Texts

atha vai paṅkteḥ pañca padāni kathaṃ sārdharcaśo 'nuktā bhavatīti // (1) Par.?

praṇavottarayos tṛtīyaḥ // (2) Par.?

tathā sārdharcaśo 'nuktā bhavati // (3) Par.?

āgneyaṃ kratum anvāha // (4) Par.?

tad imaṃ lokam āpnoti // (5) Par.?

uṣasyam anvāha // (6) Par.?

tad antarikṣalokam āpnoti // (7) Par.?

āśvinam anvāha // (8) Par.?

tad amuṃ lokam āpnoti // (9) Par.?

gāyatrīm anvāha // (10) Par.?

mukham eva gāyatrī // (11) Par.?

anuṣṭubham anvāha // (12) Par.?

vāg anuṣṭup // (13) Par.?

mukhe tad vācaṃ dadhāti // (14) Par.?

mukhena vai vācaṃ vadati // (15) Par.?

triṣṭubham anvāha // (16) Par.?

balaṃ vai vīryaṃ triṣṭup // (17) Par.?

bṛhatīm anvāha // (18) Par.?

go'śvam eva bṛhatī // (19) Par.?

uṣṇiham anvāha // (20) Par.?

ajāvikam evoṣṇik // (21) Par.?

jagatīm anvāha // (22) Par.?

balaṃ vai vīryaṃ jagatī // (23) Par.?

balaṃ vīryaṃ purastāt triṣṭup // (24) Par.?

balaṃ vīryam upariṣṭāj jagatī // (25) Par.?

madhye bārhatāś cauṣṇihāś ca paśavaḥ // (26) Par.?

balena eva tad vīryeṇobhayataḥ paśūn parigṛhya yajamāne dadhāti // (27) Par.?

tathā yajamānāt paśavo 'nutkrāmukā bhavanti // (28) Par.?

tad yathā ha vā asmiṃlloke manuṣyāḥ paśūn aśnanti yathaibhir bhuñjata evam evāmuṣmiṃlloke paśavo manuṣyān aśnanty evam ebhir bhuñjate // (29) Par.?

sa ya enān iha prātar anuvākenāvarundhe tam ihāvaruddhā amuṣmiṃlloke nāśnanti // (30) Par.?

nainena pratibhuñjate // (31) Par.?

yathaivainān asmiṃlloke aśnāti yathaibhir bhuṅkta evam evainān amuṣmiṃlloke aśnāti // (32) Par.?

yathaivainān asmiṃlloke aśnāti yathaibhir bhuṅkta evam evainān amuṣmiṃlloke aśnāty evam ebhir bhuṅkte // (33) Par.?

paṅktim anvāha // (34) Par.?

pratiṣṭhā vai paṅktiḥ // (35) Par.?

sarveṣv eva tad bhūteṣu yajamānaṃ pratiṣṭhāpayati // (36) Par.?