Texts

jyotiṣām ayanavikalpāḥ // (1) Par.?

tatra yadādito 'ntatas tad ūrdhvaṃ viṣuvataḥ // (2) Par.?

māsi māsyādyasyābhiplavasya sthāne trikadrukāḥ sa ṣaṭtriṃśadūno nākṣatraḥ // (3) Par.?

saptaviṃśino hi māsāḥ // (4) Par.?

ṣaṣṭhād yasyābhiplavasya sthāne jyotir gauśca jyotir evāvṛtte sa navono nākṣatra eva trayodaśī // (5) Par.?

yugmamāseṣvādyasyābhiplavasya sthāne tat pañcāhaḥ sa ṣaḍūnaś cāndramasaḥ // (6) Par.?

ṣaṣṭhādau trikadrukānabhiplavaṃ copadadhyāt so 'ṣṭādaśādhikaḥ paurṇamāsīprasavas tairyagayanika ādityasya // (7) Par.?

utsarjanāni māsi māsi // (8) Par.?

yathānta evam āvṛttānām ādiḥ // (9) Par.?

pūrveṣvabhiplaveṣu ṣaṣṭham ahar ukthyaṃ kṛtvāgniṣṭomam uttame // (10) Par.?

tad vaikatrikastomam // (11) Par.?

asṛkṣateti bahiṣpavamānam // (12) Par.?

gāyatraṃ gāyatryāmāśvam aiḍaṃ bṛhatyāṃ goṣṭho vā // (13) Par.?

ayā ruceti gāyatrapārśvam ārbhavaḥ // (14) Par.?

savanavidhaṃ paśuṃ kurvan uttamam abhiplavapañcāhaṃ kṛtvā ṣaṣṭhasthāne savanavidhaḥ paśuḥ // (15) Par.?

prathamaṃ vābhiplavapañcāhaṃ kṛtvā māsānte savanavidhaḥ paśuḥ // (16) Par.?

sarvān ūnān eke // (17) Par.?

prathamaṃ vābhiplavapañcāhaṃ kuryuḥ // (18) Par.?

ahanī vā samasyeyur abhiplavapṛṣṭhyayoḥ sāṃnipātike // (19) Par.?

abhiplavayor uttame // (20) Par.?

tathā satyekādaśyāṃ pūrvapakṣasya dīkṣitvā trayodaśa dīkṣāḥ kurvīran // (21) Par.?

saptadaśa vā // (22) Par.?

vyatyāsaṃ vā pūrṇonān // (23) Par.?

ūnapūrṇān āvṛttāñchālaṃkāyaninaḥ // (24) Par.?

ekāṣṭakādīkṣiṇa upasargiṇaḥ // (25) Par.?

te tūṣṇīm eva triṃśam ahar āsīran // (26) Par.?

savanavidhena vā paśunā yajeran // (27) Par.?

adhvaryubahvṛcaiḥ samayaṃ kṛtvā dīkṣerann evam avilopo bhavatīti bhavatīti // (28) Par.?