Texts

Select a text:
Bibliography

Select a chapter:
(no revisions)

Associated topic(s): Genealogies

Show parallels Show headlines
Use dependency labeler

Chapter id: 16265

vaiśampāyana uvāca / (1.1) Par.?

pauravī rohiṇī nāma bāhlikasyātmajā nṛpa / (1.2) Par.?

jyeṣṭhā patnī mahārāja dayitānakadundubheḥ // (1.3) Par.?

lebhe jyeṣṭhaṃ sutaṃ rāmaṃ sāraṇaṃ śaṭham eva ca / (2.1) Par.?

durdamaṃ damanaṃ śvabhraṃ piṇḍārakakuśīnarau // (2.2) Par.?

citrāṃ nāma kumārīṃ ca rohiṇītanayā nava / (3.1) Par.?

citrā subhadreti punar vikhyātā kurunandana // (3.2) Par.?

vasudevāc ca devakyāṃ jajñe śaurir mahāyaśāḥ / (4.1) Par.?

rāmāc ca niśaṭho jajñe revatyāṃ dayitaḥ sutaḥ // (4.2) Par.?

subhadrāyāṃ rathī pārthād abhimanyur ajāyata / (5.1) Par.?

akrūrāt kāśikanyāyāṃ satyaketur ajāyata // (5.2) Par.?

vasudevasya bhāryāsu mahābhāgāsu saptasu / (6.1) Par.?

ye putrā jajñire śūrā nāmatas tān nibodhata // (6.2) Par.?

bhojaś ca vijayaś caiva śāntidevāsutāv ubhau / (7.1) Par.?

vṛkadevaḥ sunāmāyāṃ gadaś cāsyāḥ sutāv ubhau / (7.2) Par.?

agāvahaṃ mahātmānaṃ vṛkadevī vyajāyata // (7.3) Par.?

kanyā trigartarājasya bhartā vai śiśirāyaṇaḥ / (8.1) Par.?

jijñāsāṃ pauruṣe cakre na caskande 'tha pauruṣam // (8.2) Par.?

kṛṣṇāyasasamaprakhyo varṣe dvādaśame tadā / (9.1) Par.?

mithyābhiśapto gārgyas tu manyunābhisamīritaḥ / (9.2) Par.?

gopakanyām upādāya maithunāyopacakrame // (9.3) Par.?

gopālī tv apsarās tasya gopastrīveṣadhāriṇī / (10.1) Par.?

dhārayāmāsa gārgyasya garbhaṃ durdharam acyutam // (10.2) Par.?

mānuṣyāṃ gārgyabhāryāyāṃ niyogāc chūlapāṇinaḥ / (11.1) Par.?

sa kālayavano nāma jajñe rājā mahābalaḥ / (11.2) Par.?

vṛṣapūrvārdhakāyās tam avahan vājino raṇe // (11.3) Par.?

aputrasya sa rājñas tu vavṛdhe 'ntaḥpure śiśuḥ / (12.1) Par.?

yavanasya mahārāja sa kālayavano 'bhavat // (12.2) Par.?

sa yuddhakāmo nṛpatiḥ paryapṛcchad dvijottamān / (13.1) Par.?

vṛṣṇyandhakakulaṃ tasya nārado 'kathayad vibhuḥ // (13.2) Par.?

akṣauhiṇyā tu sainyasya mathurām abhyayāt tadā / (14.1) Par.?

dūtaṃ ca preṣayāmāsa vṛṣṇyandhakaniveśane // (14.2) Par.?

tato vṛṣṇyandhakāḥ kṛṣṇaṃ puraskṛtya mahāmatim / (15.1) Par.?

sametā mantrayāmāsur jarāsaṃdhabhayena ca // (15.2) Par.?

kṛtvā ca niścayaṃ sarve palāyanam arocayan / (16.1) Par.?

vihāya mathurāṃ ramyāṃ mānayantaḥ pinākinam / (16.2) Par.?

kuśasthalīṃ dvāravatīṃ niveśayitum īpsavaḥ // (16.3) Par.?

iti kṛṣṇasya janmedaṃ yaḥ śucir niyatendriyaḥ / (17.1) Par.?

parvasu śrāvayed vidvān nirