Texts

śvo bhūte pātrasaṃsādanakāle daśa camasān adhikān prayunakti // (1.1) Par.?

tān unnayanakāla unnayati // (2.1) Par.?

bhakṣaṇakāle daśa daśaikaikasmiṃś camase brāhmaṇāḥ somapāḥ somaṃ bhakṣayanty ā daśamāt puruṣād avicchinnasomapīthāḥ // (3.1) Par.?

ā daśamāt puruṣād anvākhyāyaṃ sa bhakṣasya kartā bhavati // (4.1) Par.?

śataṃ brāhmaṇāḥ somapāḥ sadaḥ prasarpanti // (5.1) Par.?

dakṣiṇākāle hiraṇyaprākāśāv adhvaryave dadāti / (6.1) Par.?

hiraṇyasrajam udgātre / (6.2) Par.?

rukmaṃ hotra iti yathāsamāmnātam // (6.3) Par.?

athaikeṣām / (7.1) Par.?

vehāyamānām ivonnetre dadāti / (7.2) Par.?

ṛṣabhaṃ grāvastute / (7.3) Par.?

bastaṃ subrahmaṇyāya / (7.4) Par.?

neṣṭur anaḍvān deyaḥ / (7.5) Par.?

agnīdhe 'nyaḥ / (7.6) Par.?

sthūri yavācitam acchāvākāyeti // (7.7) Par.?

diśām aveṣṭyodavasyati // (8.1) Par.?

āgneyam aṣṭākapālam iti pañca // (9.1) Par.?

tayā brāhmaṇo rājanyo vaiśyo vā tejaskāmo yajeta // (10.1) Par.?

yadi brāhmaṇo yajeta bārhaspatyaṃ madhye kṛtvāhutimāhutiṃ hutvā tam abhighārayet / (11.1) Par.?

yadi rājanya aindram / (11.2) Par.?

yadi vaiśyo vaiśvadevam // (11.3) Par.?

aparāhṇe dvipaśunā paśubandhena yajeta // (12.1) Par.?

ādityāṃ malhāṃ garbhiṇīm ālabhate / (13.1) Par.?

mārutīṃ pṛśniṃ paṣṭhauhīm // (13.2) Par.?

uccair ādityāyā āśrāvayati / (14.1) Par.?

upāṃśu mārutyā pracarati // (14.2) Par.?

āśrutapratyāśrutāny upāṃśu // (15.1) Par.?

śvo bhūte sātyadūtānāṃ trihaviṣam iṣṭiṃ nirvapati / (16.1) Par.?

aśvibhyāṃ pūṣṇe puroḍāśaṃ dvādaśakapālam iti // (16.2) Par.?

tisṛdhanvaṃ śuṣkadṛtir dakṣiṇā // (17.1) Par.?