Texts

Help

Select a text:
Bibliography

Select a chapter:
(no revisions)

Associated topic(s): agnicayana

Show parallels Show headlines
Use dependency labeler

Chapter id: 14139

Click on a sentence to show its analysis
Keep the mouse pointer over a lemma to show its meanings.

rājño nivapanādi karma pratipadyate // (1.1) Par.?

prāyaṇīyayā pracarya vediṃ vimimīte // (2.1) Par.?

haviṣkṛtā vācaṃ visṛjyeti vājasaneyakam // (3.1) Par.?

prāyaṇīyāyā dhrauvād ity etadādi karma pratipadyate // (4.1) Par.?

ātithyayā pracaryāgniṃ vimimīte // (5.1) Par.?

haviṣkṛtā vācaṃ visṛjyeti vājasaneyakam // (6.1) Par.?

samūlaṃ haritaṃ darbhastambam āhṛtya madhye 'gner nikhāya juhvāṃ pañcagṛhītaṃ gṛhītvā sajūr abdo 'yāvabhir iti darbhastambe pañcāhutīr juhoti // (7.1) Par.?

yāvān yajamāna ūrdhvabāhus tāvatā veṇunāgniṃ vimimīte // (8.1) Par.?

trīn prācaś catura udīcaḥ // (9.1) Par.?

puruṣamātrāṇi pakṣapucchāni // (10.1) Par.?

ātmā catuḥpuruṣaḥ // (11.1) Par.?

aratninā dakṣiṇato dakṣiṇaṃ pakṣaṃ pravardhayati // (12.1) Par.?

evam uttarata uttaram // (13.1) Par.?

prādeśena vitastyā vā paścāt puccham // (14.1) Par.?

ekavidhaḥ prathamo 'gniḥ / (15.1) Par.?

dvividho dvitīyaḥ / (15.2) Par.?

trividhas tṛtīyaḥ / (15.3) Par.?

ta evam evodyanty aikaśatavidhāt // (15.4) Par.?

tad u ha vai saptavidham eva cinvīta saptavidho vāva prākṛto 'gnis tata ūrdhvam ekottarān iti vājasaneyakam // (16.1) Par.?

syonā pṛthivi bhavānṛkṣarā niveśanī / (17.1) Par.?

yacchā naḥ śarma saprathāḥ / (17.2) Par.?

baḍitthā parvatānām ity etābhyāṃ vimitam agnim ākramante // (17.3) Par.?

Duration=0.046093940734863 secs.