Texts

sāyaṃ prātaragnihotrāya gārhapatyād āhavanīyaṃ jvalantaṃ praṇayet // (1.1) Par.?

gṛhṇīyād vā naktam // (2.1) Par.?

vācā tvā hotrā prāṇenodgātrā cakṣuṣādhvaryuṇā manasā brahmaṇā śrotreṇāgnīdhreṇaitais tvā pañcabhir daivyair ṛtvigbhir uddharāmīty uddharati // (3.1) Par.?

uddhṛta uddhara pāpmānaṃ mā yad avidvān yac ca vidvāṃś cakāra / (4.1) Par.?

ahnā yad enaḥ kṛtam asti pāpaṃ sarvasmād uddhṛto mā pāpmano muñca tasmāt / (4.2) Par.?

ity aparāhṇe / (4.3) Par.?

rātryā yad enaḥ kṛtam astīti prātaḥ // (4.4) Par.?

amṛtāhutim amṛtāyāṃ juhomy agniṃ pṛthivyām amṛtasya jityai / (5.1) Par.?

tenāgne kāmam imaṃ jayāmasi prajāpatir yaḥ prathamo jigāyāgnim agnau svāhā / (5.2) Par.?

ity aparāhṇe / (5.3) Par.?

sūryam agnau svāheti prātaḥ // (5.4) Par.?

gataśriyo nityadhāraṇam āhavanīyasya yathākāmyagataśriyaḥ // (6.1) Par.?

pradoṣam agnihotraṃ juhuyān nakṣatraṃ dṛṣṭvānastamite vā // (7.1) Par.?

vyucchantyāṃ prātar vyuṣṭāyām udite 'nudite vā // (8.1) Par.?

sāyamārambhaṇam agnihotraṃ prāgapavargam // (9.1) Par.?

aratnimātrī vaikaṅkaty agnihotrahavaṇī sthāly āryakṛty ūrdhvakapālācakravṛttā // (10.1) Par.?

tasyāṃ dohayati dakṣiṇato 'nyena śūdrād udīcīm avasthāpya // (11.1) Par.?

pūrvau stanau jyeṣṭhasya jyaiṣṭhineyasya vā gataśriyo vāparau kaniṣṭhasya kāniṣṭhineyasya bubhūṣato vā / (12.1) Par.?

sarvān itareṣām // (12.2) Par.?

anusaṃmṛśati // (13.1) Par.?

agne śundhasvety āhavanīyaṃ parisamūhaty agne gṛhapate śundhasveti gārhapatyam agne vahne śundhasveti dakṣiṇāgnim // (14.1) Par.?

agnīn paristīrya yajamānāhṛtaṃ mahāntam idhmam upasamādhāya paryukṣed ṛtasatyābhyāṃ tvā paryukṣāmīti sāyaṃ satyaṛtābhyāṃ tvā paryukṣāmīti prātaḥ // (15.1) Par.?

saṃtatām udakadhārāṃ srāvayati gārhapatyād adhy āhavanīyād yajñasya saṃtatir asi yajñasya tvā saṃtataye nayāmīti // (16.1) Par.?

apoḍhaṃ janyaṃ bhayam apoḍhāḥ senā abhītvarīr iti gārhapatyād udīco 'ṅgārān apohyādhiśrayati / (17.1) Par.?

iḍāyās padaṃ ghṛtavac carācaram agne havir idaṃ juṣasva / (17.2) Par.?

ye grāmyāḥ paśavo ye cāraṇyās teṣāṃ sarveṣām iha puṣṭir astu / (17.3) Par.?

iti // (17.4) Par.?

udbhavaḥ sthod ahaṃ prajayā paśubhir bhūyāsam iti jyotiṣāvekṣate // (18.1) Par.?

haras te mā vinaiṣam iti sruveṇodabinduṃ pratinayati dadhyājyayoḥ // (19.1) Par.?

tena dharmeṇa punar avokṣyāntaritaṃ rakṣo 'ntaritā arātaya iti tṛṇena triḥ paryagniṃ kṛtvā vartma kurvann udag udvāsayati gharmo 'si rāyaspoṣavanir ihorjaṃ śrayasveti // (20.1) Par.?

pratyūḍhaṃ janyaṃ bhayaṃ pratyūḍhāḥ senā abhītvarīr ity aṅgārān pratyūhya niṣṭaptaṃ rakṣo niṣṭaptā arātaya iti sruvaṃ niṣṭapya praṇavam uktvonneṣyāmīti yajamānaṃ sāyam āmantrayata unnayāmīti prātaḥ // (21.1) Par.?

