Texts

indrāyārkavate 'śvamedhavatā ekādaśakapālaṃ nirvapet // (1) Par.?

niruddhaṃ yājayet // (2) Par.?

antaṃ vā eṣa gato yo niruddhaḥ // (3) Par.?

anto 'rkaḥ // (4) Par.?

anto 'śvamedhaḥ // (5) Par.?

antenaivāsmā ante kalpayati // (6) Par.?

vaśā dakṣiṇā // (7) Par.?

vaśaṃ mā nayād iti // (8) Par.?

indrāyārkavate 'śvamedhavatā ekādaśakapālaṃ nirvaped yaḥ kāmayeta jane ma ṛdhyeteti // (9) Par.?

anto vā eṣā ṛddhīnāṃ yaj janaḥ // (10) Par.?

anto 'rkaḥ // (11) Par.?

anto 'śvamedhaḥ // (12) Par.?

antenaivāsmā ante kalpayati // (13) Par.?

vaśā dakṣiṇā // (14) Par.?

vaśaṃ mā nayād iti // (15) Par.?

indrāyārkavate 'śvamedhavatā ekādaśakapālaṃ nirvaped gataśrīḥ // (16) Par.?

yadā vai śriyo 'ntaṃ gacchaty atha pāpīyān bhavati // (17) Par.?

anto 'rkaḥ // (18) Par.?

anto 'śvamedhaḥ // (19) Par.?

antam evālabdha // (20) Par.?

na pāpīyān bhavati // (21) Par.?

indrāyārkavate 'śvamedhavatā ekādaśakapālaṃ nirvaped yaḥ kāmayeta mahāyajño mopanamed iti // (22) Par.?

ete vā indrasya yajñiye tanvau yad arkaś cāśvamedhaś ca // (23) Par.?

te evālabdha // (24) Par.?

tābhyāṃ mahāyajñam ālabhate // (25) Par.?

indrāya gharmavate sūryavatā ekādaśakapālaṃ nirvapet // (26) Par.?

indrāya manyumate manasvatā ekādaśakapālam // (27) Par.?

indrāyendriyavatā ekādaśakapālam // (28) Par.?

indrāyārkavate 'śvamedhavatā ekādaśakapālam // (29) Par.?

bhūtikāmaṃ yājayet // (30) Par.?

idaṃ vā indrasya gharmaś ca sūryaś ca // (31) Par.?

idam asya manyuś ca manaś ca // (32) Par.?

idam asyendraś cendriyaṃ ca // (33) Par.?

idam asyārkaś cāśvamedhaś ca // (34) Par.?

etāni vai sarvāṇīndro 'bhavat // (35) Par.?

etāni sarvāṇi bhavati ya etair yajate // (36) Par.?

sarvam etad bhavati ya evaṃ veda // (37) Par.?