hocuḥ // (32) Par.?

te hocur itthaṃ ced idam abhūt // (33) Par.?

eta idaṃ saṃprabravāmahā iti // (34) Par.?

Duration=0.078697919845581 secs.