Texts

cāturmāsyeṣu varuṇapraghāsānāṃ stambayajur hariṣyatsu yajuṣopaviśet // (1) Par.?

vilikhite cātvāle 'dhvaryuṇā saha pratyāvrajyāhavanīyam upaviśet // (2) Par.?

agnī praṇīyamānau yathaitamanugacchet // (3) Par.?

adhvaryuś ced brūyād brahmann ekasphyayopasaṃbhinddhīti sphyenāhavanīyāt pāṃsūn upahatyottarasyā veder dakṣiṇād antāt karṣanniyāt // (4) Par.?

ā vedimadhyād ekā cet // (5) Par.?

prohya sphyaṃ paścimena vediṃ gatvā nidhīyamānayor agnyos tūṣṇīm upaviśet // (6) Par.?

etat karmāgnipraṇayaneṣu sarveṣu // (7) Par.?

avabhṛthanyaṅgaṃ gacchatsu pūrveṇāgnī cātvālaṃ ca gacchet // (8) Par.?

paścimena vedī cātvālaṃ ca sve yajñe // (9) Par.?

haviryajñeṣv eṣa saṃcara uttareṇa vihāraṃ karmabhyaḥ // (10) Par.?

yathā cātvāle tathā yūpe śāmitre ca paśau // (11) Par.?

avabhṛthanyaṅgaṃ prāpyābhyukṣaṇaprabhṛti sautyaṃ karma samāpayeyuḥ // (12) Par.?

sākamedheṣu kṣīrodanasya yathārthaṃ prāśnīyāt // (13) Par.?

yajamānaṃ brūyāt prabhūtam annaṃ kāraya suhitā alaṃkṛtā bhavatety amātyān brūhi / (14.1) Par.?

vatsāṃśca mātṛbhiḥ saha vāsayeta // (14.2) Par.?

pūrvāhṇe 'dhvaryuḥ kṣīraudanam ṛṣabhasya ravathe juhoti brahmāṇam upaveśya // (15) Par.?

ṛṣabhe 'ruvati brahmaiva brūyājjuhudhīti // (16) Par.?

tūṣṇīṃ paitṛkayajñikāyāṃ sarvaṃ kuryāt // (17) Par.?

om ity evānumantrayet // (18) Par.?

yajñopavītaprācīnāvītayor adhvaryum anuvidadhīta // (19) Par.?

tasyā havīṃṣi nirvapsyatsu dakṣiṇayā dvārā prapadya paścāt prāṅmukha upaviśet // (20) Par.?

evameva vediṃ gatvā stambayajur hariṣyatsu // (21) Par.?

ājyabhāgayor hatayor dakṣiṇenāgniṃ parikramya purastāt pratyaṅmukha upaviśed yajamānaśca // (22) Par.?