Texts

saṃtatir vā ete grahāḥ / (1.1) Par.?

yat paraḥsāmānaḥ / (1.2) Par.?

viṣūvān divākīrtyam / (1.3) Par.?

yathā śālāyai pakṣasī / (1.4) Par.?

evaṃ saṃvatsarasya pakṣasī / (1.5) Par.?

yad ete na gṛhyeran / (1.6) Par.?

viṣūcī saṃvatsarasya pakṣasī vyavasraṃseyātām / (1.7) Par.?

ārtim ārcheyuḥ / (1.8) Par.?

yad ete gṛhyante / (1.9) Par.?

yathā śālāyai pakṣasī madhyamaṃ vaṃśam abhi samāyacchati // (1.10) Par.?

evaṃ saṃvatsarasya pakṣasī divākīrtyam abhi saṃtanvanti / (2.1) Par.?

nārtim ārchanti / (2.2) Par.?

ekaviṃśam ahar bhavati / (2.3) Par.?

śukrāgrā grahā gṛhyante / (2.4) Par.?

pratyuttabdhyai sayatvāya / (2.5) Par.?

saurya etad ahaḥ paśur ālabhyate / (2.6) Par.?

sauryo 'tigrāhyo gṛhyate / (2.7) Par.?

ahar eva rūpeṇa samardhayanti / (2.8) Par.?

atho ahna evaiṣa balir hriyate / (2.9) Par.?

saptaitad ahar atigrāhyā gṛhyante // (2.10) Par.?

sapta vai śīrṣaṇyāḥ prāṇāḥ / (3.1) Par.?

asāv ādityaḥ śiraḥ prajānām / (3.2) Par.?

śīrṣann eva prajānāṃ prāṇān dadhāti / (3.3) Par.?

tasmāt sapta śīrṣan prāṇāḥ / (3.4) Par.?

indro vṛtraṃ hatvā / (3.5) Par.?

asurān parābhāvya / (3.6) Par.?

sa imāṃl lokān abhyajayat / (3.7) Par.?

tasyāsau loko 'nabhijita āsīt / (3.8) Par.?

taṃ viśvakarmā bhūtvābhyajayat / (3.9) Par.?

yad vaiśvakarmaṇo gṛhyate // (3.10) Par.?

suvargasya lokasyābhijityai / (4.1) Par.?

pra vā ete 'smāl lokāc cyavante / (4.2) Par.?

ye vaiśvakarmaṇaṃ gṛhṇate / (4.3) Par.?

ādityaḥ śvo gṛhyate / (4.4) Par.?

iyaṃ vā aditiḥ / (4.5) Par.?

asyām eva pratitiṣṭhanti / (4.6) Par.?

anyonyo gṛhyete / (4.7) Par.?

viśvāny evānyena karmāṇi kurvāṇā yanti / (4.8) Par.?

asyām anyena pratitiṣṭhanti / (4.9) Par.?

tāv āparārdhāt saṃvatsarasyānyonyo gṛhyete / (4.10) Par.?

tāv ubhau saha mahāvrate gṛhyete / (4.11) Par.?

yajñasyaivāntaṃ gatvā / (4.12) Par.?

ubhayor lokayoḥ pratitiṣṭhanti / (4.13) Par.?

arkyam ukthaṃ bhavati / (4.14) Par.?

annādyasyāvaruddhyai // (4.15) Par.?