Texts

agne jātān praṇudā nas sapatnān iti purastād upadadhāti // (1) Par.?

ya evainaṃ pūrvo 'tikrānto bhrātṛvyas taṃ tayā praṇudati // (2) Par.?

sahasā jātān iti paścāt // (3) Par.?

ya evāsya paścād bhrātṛvyas taṃ tayāpanudate // (4) Par.?

pra śreyāṃsaṃ bhrātṛvyaṃ nudate prati pāpīyāṃsaṃ nudate // (5) Par.?

catuścatvāriṃśas stoma iti dakṣiṇataḥ // (6) Par.?

ṣoḍaśas stoma ity uttarāt // (7) Par.?

vajro vai ṣoḍaśaḥ // (8) Par.?

vajras triṣṭup // (9) Par.?

traiṣṭubhaś catuścatvāriṃśaḥ // (10) Par.?

savyāpagrahaṇo vajro dakṣiṇāvisarjanaḥ // (11) Par.?

bhrātṛvyam eva parāṇudya tasmai vajram anuvisṛjati // (12) Par.?

catuścatvāriṃśas stoma iti dakṣiṇata upadadhāti // (13) Par.?

brahmavarcasaṃ vai catuścatvāriṃśaḥ // (14) Par.?

brahmavarcasam eva dakṣiṇato 'varunddhe // (15) Par.?

ṣoḍaśas stoma ity uttarāt // (16) Par.?

ojo vai ṣoḍaśaḥ // (17) Par.?

oja evottarād dadhāti // (18) Par.?

tasmād uttarād abhiprayāyī jayati // (19) Par.?

pṛthivyāḥ purīṣam asīti madhye // (20) Par.?

purīṣaṃ vā ātmano madhyam // (21) Par.?

sātmānam evāgniṃ cinute // (22) Par.?

tā etā abhrātṛvyā nāmeṣṭakāḥ // (23) Par.?

nāsya bhrātṛvyo bhavati ya evaṃ vidvān etā upadhatte // (24) Par.?

athaitā virājaḥ // (25) Par.?

virājam eva paśuṣūttamāṃ dadhāti // (26) Par.?

tasmāt paśumān uttamāṃ vācaṃ vadati // (27) Par.?

daśadaśopadadhāti sayatvāya // (28) Par.?

devā vai svargaṃ lokaṃ yantas teṣāṃ yāni chandāṃsy aniruktāni svaryāṇy āsaṃs tais saha svargaṃ lokam āyan // (29) Par.?

tāny ṛṣayo 'nuprājijñāsanta // (30) Par.?

tānīṣṭakābhir niramimata // (31) Par.?

tānīmāni chandāṃsi yāny ayajñavāhāni // (32) Par.?

yāny eva devānāṃ chandāṃsy aniruktāni svargyāṇi tais saha svargaṃ lokam eti ya evaṃ vidvān etā upadhatte // (33) Par.?

athaite stomabhāgāḥ // (34) Par.?

bṛhaspatir vā etāṃ yajñasya pratiṣṭhām āharat // (35) Par.?

yad eta upadhīyante yajñasya pratiṣṭhityai // (36) Par.?

bṛhaspatir vā etat tejo yajñasya samabharat // (37) Par.?

yad eta upadhīyante satejasam evāgniṃ cinute // (38) Par.?

prajāpatiḥ prajā asṛjata // (39) Par.?

tās stomabhāgair evāsṛjata // (40) Par.?

yad eta upadhīyante prajananāya // (41) Par.?

dakṣiṇato vai devānāṃ yajño 'vlīyata // (42) Par.?

taṃ stomabhāgaiḥ pratyudastabhnuvan // (43) Par.?

yad ete dakṣiṇata udañca upadhīyante yajñasya pratyuttabdhyai // (44) Par.?

saptasaptopadadhāti savīryatvāya trīn madhye pratiṣṭhityai // (45) Par.?

athaitā nākasadaḥ // (46) Par.?

nākasadbhir vai devās svargaṃ lokam āyan // (47) Par.?

yad etā upadhīyante svargasya lokasyābhijityai // (48) Par.?

na vā amuṃ lokaṃ jagmuṣe kiṃ canākam // (49) Par.?

tan nākasadāṃ nākasattvam // (50) Par.?

tā etās sarvapṛṣṭhā nāmeṣṭakāḥ // (51) Par.?

yad eva kiṃca pṛṣṭhā nāmeṣṭakā yad eva kiṃca pṛṣṭhānāṃ tejas tad avarunddhe ya evaṃ vidvān etā upadhatte // (52) Par.?

athaitāḥ pañcacūḍāḥ // (53) Par.?

yajamānāyatanaṃ vai patnyaḥ // (54) Par.?

yan nākasatsu pañcacūḍā upadadhāti nāka eva yajamānaṃ pratiṣṭhāpayati // (55) Par.?

apsaraso vā etāḥ // (56) Par.?

etad rūpaṃ kṛtvā patnyo bhūtvāmuṣmiṃl loke yajamānam upaśerate // (57) Par.?

paścāt prācīm ekām upadadhāti // (58) Par.?

tasmāt paścāt prācī patny anvāste // (59) Par.?

tanūpānīr vā etā yajamānasya // (60) Par.?

sarvam āyur eti ya evaṃ vidvān etā upadhatte // (61) Par.?

etā vai devatās svargyāḥ // (62) Par.?

tābhir eva svargaṃ lokam eti // (63) Par.?

etā vai devatā abhicaraṇīyāḥ // (64) Par.?

yaṃ dviṣyāt taṃ brūyād amuṃ vo jambhe dadhāmīti // (65) Par.?

etābhya evainaṃ devatābhya āvṛścati // (66) Par.?

tājak pradhanvati // (67) Par.?