Texts

atha yad dīkṣaṇīyayā yajante śraddhām eva tad devīṃ devatāṃ yajante // (1) Par.?

śraddhā devī devatā bhavanti // (2) Par.?

śraddhāyā devyāḥ sāyujyaṃ salokatāṃ yanti ya etad upayanti // (3) Par.?

atha yat prāyaṇīyayā yajante 'ditim eva tad devīṃ devatāṃ yajante // (4) Par.?

aditir devī devatā bhavanti // (5) Par.?

adityā devyāḥ sāyujyaṃ salokatāṃ yanti ya etad upayanti // (6) Par.?

atha yat krayam upayanti somam eva tad devaṃ devatāṃ yajante // (7) Par.?

somo devo devatā bhavanti // (8) Par.?

somasya devasya sāyujyaṃ salokatāṃ yanti ya etad upayanti // (9) Par.?

atha yad ātithyayā yajante viṣṇum eva tad devaṃ devatāṃ yajante // (10) Par.?

viṣṇur devo devatā bhavanti // (11) Par.?

viṣṇor devasya sāyujyaṃ salokatāṃ yanti ya etad upayanti // (12) Par.?

atha yat pravargyam upayanty ādityam eva tad devaṃ devatāṃ yajante // (13) Par.?

ādityo devo devatā bhavanti // (14) Par.?

ādityasya devasya sāyujyaṃ salokatāṃ yanti ya etad upayanti // (15) Par.?

atha yad upasadam upayanti svadhām eva tad devīṃ devatāṃ yajante // (16) Par.?

svadhā devī devatā bhavanti // (17) Par.?

svadhāyā devyāḥ sāyujyaṃ salokatāṃ yanti ya etad upayanti // (18) Par.?

atha yad aupavasathyam ahar upayanty agnīṣomāv eva tad devau devate yajante // (19) Par.?

agnīṣomau devau devate bhavanti // (20) Par.?

agnīṣomayor devatayoḥ sāyujyaṃ salokatāṃ yanti ye etad upayanti // (21) Par.?

atha yat prātaranuvākam upayanti prātaryāvṇa eva tad devān devatā yajante // (22) Par.?

prātaryāvāṇo devā devatā bhavanti // (23) Par.?

prātaryāvṇāṃ devānāṃ sāyujyaṃ salokatāṃ yanti ya etad upayanti // (24) Par.?

atha yat prātaḥsavanamupayanti vasūn eva tad devān devatā yajante // (25) Par.?

vasavo devā devatā bhavanti // (26) Par.?

vasūnāṃ devānāṃ sāyujyaṃ salokatāṃ yanti ya etad upayanti // (27) Par.?

atha yan mādhyaṃdinaṃ savanam upayanti rudrān eva tad devān devatā yajante // (28) Par.?

rudrā devā devatā bhavanti // (29) Par.?

rudrāṇāṃ devānāṃ sāyujyaṃ salokatāṃ yanti ya etad upayanti // (30) Par.?

atha yattṛtīyasavanam upayanty ādityān eva tad devān devatā yajante // (31) Par.?

ādityā devā devatā bhavanti // (32) Par.?

ādityānāṃ devānāṃ sāyujyaṃ salokatāṃ yanti ya etad upayanti // (33) Par.?

atha yad avabhṛtham upayanti varuṇam eva tad devaṃ devatāṃ yajante // (34) Par.?

varuṇo devo devatā bhavanti // (35) Par.?

varuṇasya devasya sāyujyaṃ salokatāṃ yanti ya etad upayanti // (36) Par.?

atha yad udayanīyayā yajante 'ditim eva tad devīṃ devatāṃ yajante // (37) Par.?

aditir devī devatā bhavanti // (38) Par.?

adityā devyāḥ sāyujyaṃ salokatāṃ yanti ya etad upayanti // (39) Par.?

atha yad anūbandhyayā yajante mitrāvaruṇāv eva tad devau devate yajante // (40) Par.?

mitrāvaruṇau devau devate bhavanti // (41) Par.?

mitrāvaruṇayor devayoḥ sāyujyaṃ salokatāṃ yanti ya etad upayanti // (42) Par.?

atha yat tvāṣṭreṇa paśunā yajante tvaṣṭāram eva tad devaṃ devatāṃ yajante // (43) Par.?

tvaṣṭā devo devatā bhavanti // (44) Par.?

tvaṣṭur devasya sāyujyaṃ salokatāṃ yanti ya etad upayanti // (45) Par.?

atha yad devikāhavirbhiś caranti yā etā upasatsu bhavanty agniḥ somo viṣṇur iti devyo devikā devatā bhavanti // (46) Par.?

devīnāṃ devikānāṃ devatānāṃ sāyujyaṃ salokatāṃ yanti ya etad upayanti // (47) Par.?

atha yad daśātirātram upayanti kāmam eva tad devaṃ devatāṃ yajante // (48) Par.?

kāmo devo devatā bhavanti // (49) Par.?

kāmasya devasya sāyujyaṃ salokatāṃ yanti ya etad upayanti // (50) Par.?

atha yad udavasānīyayā yajante svargam eva tallokaṃ devaṃ devatāṃ yajante // (51) Par.?

svargo loko devo devatā bhavanti // (52) Par.?

svargasya lokasya devasya sāyujyaṃ salokatāṃ yanti ya etad upayanti // (53) Par.?

tad vā etad agniṣṭomasya janma // (54) Par.?

sa ya evam etad agniṣṭomasya janma vedāptvaiva tad agniṣṭomaṃ svarge loke pratitiṣṭhati // (55) Par.?

pratitiṣṭhati prajayā paśubhir ya evaṃ veda // (56) Par.?

agniṣṭomena sātmā saloko bhūtvā devān apyetīti brāhmaṇam // (57) Par.?