UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 12072
- Click on a sentence to show its analysis
- Keep the mouse pointer over a lemma to show its meanings.
vicārī ha vai kābandhiḥ kabandhasyātharvaṇasya putro medhāvī mīmāṃsako 'nūcāna āsa // (1)
Par.?
sa ha svenātimānena mānuṣaṃ vittaṃ neyāya // (2)
Par.?
taṃ mātovāca // (3)
Par.?
ta evaitad annam avocaṃs ta ima eṣu kurupañcāleṣv aṅgamagadheṣu kāśikauśaleṣu śālvamatsyeṣu savaśośīnareṣūdīcyeṣv annam adantīti // (4)
Par.?
atha vayaṃ tavaivātimānenānādyāḥ smaḥ // (5)
Par.?
vatsa vāhanam anviccheti // (6)
Par.?
sa māndhātur yauvanāśvasya sārvabhaumasya rājñaḥ somaṃ prasūtam ājagāma // (7)
Par.?
sa sado 'nupraviśyartvijaś ca yajamānaṃ cāmantrayāmāsa // (8)
Par.?
tad yāḥ prācyo nadyo vahanti yāś ca dakṣiṇācyo yāś ca pratīcyo yāś codīcyas tāḥ sarvāḥ pṛthaṅnāmadheyā ity ācakṣate // (9)
Par.?
tāsāṃ samudram abhipadyamānānāṃ chidyate nāmadheyaṃ samudra ity ācakṣate // (10)
Par.?
evam ime sarve vedā nirmitāḥ sakalpāḥ sarahasyāḥ sabrāhmaṇāḥ sopaniṣatkāḥ setihāsāḥ sānvākhyānāḥ sapurāṇāḥ sasvarāḥ sasaṃskārāḥ saniruktāḥ sānuśāsanāḥ sānumārjanāḥ savākovākyāḥ // (11) Par.?
teṣāṃ yajñam abhipadyamānānāṃ chidyate nāmadheyaṃ yajña ity evācakṣate // (12)
Par.?
Duration=0.030804872512817 secs.