Texts

prajāpatiḥ prajāḥ sṛṣṭvā vyasraṃsata / (1.1) Par.?

sa hṛdayaṃ bhūto 'śayat / (1.2) Par.?

ātman hā3 ity ahvayat / (1.3) Par.?

āpaḥ pratyaśṛṇvan / (1.4) Par.?

tā agnihotreṇaiva yajñakratunopaparyāvartanta / (1.5) Par.?

tāḥ kusindham upauhan / (1.6) Par.?

tasmād agnihotrasya yajñakratoḥ / (1.7) Par.?

eka ṛtvik / (1.8) Par.?

catuṣkṛtvo 'hvayat / (1.9) Par.?

agnir vāyur ādityaś candramāḥ // (1.10) Par.?

te pratyaśṛṇvan / (2.1) Par.?

te darśapūrṇamāsābhyām eva yajñakratunopaparyāvartanta / (2.2) Par.?

ta upauhaṃś catvāry aṅgāni / (2.3) Par.?

tasmād darśapūrṇamāsayor yajñakratoḥ / (2.4) Par.?

catvāra ṛtvijaḥ / (2.5) Par.?

pañcakṛtvo 'hvayat / (2.6) Par.?

paśavaḥ pratyaśṛṇvan / (2.7) Par.?

te cāturmāsyair eva yajñakratunopaparyāvartanta / (2.8) Par.?

ta upauhaṃllomacchavīṃ māṃsam asthi majjānam / (2.9) Par.?

tasmāc cāturmāsyānāṃ yajñakratoḥ // (2.10) Par.?

pañcartvijaḥ / (3.1) Par.?

ṣaṭkṛtvo 'hvayat / (3.2) Par.?

ṛtavaḥ pratyaśṛṇvan / (3.3) Par.?

te paśubandhenaiva yajñakratunopaparyāvartanta / (3.4) Par.?

ta upauhaṃstanāv āṇḍau śiśnam avāñcaṃ prāṇam / (3.5) Par.?

tasmāt paśubandhasya yajñakratoḥ / (3.6) Par.?

ṣaḍ ṛtvijaḥ / (3.7) Par.?

saptakṛtvo 'hvayat / (3.8) Par.?

hotrāḥ pratyaśṛṇvan / (3.9) Par.?

tāḥ saumyenaivādhvareṇa yajñakratunopaparyāvartanta // (3.10) Par.?

tā upauhant sapta śīrṣaṇyān prāṇān / (4.1) Par.?

tasmāt saumyasyādhvarasya yajñakratoḥ / (4.2) Par.?

sapta hotrāḥ prācīr vaṣaṭkurvanti / (4.3) Par.?

daśakṛtvo 'hvayat / (4.4) Par.?

tapaḥ pratyaśṛṇot / (4.5) Par.?

tat karmaṇaiva saṃvatsareṇa sarvair yajñakratubhir upaparyāvartata / (4.6) Par.?

tat sarvam ātmānam aparivargam upauhat / (4.7) Par.?

tasmāt saṃvatsare sarve yajñakratavo 'varudhyante / (4.8) Par.?

tasmād daśahotā caturhotā / (4.9) Par.?

pañcahotā ṣaḍḍhotā saptahotā / (4.10) Par.?

ekahotre baliṃ haranti haranty asmai prajā balim / (4.11) Par.?

ainam apratikhyātaṃ gacchati / (4.12) Par.?

ya evaṃ veda // (4.13) Par.?