Texts

mahi trīṇām avo 'stv iti // (1) Par.?

eṣa prājāpatyas tricaḥ // (2) Par.?

prājāpatyā imāḥ prajāḥ // (3) Par.?

sarvā eva prajā avarunddhe // (4) Par.?

prajāpatir vā etāḥ // (5) Par.?

prajāpatim evaitad upetya sarvam āptvā sarvam avarudhya // (6) Par.?

somānaṃ svaraṇaṃ kṛṇuhi brahmaṇaspata iti // (7) Par.?

brāhmaṇaspatyā // (8) Par.?

brahmavarcasam evaitayātman dhatte // (9) Par.?

vaiśvadevīr vā etāḥ // (10) Par.?

vaiśvadevīr imāḥ prajāḥ // (11) Par.?

brahmaṇo yoneḥ prajāḥ prajāyante // (12) Par.?

yad eṣā brāhmaṇaspatyā // (13) Par.?

brahmaṇa evainā yoneḥ prajanayati // (14) Par.?

etābhir vā aditiḥ putrān anvaikṣata // (15) Par.?

yat somam āharann amuṣmāl lokāt svasti punar āgacchan saha somena // (16) Par.?

yam eva kāmaṃ kāmayate taṃ spṛṇoti // (17) Par.?

yaṃ kāmayeta // (18) Par.?

svasti punar āgacched iti // (19) Par.?

tam etābhir anvīkṣeta // (20) Par.?

svasty eva punar āgacchati // (21) Par.?

kadā cana starīr asi pari te dūḍabho ratha iti // (22) Par.?

stomasyaivaitad yogaḥ // (23) Par.?

kadā cana starīr asīti // (24) Par.?

etaddha vā āruṇir uvāca // (25) Par.?

na tāvad rātrīṃ staryam uvasa yāvad etām ṛcam aśṛṇavam iti // (26) Par.?

na rātrīṃ staryaṃ vasati ya evaṃ veda // (27) Par.?

gāyatro vā agniḥ // (28) Par.?

gāyatracchandās taṃ chandasā vyardhayati // (29) Par.?

yad vicchandobhir upatiṣṭhate // (30) Par.?

yad eṣā gāyatry uttamā // (31) Par.?

svenaivainaṃ chandasā samardhayati // (32) Par.?

sarvaṃ vā eṣa āptvā sarvam avarudhya svargaṃ lokam eti yo 'gnim upatiṣṭhate // (33) Par.?

vy asya prajā chidyate // (34) Par.?

yat putraṃ hvayati // (35) Par.?

prajām evānusaṃtanoti // (36) Par.?

mānuṣam iva vā etad upāvartate // (37) Par.?

yat putraṃ hvayati // (38) Par.?

acchinno daivyas tantur mā manuṣyaś chedīti // (39) Par.?

devalokaṃ caiva manuṣyalokaṃ ca saṃtanoti // (40) Par.?

ubhau lokā ājayati // (41) Par.?

nimrado 'sīti // (42) Par.?

ava taṃ gṛhṇāti yo 'sya paścād bhrātṛvyaḥ // (43) Par.?

abhibhūr asīti // (44) Par.?

abhi taṃ bhavati ya enena sadṛṅ // (45) Par.?

prabhūr asi // (46) Par.?

prāhaṃ tam atibhūyāsam iti // (47) Par.?

ati taṃ krāmati ya evainaṃ pūrvo 'tikrānto bhrātṛvyaḥ // (48) Par.?

pūṣā mā prapathe pātu // (49) Par.?

pūṣā mā paśupāḥ pātu // (50) Par.?

pūṣā mādhipatiḥ pātv iti // (51) Par.?

iyaṃ vai pūṣā prapathe // (52) Par.?

antarikṣaṃ paśupāḥ // (53) Par.?

dyaur adhipatiḥ // (54) Par.?

ima evainaṃ lokāḥ pānti // (55) Par.?

agniṃ saminddhe // (56) Par.?

anusaṃtatyai // (57) Par.?

prācī dig agnir devateti // (58) Par.?

etā eva sa devatā ṛtvā parābhavati ya enam etābhyo digbhyo 'bhidāsati // (59) Par.?

jyotiṣe tantava āśiṣam āśāsa iti // (60) Par.?

āśiṣam evāśāste // (61) Par.?

yo 'sya priyaḥ putras syāt tasya nāma gṛhṇīyāt // (62) Par.?

tasminn eva tā āśiṣo dadhāti // (63) Par.?