Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): prāṇa etc., udgātṛ
Show parallels Show headlines
Use dependency labeler
Chapter id: 13222
- Click on a sentence to show its analysis
- Keep the mouse pointer over a lemma to show its meanings.
devānāṃ vai ṣaḍ udgātāra āsan vāk ca manaś ca cakṣuś ca śrotraṃ cāpānaś ca prāṇaś ca // (1.1) Par.?
te 'dhriyanta tenodgātrā dīkṣāmahai yenāpahatya mṛtyum apahatya pāpmānaṃ svargaṃ lokam iyāmeti // (2.1) Par.?
te 'bruvan vācodgātrā dīkṣāmahā iti / (3.1) Par.?
te vācodgātrādīkṣanta / (3.2) Par.?
sa yad eva vācā vadati tad ātmana āgāyad atha ya itare kāmās tān devebhyaḥ // (3.3) Par.?
tām pāpmānvasṛjyata / (4.1) Par.?
sa yad eva vācā pāpaṃ vadati sa eva sa pāpmā // (4.2) Par.?
te 'bruvan na vai no 'yam mṛtyuṃ na pāpmānam atyavākṣīt / (5.1) Par.?
manasodgātrā dīkṣāmahā iti // (5.2) Par.?
te manasodgātrādīkṣanta / (6.1) Par.?
sa yad eva manasā dhyāyati tad ātmana āgāyad atha ya itare kāmās tān devebhyaḥ // (6.2) Par.?
tat pāpmānvasṛjyata / (7.1) Par.?
sa yad eva manasā pāpaṃ dhyāyati sa eva sa pāpmā // (7.2) Par.?
te 'bruvan no nvāva no 'yam mṛtyuṃ na pāpmānam atyavākṣīt / (8.1) Par.?
cakṣuṣodgātrā dīkṣāmahā iti // (8.2) Par.?
te cakṣuṣodgātrādīkṣanta / (9.1) Par.?
sa yad eva cakṣuṣā paśyati tad ātmana āgāyad atha ya itare kāmās tān devebhyaḥ // (9.2) Par.?
tat pāpmānvasṛjyata / (10.1) Par.?
sa yad eva cakṣuṣā pāpam paśyati sa eva sa pāpmā // (10.2) Par.?
te 'bruvan no nvāva no 'yam mṛtyuṃ na pāpmānam atyavākṣīt / (11.1) Par.?
śrotreṇodgātrā dīkṣāmahā iti // (11.2) Par.?
te śrotreṇodgātrādīkṣanta / (12.1) Par.?
sa yad eva śrotreṇa śṛṇoti tad ātmana āgāyad atha ya itare kāmās tān devebhyaḥ // (12.2) Par.?
tat pāpmānvasṛjyata / (13.1) Par.?
sa yad eva śrotreṇa pāpaṃ śṛṇoti sa eva sa pāpmā // (13.2) Par.?
te 'bruvan no nvāva no 'yam mṛtyuṃ na pāpmānam atyavākṣīt / (14.1) Par.?
apānenodgātrā dīkṣāmahā iti // (14.2) Par.?
te 'pānenodgātrādīkṣanta / (15.1) Par.?
sa yad evāpānenāpāniti tad ātmana āgāyad atha ya itare kāmās tān devebhyaḥ // (15.2) Par.?
tam pāpmānvasṛjyata / (16.1) Par.?
sa yad evāpānena pāpaṃ gandham apāniti sa eva sa pāpmā // (16.2) Par.?
te 'bruvan no nvāva no 'yam mṛtyuṃ na pāpmānam atyavākṣīt / (17.1) Par.?
prāṇenodgātrā dīkṣāmahā iti // (17.2) Par.?
te prāṇenodgātrādīkṣanta / (18.1) Par.?
sa yad eva prāṇena prāṇiti tad ātmana āgāyad atha ya itare kāmās tān devebhyaḥ // (18.2) Par.?
tam pāpmā nānvasṛjyata / (19.1) Par.?
na hy etena prāṇena pāpaṃ vadati na pāpaṃ dhyāyati na pāpam paśyati na pāpaṃ śṛṇoti na pāpaṃ gandham apāniti // (19.2) Par.?
tenāpahatya mṛtyum apahatya pāpmānaṃ svargaṃ lokam āyan / (20.1) Par.?
apahatya haiva mṛtyum apahatya pāpmānaṃ svargaṃ lokam eti ya evaṃ veda // (20.2) Par.?
Duration=0.06713604927063 secs.