Texts

ṣaḍviṃśatibhiḥ kāraṇaiḥ khalu bho brāhmaṇenādhyetavyaṃ bhavaty aparimitair vā // (1.1) Par.?

tad yathā kule jātaḥ // (2.1) Par.?

śaktimān // (3.1) Par.?

pūrve cābhirūpā āsan // (4.1) Par.?

sādhvācaritaṃ caitat // (5.1) Par.?

ṛṇaṃ caitad brāhmaṇasya // (6.1) Par.?

karmaṇām adhyayanaṃ śubhataram // (7.1) Par.?

adhītya ca kāryākārye jñāsyāmi // (8.1) Par.?

vidvāṃsaś ca sarvatra pūjyante // (9.1) Par.?

śiṣyāś ca śuśrūṣante // (10.1) Par.?

mahayanti ca sarvatra // (11.1) Par.?

sarvatra gatimān bhaviṣyāmi // (12.1) Par.?

yakṣyāmi // (13.1) Par.?

yājayiṣyāmi // (14.1) Par.?

lakṣaṇīyo bhaviṣyāmi // (15.1) Par.?

havīṃṣi ca susaṃskṛtāni bhokṣyāmi // (16.1) Par.?

mayā ca svādhyāyavatā mātāpitarau svarge loke sukham edhiṣyete // (17.1) Par.?

brahmacaryeṇa cāyuṣmān varcasvī bhaviṣyāmi // (18.1) Par.?

svādhyāyena kṣipraṃ pāpmānam apahanyām iti ca // (19.1) Par.?

svādhyāyavataḥ sarve lokāḥ // (20.1) Par.?

nāprāpyaṃ tasya kiṃcit // (21.1) Par.?

na tasya punarāvṛttiḥ // (22.1) Par.?

mantrabrāhmaṇayoḥ vedaśabdaḥ // (23.1) Par.?

vedo hi dharmamūlam // (24.1) Par.?

acoraharaṇīyaṃ ca brahma // (25.1) Par.?

ekaikā cark samyag adhītā kāmadhug bhavati // (26.1) Par.?

yaṃ yaṃ kratum adhīte tena tena ceṣṭaṃ bhaviṣyatīti // (27.1) Par.?

tad api ślokāḥ // (28.1) Par.?

ketumān laghimān dakṣo mitravān dhṛtimān śuciḥ / (29.1) Par.?

śīlavān śrutavān dānto bhavedvai paṅktipāvanaḥ // (29.2) Par.?

corarājāgnyudakebhyaḥ sadā saṃcayināṃ bhayam / (30.1) Par.?

nirbhayās tu sukhaṃ vaidyāś caranty akṣayyavṛttayaḥ // (30.2) Par.?

tad etat puṣkalaṃ vākyaṃ vedajñānaprayojanam / (31.1) Par.?

kuryād adhyayane yatnaṃ satyavādī jitendriyaḥ / (31.2) Par.?

iti // (31.3) Par.?

tad apy etad ṛṣir āha // (32.1) Par.?

yo jāgāra tam ṛcaḥ kāmayante yo jāgāra tam u sāmāni yānti / (33.1) Par.?

yo jāgāra tam ayaṃ soma āha tavāham asmi sakhye nyokāḥ / (33.2) Par.?

iti // (33.3) Par.?