Texts

atha pitṛmedhaṃ vyākhyāsyāmaḥ // (1) Par.?

dahananidhānadeśe parivṛkṣāṇi nidhānakāla iti brāhmaṇoktam // (2) Par.?

durbalībhavantaṃ śālātṛṇeṣu darbhān āstīrya syonāsmai bhavety avarohayati // (3) Par.?

mantroktāvanumantrayate // (4) Par.?

yat te kṛṣṇa ity avadīpayati // (5) Par.?

āhitāgnau prete saṃbhārān saṃbharati // (6) Par.?

ājyaṃ ca pṛṣadājyaṃ cājaṃ ca gāṃ ca // (7) Par.?

vasanaṃ pañcamam // (8) Par.?

hiraṇyaṃ ṣaṣṭham // (9) Par.?

śarīraṃ nānvālabhate // (10) Par.?

anyaṃ ceṣṭantam anumantrayate // (11) Par.?

śāntyudakaṃ karoty asakalaṃ cātanānāṃ cānvāvapate // (12) Par.?

śāntyudakodakena keśaśmaśruromanakhāni saṃhārayanti // (13) Par.?

āplāvayanti // (14) Par.?

anulimpanti // (15) Par.?

srajo 'bhiharanti // (16) Par.?

evaṃ snātam alaṃkṛtam ahatenāvāgdaśena vasanena pracchādayaty etat te deva etat tvā vāsaḥ prathamaṃ nv āgann iti // (17) Par.?

apemam ity agniṣu juhoti // (18) Par.?

ukhāḥ kurvanti // (19) Par.?

tāḥ śakṛdābhyantaraṃ limpanti śuṣkeṇa vā pūrayanti // (20) Par.?

tāḥ pṛthag agnibhiḥ saṃtāpayanty ā śakṛdādīpanāt // (21) Par.?

teṣāṃ haraṇānupūrvam āhavanīyaṃ prathamaṃ tato dakṣiṇāgniṃ tato gārhapatyam // (22) Par.?

atha videśe pretasyā rohata janitrīṃ jātavedasa iti pṛthag araṇīṣvagnīn samāropayanti // (23) Par.?

teṣu yathoktaṃ karoti // (24) Par.?

api vānyavatsāyā vā saṃdhinīkṣīreṇaikaśalākena vā manthenāgnihotraṃ juhoty ā dahanāt // (25) Par.?

darśapūrṇamāsayoḥ kṛṣṇakataṇḍulānāṃ tasyā ājyena nāntaṃ na bahiḥ // (26) Par.?

palālāni barhiḥ // (27) Par.?

tilpiñjyā idhmāḥ // (28) Par.?

grahān ājyabhāgau purastāddhomasaṃsthitahomān uddhṛtya // (29) Par.?

prāṇāpānāv avaruddhyai nidhanābhir juhuyāt // (30) Par.?

athobhayor ut tiṣṭhety utthāpayati // (31) Par.?

pra cyavasveti triḥ saṃhāpayati yāvatkṛtvaś cotthāpayati // (32) Par.?

evam eva kūdīṃ jaghane nibadhya // (33) Par.?

imau yunajmīti gāvau yunakti puruṣau vā // (34) Par.?

ut tiṣṭha prehi pra cyavasvodanvatīta ete 'gnīṣomā idaṃ pūrvam iti hariṇībhir hareyur ati dravety aṣṭabhiḥ // (35) Par.?

idaṃ ta ity agnim agrataḥ // (36) Par.?

prajānaty aghnya iti jaghanyāṃ gām edham agniṃ pariṇīya // (37) Par.?

syonāsmai bhavety uttarato 'gneḥ śarīraṃ nidadhāti // (38) Par.?

adhvaryava iṣṭiṃ nirvapanti // (39) Par.?

tasyāṃ yathādevataṃ purastāddhomasaṃsthitahomān uddhṛtya // (40) Par.?

prāṇāpānāv avaruddhyai nidhanābhir juhuyāt // (41) Par.?

athobhayor apeta dadāmīti śāntyudakaṃ kṛtvā saṃprokṣaṇībhyāṃ kāmpīlaśākhāyā dahanaṃ samprokṣya // (42) Par.?

ud īratām ity uddhatyābhyukṣya lakṣaṇaṃ kṛtvā punar abhyukṣya prāgdakṣiṇam edhaś cinvanti // (43) Par.?

iyaṃ nārīti patnīm upasaṃveśayati // (44) Par.?

ud īrṣvety utthāpayati // (45) Par.?

yaddhiraṇyaṃ bibharti tad dakṣiṇe pāṇāv ādhāyājyenābhighārya jyeṣṭhena putreṇādāpayatīdaṃ hiraṇyam iti // (46) Par.?

svargaṃ yata iti dakṣiṇaṃ hastaṃ nirmārjayati // (47) Par.?

daṇḍaṃ hastād iti mantroktaṃ brāhmaṇasyādāpayati // (48) Par.?

dhanur hastād iti kṣatriyasya // (49) Par.?

aṣṭrām iti vaiśyasya // (50) Par.?

idaṃ pitṛbhya iti darbhān edhān stṛṇāti // (51) Par.?

tatrainam uttānam ādadhītejānaś citam ārukṣad agnim iti // (52) Par.?

prācyāṃ tvā diśīti pratidiśam // (53) Par.?

nety uparibabhravaḥ // (54) Par.?

anumantrayate // (55) Par.?

athāsya saptasu prāṇeṣu sapta hiraṇyaśakalāny avāsyaty amṛtam asy amṛtatvāyāmṛtam asmin dhehīti // (56) Par.?