Texts

sottaravedir abravīt sarvān mayā kāmān vyaśnavatheti // (1) Par.?

te devā akāmayantāsurān bhrātṛvyān abhibhavemeti // (2) Par.?

te 'juhavuḥ // (3) Par.?

siṃhīr asi sapatnasāhī svāheti // (4) Par.?

te 'surān bhrātṛvyān abhyabhavan // (5) Par.?

te 'surān bhrātṛvyān abhibhūyākāmayanta prajāṃ vindemahīti // (6) Par.?

te 'juhavuḥ // (7) Par.?

siṃhīr asi suprajāvaniḥ svāheti // (8) Par.?

te prajām avindanta // (9) Par.?

te prajāṃ vittvākāmayanta paśūn vindemahīti // (10) Par.?

te 'juhavuḥ // (11) Par.?

siṃhīr asi rāyaspoṣavaniḥ svāheti // (12) Par.?

te paśūn avindanta // (13) Par.?

te paśūn vittvākāmayanta pratiṣṭhāṃ vindemahīti // (14) Par.?

te 'juhavuḥ // (15) Par.?

siṃhīr asy ādityavaniḥ svāheti // (16) Par.?

ta imām pratiṣṭhām avindanta // (17) Par.?

ta imām pratiṣṭhāṃ vittvākāmayanta devatā āśiṣa upeyāmeti // (18) Par.?

te 'juhavuḥ // (19) Par.?

siṃhīr asy āvaha devān devayate yajamānāya svāheti // (20) Par.?

te devatā āśiṣa upāyan // (21) Par.?

pañca kṛtvo vyāghārayati // (22) Par.?

pañcākṣarā paṅktiḥ // (23) Par.?

pāṅkto yajñaḥ // (24) Par.?

yajñam evāvarunddhe // (25) Par.?

akṣṇayā vyāghārayati // (26) Par.?

tasmād akṣṇayā paśavo 'ṅgāni praharanti pratiṣṭhityai // (27) Par.?

bhūtebhyas tveti srucam udgṛhṇāti // (28) Par.?

ya eva devā bhūtās teṣāṃ tad bhāgadheyam // (29) Par.?

tān eva tena prīṇāti // (30) Par.?

pautudravān paridhīn paridadhāty eṣāṃ lokānāṃ vidhṛtyai // (31) Par.?

agnes trayo jyāyāṃso bhrātara āsan // (32) Par.?

te devebhyo havyaṃ vahantaḥ prāmīyanta // (33) Par.?

so 'gnir abibhed itthaṃ vāva sya ārtim āriṣyatīti // (34) Par.?

sa nilāyata // (35) Par.?

sa yāṃ vanaspatiṣv avasat tām pūtudrau // (36) Par.?

yām oṣadhīṣu tāṃ sugandhitejane // (37) Par.?

yām paśuṣu tām petvasyāntarā śṛṅge // (38) Par.?

taṃ devatāḥ praiṣam aicchan // (39) Par.?

tam anvavindan // (40) Par.?

tam abruvann upa na āvartasva havyaṃ no vaheti // (41) Par.?

so 'bravīt // (42) Par.?

varaṃ vṛṇai // (43) Par.?

yad eva gṛhītasyāhutasya bahiḥparidhi skandāt tan me bhrātṝṇām bhāgadheyam asad iti // (44) Par.?

tasmād yad gṛhītasyāhutasya bahiḥparidhi skandati teṣāṃ tad bhāgadheyaṃ tān eva tena prīṇāti // (45) Par.?

so 'manyatāsthanvanto me pūrve bhrātaraḥ prāmeṣatāsthāni śātayā iti // (46) Par.?

sa yāny asthāny aśātayata tat pūtudrv abhavat // (47) Par.?

yan māṃsam upamṛtaṃ tad gulgulu // (48) Par.?

yad etānt sambhārānt saṃbharaty agnim eva tat saṃbharati // (49) Par.?

agneḥ purīṣam asīty āha // (50) Par.?

agner hy etat purīṣaṃ yat saṃbhārāḥ // (51) Par.?

atho khalv āhur ete vāvainaṃ te bhrātaraḥ pariśere yat pautudravāḥ paridhaya iti // (52) Par.?