Texts

udagayanasyādyantayor aindrāgnena paśunā yajeta saṃvatsare saṃvatsare vā // (1) Par.?

ṣaḍḍhotrā manasā juhoti vāgghotā dīkṣā patny āpo 'dhvaryur vāto 'bhigaraḥ prāṇo havir mano brahmā tapasi juhomi svāheti // (2) Par.?

graheṇa dvitīyām vācaspate 'chidrayā vācāchidrayā juhvā divi devāmṛdaṃ hotrām airayaṃ svāheti // (3) Par.?

āgnāvaiṣṇavam ekādaśakapālaṃ nirvapati vaiṣṇavīṃ vā pūrṇāhutim // (4) Par.?

uru viṣṇo vikramasveti vaiṣṇavyā hutvā yūpam acchaiti bilvapalāśakhadirarohitakodumbarāṇām ekam // (5) Par.?

bailvaṃ brahmavarcasakāmaḥ kurvīta // (6) Par.?

pañcāratnyādipramāṇam anadhiśākhyam ṛjum ūrdhvaśalkam upariṣṭād upāvanataṃ bahupalāśaśākham apratiśuṣkāgraṃ prāñcaṃ pratyañcaṃ vāhānam // (7) Par.?

aty anyān agām ity abhimantrya viṣṇave tvety ājyena paryanakti // (8) Par.?

oṣadhe trāyasvainam iti darbham antardadhāti // (9) Par.?

svadhite mainaṃ hiṃsīr iti paraśunā praharati // (10) Par.?

prathamaśalkam upayamya bhūmisamaṃ vṛścati // (11) Par.?

yaṃ tvām ayaṃ svadhitir iti prāñcaṃ prahāpayati // (12) Par.?

vanaspate śatavalśo virohety āvraścane juhoti // (13) Par.?

sahasravalśā ity ātmānaṃ pratyabhimṛśati // (14) Par.?

aṣṭāśriṃ takṣati gopuccham ataṣṭamūlam // (15) Par.?

agrato 'gniṣṭhāṃ pṛṣṭhataḥ sūryasthām // (16) Par.?

agrasya caṣālaṃ pṛthamātram aṣṭāśri madhye saṃgṛhītam // (17) Par.?

idhmābarhiḥ saṃnahya vedaṃ kṛtvā rathamātrīṃ vediṃ karoti śamyāmātrīm uttaravedim // (18) Par.?

yat prāg uttarasmāt parigrāhāt tat kṛtvā sāvitreṇābhrim ādāyābhrir asi nārir asīty abhimantryottarata uttaravedyantāt prakramamātre cātvālaṃ parilikhati taptāyanī me 'sīti paryāyair dikṣu śamyāṃ nidhāyānuśamyamabhrathā vyavalikhati // (19) Par.?

jānudaghnaṃ caturaśraṃ khātvottaravedyai pāṃsūn harati // (20) Par.?

vider agna iti khanati // (21) Par.?

agne aṅgira ity avadāya vasavas tvā harantv iti harati // (22) Par.?

vitsva yajñapater iti paścād yūpāvaṭasya nivapati // (23) Par.?

etena dharmeṇottarābhyāṃ paryāyābhyāṃ trir yajuṣā harati tūṣṇīṃ caturtham // (24) Par.?

samānaḥ khanano nivapanaś ca // (25) Par.?

devebhyaḥ prathasvety uttaravediṃ prathayati // (26) Par.?

devebhyaḥ kalpayasveti kalpayati // (27) Par.?

caturaśrām uttaravedyāṃ prādeśamātrīṃ nābhiṃ kṛtvā siṃhīr asi mahiṣīr asīty abhimantrya devebhyaḥ śundhasvety uttaravediṃ prokṣati // (28) Par.?

devebhyaḥ śumbhasveti sikatābhiḥ prarocayati // (29) Par.?

adbhir niḥsārayati saṃtatām udakadhārāṃ srāvayan sphyena vartma kṛtvā samayottarāv asāv āpo ripraṃ nirvahateti // (30) Par.?

prokṣaṇīḥ saṃskṛtyottaravediṃ prokṣati indra ghoṣās tveti paryāyair anuparikrāman // (31) Par.?

pitṝṇāṃ bhāgadheyīḥ stheti dakṣiṇata uttaravedyāḥ prokṣaṇīśeṣaṃ ninīya pañcagṛhītenājyenottaravediṃ vyāghārayati hiraṇyaṃ nidhāya siṃhīr asi sapatnasāhī svāheti paryāyair akṣṇayā śroṇyaṃseṣu // (32) Par.?

madhye pañcamena // (33) Par.?

bhūtebhyas tveti trir udīcīṃ srucam uddiśati // (34) Par.?

nābhyāṃ pautudravān paridhīn paridadhāti prādeśamātrān viśvāyur asīti paryāyaiḥ // (35) Par.?

aver anācchinnastukasyāntarā śṛṅgād ūrṇāstukāṃ kerugulgulv iti nābhyāṃ saṃbhārān nivapati // (36) Par.?

agner bhasmāsīti paryāyair vibhrāḍ bṛhad ity āntād anuvākasyottaravedim abhimṛśyāhavanīyād agniṃ praṇayati // (37) Par.?