Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Soma sacrifice, dhiṣṇya, side altar
Show parallels Show headlines
Use dependency labeler
Chapter id: 13891
- Click on a sentence to show its analysis
- Keep the mouse pointer over a lemma to show its meanings.
cātvālād dhiṣṇiyān upavapati / (1.1) Par.?
yonir vai yajñasya cātvālaṃ yajñasya sayonitvāya / (1.2) Par.?
devā vai yajñam parājayanta / (1.3) Par.?
tam āgnīdhrāt punar apājayan / (1.4) Par.?
etad vai yajñasyāparājitaṃ yad āgnīdhram / (1.5) Par.?
yad āgnīdhrād dhiṣṇiyān viharati yad eva yajñasyāparājitaṃ tata evainam punas tanute / (1.6) Par.?
parājityeva khalu vā ete yanti ye bahiṣpavamānaṃ sarpanti / (1.7) Par.?
bahiṣpavamāne stute // (1.8) Par.?
āha / (2.1) Par.?
agnīd agnīn vihara barhi stṛṇāhi puroḍāśāṃ alaṃkurv iti / (2.2) Par.?
yajñam evāpajitya punas tanvānā yanti / (2.3) Par.?
aṅgārair dve savane viharati śalākābhis tṛtīyam / (2.4) Par.?
saśukratvāya / (2.5) Par.?
atho saṃbharaty evainat / (2.6) Par.?
dhiṣṇiyā vā amuṣmiṃlloke somam arakṣan / (2.7) Par.?
tebhyo 'dhi somam āharan / (2.8) Par.?
tam anvavāyan tam paryaviśan / (2.9) Par.?
ya evaṃ veda vindate // (2.10) Par.?
pariveṣṭāram / (3.1) Par.?
te somapīthena vyārdhyanta / (3.2) Par.?
te deveṣu somapītham aicchanta / (3.3) Par.?
tān devā abruvan / (3.4) Par.?
dve dve nāmanī kurudhvam atha pra vāpsyatha na veti / (3.5) Par.?
agnayo vā atha dhiṣṇiyāḥ / (3.6) Par.?
tasmād dvināmā brāhmaṇo 'rdhukaḥ / (3.7) Par.?
teṣāṃ ye nediṣṭham paryaviśan te somapītham prāpnuvann āhavanīya āgnīdhrīyo hotrīyo mārjālīyaḥ / (3.8) Par.?
tasmāt teṣu juhvati / (3.9) Par.?
atihāya vaṣaṭkaroti / (3.10) Par.?
vi hi // (3.11) Par.?
ete somapīthenārdhyanta / (4.1) Par.?
devā vai yāḥ prācīr āhutīr ajuhavur ye purastād asurā āsan tāṃs tābhiḥ prāṇudanta / (4.2) Par.?
yāḥ pratīcīr ye paścād asurā āsan tāṃs tābhir apānudanta / (4.3) Par.?
prācīr anyā āhutayo hūyante pratyaṅṅ āsīno dhiṣṇiyān vyāghārayati / (4.4) Par.?
paścāc caiva purastācca yajamāno bhrātṛvyān praṇudate / (4.5) Par.?
tasmāt parācīḥ prajāḥ pravīyante pratīcīḥ // (4.6) Par.?
jāyante / (5.1) Par.?
prāṇā vā ete yaddhiṣṇiyāḥ / (5.2) Par.?
yad adhvaryuḥ pratyaṅ dhiṣṇiyān atisarpet prāṇānt saṃkarṣet / (5.3) Par.?
pramāyukaḥ syāt / (5.4) Par.?
nābhir vā eṣā yajñasya yaddhotā / (5.5) Par.?
ūrdhvaḥ khalu vai nābhyai prāṇo 'vāṅ apānaḥ / (5.6) Par.?
yad adhvaryuḥ pratyaṅ hotāram atisarped apāne prāṇaṃ dadhyāt pramāyukaḥ syāt / (5.7) Par.?
nādhvaryur upagāyet / (5.8) Par.?
vāgvīryo vā adhvaryuḥ / (5.9) Par.?
yad adhvaryur upagāyed udgātre // (5.10) Par.?
vācaṃ samprayacched upadāsukāsya vāk syāt / (6.1) Par.?
brahmavādino vadanti / (6.2) Par.?
nāsaṃsthite some 'dhvaryuḥ pratyaṅk sado 'tīyād atha kathā dākṣiṇāni hotum eti yāmo hi sa teṣāṃ kasmā aha devā yāmaṃ vāyāmaṃ vānujñāsyantīti / (6.3) Par.?
uttareṇāgnīdhram parītya juhoti dākṣiṇāni / (6.4) Par.?
na prāṇānt saṃkarṣati / (6.5) Par.?
ny anye dhiṣṇiyā upyante nānye / (6.6) Par.?
yān nivapati tena tān prīṇāti / (6.7) Par.?
yān na nivapati yad anudiśati tena tān // (6.8) Par.?
Duration=0.094146013259888 secs.