Texts

dhruvo 'si // (1) Par.?

dhruvo 'haṃ sajāteṣu bhūyāsaṃ dhruvā mayi sajātāḥ // (2) Par.?

ugraś cettā vasuvid // (3) Par.?

abhibhūr asi // (4) Par.?

abhy ahaṃ sajātān bhūyāsam // (5) Par.?

dhīraś cettā vasuvit // (6) Par.?

paribhūr asi // (7) Par.?

pary ahaṃ sajātān bhūyāsam // (8) Par.?

dhīraś cettā vasuvit // (9) Par.?

sūrir asi // (10) Par.?

sūrir ahaṃ sajāteṣv adhibhūyāsam // (11) Par.?

ugraś cettā vasuvit // (12) Par.?

āmanasya devā ye sajātās samanaso yān ahaṃ kāmaye hṛdā te māṃ kāmayantāṃ hṛdā tān ma āmanasas kṛdhi svāhā // (13) Par.?

āmanasya devā yā striyas samanaso yā ahaṃ kāmaye hṛdā tā māṃ kāmayantāṃ hṛdā tā ma āmanasas kṛdhi svāhā // (14) Par.?

āmanasya devā ye putrāso ye paśavas samanaso yān ahaṃ kāmaye hṛdā te māṃ kāmayantāṃ hṛdā tān ma āmanasas kṛdhi svāhā // (15) Par.?

devāś ca vā asurāś ca saṃyattā āsan // (16) Par.?

te 'surā manasvitarā āsan // (17) Par.?

amanastarā iva devāḥ // (18) Par.?

te devā etat saṃgrahaṇam apaśyan // (19) Par.?

tenāsurāṇāṃ manāṃsi samagṛhṇan // (20) Par.?

tato vai te 'manasaḥ parābhavan // (21) Par.?

mana eva bhrātṛvyasya saṃgṛhṇāti // (22) Par.?

so 'syāmanāḥ parābhavati // (23) Par.?

etayā yajeta paśukāmaḥ // (24) Par.?

etayā vai devā asurāṇāṃ paśūn samagṛhṇan // (25) Par.?

tato vai te paśavaḥ parābhavan // (26) Par.?

paśūn eva bhrātṛvyasya saṃgṛhṇāti // (27) Par.?

so 'syāpaśuḥ parābhavati // (28) Par.?

etayā yajeta sajātakāmaḥ // (29) Par.?

manograhaṇaṃ vā etan manasvina iva sajātāḥ // (30) Par.?

yāvanta eva sajātās teṣāṃ manāṃsi gṛhṇāti // (31) Par.?

te 'smān manogṛhītā nāpayanti // (32) Par.?

vaiśvadevaḥ kāryaḥ // (33) Par.?

vaiśvadevā hi sajātāḥ // (34) Par.?

pṛṣatyāḥ pṛṣadvatsāyā dugdhe bhavati // (35) Par.?

vaiśvadevī hi pṛṣatī // (36) Par.?

sarvebhyas sajātebhya ājyaṃ samāharanti // (37) Par.?

vaiśvadevatvāya // (38) Par.?

vaiśvadevā hi sajātāḥ // (39) Par.?

dhruvo 'sīti // (40) Par.?

paridhīn paridadhāti // (41) Par.?

sajātān evāsmā upadadhāti // (42) Par.?

āmanasya devā iti // (43) Par.?

anvārambhayitvā juhoti // (44) Par.?

manograhaṇaṃ vā etad evam iva sajātās striya iva pumāṃsa iva kumārā iva // (45) Par.?

yāvanta eva sajātās teṣāṃ manāṃsi gṛhṇāti // (46) Par.?

te 'smān manogṛhītā nāpayanti // (47) Par.?

vi vā etad yajñaṃ chinatti yad yajñe pratata etā antarāhutīr juhoti // (48) Par.?

saṃsthite hotavyāḥ // (49) Par.?

yat saṃsthite juhuyād bahirātmaṃ sajātān kurvīta // (50) Par.?

antarā prayājānuyājāñ juhuyāt // (51) Par.?

prāṇā vai prayājāḥ // (52) Par.?

apānā anuyājāḥ // (53) Par.?

ātmā haviḥ // (54) Par.?

ātmann eva madhyatas sajātān dhatte // (55) Par.?

dārumayeṇa juhuyād yadi kāmayeta // (56) Par.?

kṣipraṃ mā sajātā eyuḥ // (57) Par.?

kṣipraṃ punaḥ pareyur iti // (58) Par.?

evam iva hi vanaspatayo 'dhruvā iva carācarā iva // (59) Par.?

mṛnmayena juhuyād yadi kāmayeta // (60) Par.?

ciraṃ mā sajātā eyuḥ // (61) Par.?

ciraṃ punaḥ pareyur iti // (62) Par.?

evam iva hīyaṃ dhruveva pratiṣṭhitevācarācareva // (63) Par.?