Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 12633
- Click on a sentence to show its analysis
- Keep the mouse pointer over a lemma to show its meanings.
chandāṃsi vai yajñāya nātiṣṭhanta // (1) Par.?
sa vaṣaṭkāro 'bhihṛtya gāyatryāḥ śiro 'chinat // (2) Par.?
tasmācchīrṣṇaś chinnād yo raso 'kṣarat tā vaśā abhavan // (3) Par.?
tad vaśānāṃ vaśātvam // (4) Par.?
atho āhuḥ // (5) Par.?
vaśaṃ vai tā akṣaran // (6) Par.?
tā vaśā abhavan // (7) Par.?
tad vaśānāṃ vaśātvam ity atho āhuḥ // (8) Par.?
vasā vai sāsīt // (9) Par.?
tad vasā vā etā iti // (10) Par.?
tato yaḥ prathamo rasaḥ prākṣarat taṃ bṛhaspatir upāgṛhṇāt // (11) Par.?
sā rohiṇī bārhaspatyā // (12) Par.?
tato yo 'tyakṣarat taṃ mitrāvaruṇau // (13) Par.?
sā dvirūpā maitrāvaruṇī // (14) Par.?
tato yo 'tyakṣarat taṃ viśve devāḥ // (15) Par.?
sā bahurūpā vaiśvadevī // (16) Par.?
tato yo 'tyakṣarat tam agniś ca marutaś ca // (17) Par.?
sā pṛśnir āgnimārutī // (18) Par.?
atho āhuḥ // (19) Par.?
kṛṣṇaśabalīty atha yā vipruṣā āsaṃs tānīmāny anyāni rūpāṇi // (20) Par.?
tato yaḥ prathamo drapsaḥ parāpatat taṃ bṛhaspatir abhihāyābhyagṛhṇāt // (21) Par.?
sa ukṣābhavat // (22) Par.?
tad ukṣṇa ukṣatvam // (23) Par.?
atho āhuḥ // (24) Par.?
yad devatā anuvyaukṣata sa ukṣābhavat // (25) Par.?
tad ukṣṇa ukṣatvam iti // (26) Par.?
taṃ brāhmaṇaspatyam ālabheta // (27) Par.?
brāhmaṇaṃ bhūtikāmaṃ yājayet // (28) Par.?
brahma vai brahmaṇaspatiḥ // (29) Par.?
brāhmaṇaspatyo brāhmaṇo devatayā svayaiva // (30) Par.?
asmai devatayendriyaṃ vīryam āptvāvarunddhe // (31) Par.?
bhavaty eva // (32) Par.?
II 5,7(2)
rohiṇīṃ bārhaspatyām ālabheta brahmavarcasakāmaḥ // (33) Par.?
brahma vai bṛhaspatiḥ // (34) Par.?
bārhaspatyo brāhmaṇo devatayā svayaiva // (35) Par.?
asmai devatayāptvā tejo brahmavarcasaṃ dadhāti // (36) Par.?
rohiṇī bhavati // (37) Par.?
brahmaṇo rūpaṃ samṛddhyai // (38) Par.?
maitrāvaruṇīṃ dvirūpām ālabheta paśukāmaḥ // (39) Par.?
ahorātre vai mitrāvaruṇau // (40) Par.?
ahorātre anu paśavaḥ prajāyante // (41) Par.?
tā eva bhāgadheyenopāsarat // (42) Par.?
tā asmai paśūn prajanayataḥ // (43) Par.?
chandasāṃ vā eṣa rasaḥ // (44) Par.?
chandasām evāsmai rasena paśūn dhattaḥ // (45) Par.?
dvirūpā bhavati samṛddhyai // (46) Par.?
II 5,7(4)
vaiśvadevīṃ bahurūpām ālabheta yasmai kāmāya kāmayeta // (47) Par.?
sarvā vā etā devatāḥ // (48) Par.?
sarvā vā etad devatāḥ kāmāya bhāgadheyenopāsarat // (49) Par.?
tā asmai kāmaṃ samardhayanti yatkāmo bhavati // (50) Par.?
chandasāṃ vā eṣa rasaḥ // (51) Par.?
chandasām evāsmai rasena dadhati // (52) Par.?
bahurūpā bhavati samṛddhyai // (53) Par.?
II 5,7(5)
āgnimārutīṃ pṛśnim ālabheta vṛṣṭikāmaḥ // (54) Par.?
agnir vā ito vṛṣṭim īṭṭe // (55) Par.?
maruto 'mutaś cyāvayanti // (56) Par.?
ete vai vṛṣṭyāḥ pradātāraḥ // (57) Par.?
tān eva bhāgadheyenopāsarat // (58) Par.?
te 'smai vṛṣṭiṃ prayacchanti // (59) Par.?
chandasāṃ vā eṣa rasaḥ // (60) Par.?
raso vṛṣṭiḥ // (61) Par.?
chandasām evāsmai rasena rasaṃ vṛṣṭiṃ ninayanti // (62) Par.?
pṛśnir bhavati // (63) Par.?
pṛśnimātaro hi marutaḥ // (64) Par.?
II 5,7(6)
bhaumīṃ kṛṣṇaśabalīm ālabhetānnakāmaḥ // (65) Par.?
iyaṃ vā annasya pradātrikā // (66) Par.?
tām eva bhāgadheyenopāsarat // (67) Par.?
sāsmā annādyaṃ prayacchati // (68) Par.?
na carmāpy āhareyuḥ // (69) Par.?
anannaṃ vai carma // (70) Par.?
anannaṃ kṛṣṇam // (71) Par.?
anannenaivānannam apahatyānnādyam ātman dhatte // (72) Par.?
II 5,7(7)
yad vai tacchīrṣṇaś chinnāt teja indriyaṃ vīryaṃ parāpatat sā babhrur vaśābhavat // (73) Par.?
tad eṣā vaśā // (74) Par.?
annam evetarāḥ // (75) Par.?
tāṃ brāhmaṇaspatyām ālabhetābhicaran // (76) Par.?
brahma vai brahmaṇaspatiḥ // (77) Par.?
brāhmaṇaspatyo brāhmaṇo devatayā // (78) Par.?
yāvad eva brahma tenainaṃ sarveṇābhicarati // (79) Par.?
tejasainaṃ pracchinatti // (80) Par.?
stṛṇuta eva // (81) Par.?
babhrur bhavati // (82) Par.?
brahmaṇo rūpaṃ samṛddhyai // (83) Par.?
II 5,7(8)
saurīṃ śvetām ālabheta brahmavarcasakāmaḥ // (84) Par.?
'sau vā ādityo brahmavarcasasya pradātā // (85) Par.?
tam eva bhāgadheyenopāsarat // (86) Par.?
so 'smai brahmavarcasaṃ prayacchati // (87) Par.?
śvetā bhavati // (88) Par.?
brahmaṇo rūpaṃ samṛddhyai // (89) Par.?
II 5,7(9)
maitrāvaruṇīṃ kṛṣṇakarṇīm ālabheta vṛṣṭikāmaḥ // (90) Par.?
ahorātre vai mitrāvaruṇau // (91) Par.?
ahorātre anuvarṣati // (92) Par.?
etad vā ahno rūpaṃ yacchuklam // (93) Par.?
yat kṛṣṇaṃ tad rātrer // (94) Par.?
dvirūpā bhavati samṛddhyai // (95) Par.?
Duration=0.17687320709229 secs.