Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 14086

yā oṣadhayaḥ prathamajā devebhyas triyugaṃ purā / (1.1) Par.?

manve nu babhrūṇām ahaṃ śataṃ dhāmāni sapta ca // (1.2) Par.?

śataṃ vo amba dhāmāni sahasram uta vo ruhaḥ / (2.1) Par.?

athā śatakrato yūyam imaṃ me agadaṃ kṛta // (2.2) Par.?

puṣpavatīḥ prasūvarīḥ phalinīr aphalā uta / (3.1) Par.?

aśvā iva sajitvarīr vīrudhaḥ pārayiṣṇavaḥ // (3.2) Par.?

oṣadhīr iti mātaras tad vo devīr upabruve / (4.1) Par.?

rapāṃsi vighnatīr ita rapaś cātayamānāḥ // (4.2) Par.?

aśvatthe vo niveśanaṃ parṇe vo vasatiḥ kṛtā / (5.1) Par.?

gobhājā it kilāsatha yat sanavātha pūruṣam // (5.2) Par.?

yad oṣadhayaḥ saṃgacchante rājānaḥ samitā iva / (6.1) Par.?

vipraḥ sa ucyate kavī rakṣohāmīvacātanaḥ // (6.2) Par.?

niṣkṛtir nāma vo mātāthā tvam asi saṃkṛtiḥ / (7.1) Par.?

sarāḥ patatriṇīḥ sthana yad āmayati niṣkṛta // (7.2) Par.?

aśvāvatīṃ somavatīm ūrjayantīm udojasam / (8.1) Par.?

āyukṣi sarvā oṣadhīr asmā ariṣṭatātaye // (8.2) Par.?

yad imā vājayann aham oṣadhīr hasta ādadhe / (9.1) Par.?

ātmā yakṣmasya naśyati purā jīvagṛbho yathā // (9.2) Par.?

uñ śuṣmā oṣadhīnāṃ gāvo goṣṭhād iverate / (10.1) Par.?

dhanaṃ saniṣyantīnām ātmānaṃ tava pūruṣa // (10.2) Par.?

ati viśvāḥ pariṣṭhāḥ stena iva vrajam akramuḥ // (11.1) Par.?

oṣadhayaḥ prācucyavur yat kiṃca tanvo rapaḥ // (12.1) Par.?

yās ta āviviśur ātmānaṃ yā ātasthuḥ paruḥ paruḥ / (13.1) Par.?

tās te yakṣmaṃ vibādhantām ugro madhyamaśīr iva // (13.2) Par.?

sākaṃ yakṣma prapata cāṣeṇa kikidīvyā / (14.1) Par.?

sākaṃ vātasya dhrājyā sākaṃ naśya nihākayā // (14.2) Par.?

anyā vo anyām avatv anyānyasyā upāvata / (15.1) Par.?

tāḥ sarvāḥ saṃvidānā oṣadhayaḥ prāvata vācaṃ me // (15.2) Par.?

yāḥ phalinīr yā aphalā akośā yāś ca kośinīḥ / (16.1) Par.?

bṛhaspatiprasūtās tā no muñcantv aṃhasaḥ // (16.2) Par.?

avapatantīr avadan diva oṣadhayas pari / (17.1) Par.?

yaṃ jīvam aśnavāmahe na sa riṣyāti pūruṣaḥ // (17.2) Par.?

divaṃ brūmo nakṣatrāṇi bhūmiṃ yakṣāṇi parvatān / (18.1) Par.?

samudrān nadyo veśantāṃs te no muñcantv aṃhasaḥ // (18.2) Par.?

brūmo rājānaṃ varuṇaṃ dhātāram uta pūṣaṇam / (19.1) Par.?

tvaṣṭāram agrīyaṃ brūmas te no muñcantv aṃhasaḥ // (19.2) Par.?

Duration=0.093225002288818 secs.