Texts

Select a text:
Bibliography

Select a chapter:
(no revisions)

Associated topic(s): agnihotra

Show parallels Show headlines
Use dependency labeler

Chapter id: 15955

Click on a sentence to show its analysis
Keep the mouse pointer over a lemma to show its meanings.

agnaye ca tvā pṛthivyai connayāmīti prathamaṃ vāyave ca tvāntarikṣāya ceti dvitīyaṃ sūryāya ca tvā dive ceti tṛtīyaṃ candramase ca tvā nakṣatrebhyaś ceti caturtham // (1.1) Par.?

adbhyaś ca tvauṣadhībhyaś ceti pañcamaṃ jamadagnīnām // (2.1) Par.?

bhūr iḍā bhuva iḍā suvar iḍā karad iḍā pṛthag iḍeti vā pratimantram // (3.1) Par.?

paśūn me yacchety apareṇa gārhapatyam unnayanadeśe 'bhitarāṃ vā sādayitvā gārhapatye hastaṃ pratāpya saṃmṛśati sajūr devaiḥ sāyaṃyāvabhiḥ sāyaṃyāvāno devāḥ svasti saṃpārayantu paśubhiḥ saṃpṛcīya prajāṃ dṛṃheti sāyam / (4.1) Par.?

sajūr devaiḥ prātaryāvabhiḥ prātaryāvāṇo devāḥ svasti saṃpārayantu paśubhiḥ saṃpṛcīya prajāṃ dṛṃheti prātaḥ // (4.2) Par.?

daśahotrā cābhimṛśya pālāśīṃ samidhaṃ prādeśamātrīm upari dhārayan gārhapatyasya samayārcir harati // (5.1) Par.?

urv antarikṣaṃ vīhīty uddravati // (6.1) Par.?

uddravan daśahotāraṃ vyācaṣṭe // (7.1) Par.?

samaṃ prāṇair harati // (8.1) Par.?

svāhāgnaye vaiśvānarāyeti madhyadeśe niyacchati // (9.1) Par.?

vātāya tvety udgṛhṇāti // (10.1) Par.?

upa preta saṃyatadhvaṃ māntargāta bhāginaṃ bhāgadheyāt saptarṣīṇāṃ sukṛtāṃ yatra lokas tatremaṃ yajñaṃ yajamānaṃ ca dhehy upa pratnam upa bhūr bhuvaḥ suvar āyur me yacchety apareṇāhavanīyaṃ darbheṣu sādayati // (11.1) Par.?

Duration=0.020354032516479 secs.