Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): animal sacrifice, paśubandha, kāmyeṣṭi
Show parallels Show headlines
Use dependency labeler
Chapter id: 12636
- Click on a sentence to show its analysis
- Keep the mouse pointer over a lemma to show its meanings.
indrāya manyumate manasvate lalāmam ālabheta saṃgrāme // (1) Par.?
manyunā vai vīryaṃ kriyate // (2) Par.?
indriyeṇa jayati // (3) Par.?
vīryaṃ caivaiṣv indriyaṃ ca jityai dadhāti // (4) Par.?
lalāmo bhavati // (5) Par.?
purastāddhyayaṃ manyuḥ // (6) Par.?
atho brahmaṇaivainān purastān mukhato jityai saṃśyati // (7) Par.?
II 5,8(2)
indrāyābhimātighna ṛṣabham ālabheta bhrātṛvyavān // (8) Par.?
abhimātir vai pāpmā bhrātṛvyaḥ // (9) Par.?
indriyeṇaivābhimātiṃ pāpmānaṃ bhrātṛvyam apahate // (10) Par.?
sa indrāya vṛtraturā ālabheta // (11) Par.?
abhimātir vai pāpmā bhrātṛvyaḥ // (12) Par.?
indriyeṇaivābhimātiṃ pāpmānaṃ bhrātṛvyam apahatya vṛtratūr evābhūt // (13) Par.?
svārājyam eva gacchati // (14) Par.?
vṛtratūr iti hy etam āhur yaḥ svārājyaṃ gacchati // (15) Par.?
II 5,8(3)
aindrāmārutaṃ pṛśnisaktham ālabheta // (16) Par.?
rājanyaṃ grāmakāmaṃ yājayet // (17) Par.?
aindro vai rājanyo devatayā // (18) Par.?
mārutī viṭ // (19) Par.?
indriyeṇaivāsmai viśam upayunakti // (20) Par.?
pṛśnisaktho bhavati // (21) Par.?
paścād evāsmai viśam upadadhāti // (22) Par.?
anukām asmai viśam avivādinīṃ karoti // (23) Par.?
II 5,8(4)
indrāya vajriṇa ṛṣabham ālabheta // (24) Par.?
rājanyaṃ bhūtikāmaṃ yājayet // (25) Par.?
yadā vai rājanyo vajrī bhavaty atha bhūtiṃ gacchati // (26) Par.?
yad vajriṇe vajram evāsmā ādhāt // (27) Par.?
tena vijitiṃ bhūtiṃ gacchati // (28) Par.?
sa enaṃ bhūtyai śremṇa inddhe // (29) Par.?
yad vajriṇā iti tad asyābhicaraṇīyam // (30) Par.?
yaṃ dviṣyāt taṃ tarhi manasā dhyāyet // (31) Par.?
vajram evāsmai praharati // (32) Par.?
stṛṇuta eva // (33) Par.?
II 5,8(5)
saumyaṃ babhrum ṛṣabhaṃ piṅgalam ālabheta yo 'laṃ rājyāya san rājyaṃ na prāpnuyāt // (34) Par.?
somo vai rājaitasya devatā // (35) Par.?
somo hi rājā // (36) Par.?
svām eva devatāṃ rājyāyopāsarat // (37) Par.?
svainaṃ devatā rājyaṃ gamayati // (38) Par.?
babhruḥ piṅgalo bhavati // (39) Par.?
somasya rūpaṃ samṛddhyai // (40) Par.?
Duration=0.095531940460205 secs.