agnaye ca tvā pṛthivyai connayāmi / (22.1) Par.?

vāyave ca tvāntarikṣāya connayāmi / (22.2) Par.?

sūryāya ca tvā dive connayāmi / (22.3) Par.?

adbhyaś ca tvauṣadhībhyaś connayāmīti catur unnayati // (22.4) Par.?

sarvān pūrṇān yathālābhaṃ vā // (23.1) Par.?

yaṃ kāmayetānujyeṣṭhaṃ prajayā ṛdhnuyād iti brāhmaṇavyākhyātam // (24.1) Par.?

unnīyā homād vācaṃ yacchet // (25.1) Par.?

paśūn me yacchety abhihṛtya sādayati // (26.1) Par.?

daśahotrābhimṛśya sajūr devaiḥ sāyaṃyāvabhir iti sāyam unnītam abhimṛśati sajūr devaiḥ prātaryāvabhir iti prātaḥ // (27.1) Par.?

idaṃ devānām ity unnītam abhimṛśatīdam u naḥ sahety avaśiṣṭam // (28.1) Par.?

urv antarikṣaṃ vīhīti samayā gārhapatyaṃ harati // (29.1) Par.?

svāhāgnaye vaiśvānarāya svāheti samayādhve niyacchati // (30.1) Par.?

vāyave tvety udyacchati // (31.1) Par.?

āyur me yaccheti paścād āhavanīyasya darbheṣu sādayati // (32.1) Par.?

eṣā te agne samid ity āhavanīye prādeśamātrīṃ pālāśīṃ samidham ādadhāti // (33.1) Par.?

dvyaṅgule jvalantīm abhijuhoti bhūr bhuvaḥ svar agnihotraṃ hotrāgnir jyotir jyotir agniḥ svāheti sāyaṃ sūryo jyotir jyotiḥ sūryaḥ svāheti prātaḥ // (34.1) Par.?

iṣe tvety avācīnaṃ sāyaṃ lepam avamārṣṭy ūrje tvety ūrdhvaṃ prātaḥ // (35.1) Par.?

varco me yaccheti sādayati // (36.1) Par.?

oṣadhībhyas tveti darbheṣu lepaṃ nimārṣṭi // (37.1) Par.?

prajāpate paśūn me pāhīti gārhapatyam avekṣate // (38.1) Par.?

pūrvām asaṃsaktāṃ bhūyasīṃ dvitīyām āhutiṃ juhoti prajāpataye svāheti manasā // (39.1) Par.?

anābho mṛḍa dhūrta iti trir udīcīṃ srucam uddharati // (40.1) Par.?

tena dharmeṇonmṛjyāvamṛjya vā prajāṃ me yaccheti sādayati // (41.1) Par.?

pitṝñ jinveti dakṣiṇataḥ pṛthivyāṃ lepaṃ nimārṣṭi // (42.1) Par.?

apaḥ spṛṣṭvā pūṣāsīti dvir aṅgulyā prāśnāti // (43.1) Par.?

na dato gamayet // (44.1) Par.?

udagdaṇḍayā srucāntarvedi bhakṣayati garbhān prīṇāti garbhebhyaḥ svāheti // (45.1) Par.?

nirasya lepaṃ paristaraṇaiḥ srucaṃ prakṣālyotkaraṃ pradāya pūrayitvā prāgudīcīm utsiñcati sarpān pipīlikāḥ prīṇāti sarpebhyaḥ pipīlikābhyaś ca svāheti // (46.1) Par.?

dvitīyaṃ paścād āhavanīyasya pṛthivyām amṛtaṃ juhomi svāheti // (47.1) Par.?

srucaṃ niṣṭapya hastam avadhāyottarato nidadhāti saptaṛṣīn prīṇāti saptaṛṣibhyaḥ svāheti // (48.1) Par.?

yathākāmy aparayor homo 'gne gṛhapate pariṣadya juṣasva svāhety ekasruvaṃ vigṛhṇāti dakṣiṇāgnau cāgnaye puṣṭipataye svāheti prājāpatya uttare // (49.1) Par.?

antarvedi prakṣālanaṃ ninayati sarpadevajanān prīṇāti sarpadevajanebhyaḥ svāheti // (50.1) Par.?

dīdihi dīdāya dīdidāya svāheti paryāyaiḥ sarveṣu samidha ādhāya tena dharmeṇa paryukṣati // (51.1) Par.?