Texts

gṛhastho vinītakrodhaharṣo guruṇānujñātaḥ snātvāsamānārṣeyām aspṛṣṭamaithunām avaravayasīṃ sadṛśīṃ bhāryāṃ vindeta // (1.1) Par.?

pañcamīṃ mātṛbandhubhyaḥ saptamīṃ pitṛbandhubhyaḥ // (2.1) Par.?

vaivāhyam agnim indhīta // (3.1) Par.?

sāyam āgatam atithiṃ nāparundhyāt // (4.1) Par.?

nāsyānaśnan gṛhe vaset // (5.1) Par.?

yasya nāśnāti vāsārthī brāhmaṇo gṛham āgataḥ / (6.1) Par.?

sukṛtaṃ tasya yat kiṃcit sarvam ādāya gacchati // (6.2) Par.?

ekarātraṃ tu nivasann atithir brāhmaṇaḥ smṛtaḥ / (7.1) Par.?

anityaṃ hi sthito yasmāt tasmād atithir ucyate // (7.2) Par.?

naikagrāmīṇa atithir vipraḥ sāṅgatikas tathā / (8.1) Par.?

kāle prāpte akāle vā nāsyānaśnan gṛhe vaset // (8.2) Par.?

śraddhāśīlo 'spṛhayālur alam agnyādheyāya nānāhitāgniḥ syāt // (9.1) Par.?

alaṃ ca somāya nāsomayājī // (10.1) Par.?

yuktaḥ svādhyāye yajñe prajanane ca // (11.1) Par.?

gṛheṣv abhyāgataṃ pratyutthānāsanavāksūnṛtānasūyābhir mahayet // (12.1) Par.?

yathāśakti cānnena sarvāṇi bhūtāni // (13.1) Par.?

gṛhastha eva yajate gṛhasthas tapyate tapaḥ / (14.1) Par.?

caturṇām āśramāṇāṃ tu gṛhasthaś ca viśiṣyate // (14.2) Par.?

yathā nadīnadāḥ sarve samudre yānti saṃsthitim / (15.1) Par.?

evam āśramiṇaḥ sarve gṛhasthe yānti saṃsthitim // (15.2) Par.?

yathā mātaram āśritya sarve jīvanti jantavaḥ / (16.1) Par.?

evaṃ gṛhastham āśritya sarve jīvanti bhikṣukāḥ // (16.2) Par.?

nityodakī nityayajñopavītī nityasvādhyāyī patitānnavarjī / (17.1) Par.?

ṛtau ca gacchan vidhivacca juhvan na brāhmaṇaś cyavate brahmalokāt // (17.2) Par.?

brahmalokād iti // (18.1) Par.?