Texts

aindrāgnam ekādaśakapālaṃ nirvaped yasya sajātā vīyuḥ // (1) Par.?

ojo vai vīryam indrāgnī // (2) Par.?

ojasaivainān vīryeṇa punar upāsyate // (3) Par.?

aindrāgnam ekādaśakapālaṃ nirvaped bhrātṛvyavān // (4) Par.?

ojo vai vīryam indrāgnī // (5) Par.?

ojasaivainān vīryeṇābhibhavati // (6) Par.?

aindrāgnam ekādaśakapālaṃ nirvapet prajākāmo yo 'laṃ prajāyai san prajāṃ na vindeta // (7) Par.?

prajāpater vā indrāgnī prajām apāgūhatām // (8) Par.?

tā etena bhāgadheyenopādhāvat // (9) Par.?

tā asmai prajāṃ punar adattām // (10) Par.?

indrāgnī khalu vā etasya prajām apagūhato yo 'laṃ prajāyai san prajāṃ na vindate // (11) Par.?

tā eva bhāgadheyenopāsarat // (12) Par.?

tā asmai prajāṃ punar dattaḥ // (13) Par.?

vindadvatī yājyānuvākye bhavataḥ // (14) Par.?

vittyā eva // (15) Par.?

aindrāgnam ekādaśakapālaṃ nirvapet saṃgrāmam abhiprayān // (16) Par.?

ojo vai vīryam indrāgnī // (17) Par.?

ojasaivainaṃ vīryeṇābhiprayāti // (18) Par.?

aindrāgnam ekādaśakapālaṃ nirvapet saṃgrāmaṃ saṃyatya // (19) Par.?

ojo vai vīryam indrāgnī // (20) Par.?

ojasaivainaṃ vīryeṇa jayati // (21) Par.?

sa yadā saṃgrāmaṃ jayed athaindrāgnam ekādaśakapālaṃ nirvapet // (22) Par.?

ojasā vā eṣa vīryeṇa vyṛdhyate yaḥ saṃgrāmaṃ jayati // (23) Par.?

ojo vīryam indrāgnī // (24) Par.?

ojasaivainaṃ vīryeṇa samardhayate // (25) Par.?

aindrāgnam ekādaśakapālaṃ nirvapet pauṣṇaṃ caruṃ janatām abhiprayān // (26) Par.?

ojo vai vīryam indrāgnī // (27) Par.?

ojasaivaināṃ vīryeṇābhiprayāti // (28) Par.?

pūṣā vīryasyānupradātā // (29) Par.?

so 'smai vīryam anuprayacchati // (30) Par.?

aindrāgnam ekādaśakapālaṃ nirvapet pauṣṇaṃ caruṃ kṣetrasya pataye caruṃ kṣetram adhyavasyan // (31) Par.?

ojo vai vīryam indrāgnī // (32) Par.?

ojasaivāsmai vīryeṇa lokaṃ vindataḥ // (33) Par.?

pūṣā vīryasyānupradātā // (34) Par.?

so 'smai vīryam anuprayacchati // (35) Par.?

iyaṃ kṣetrasya patnī // (36) Par.?

asyām eva pratitiṣṭhati // (37) Par.?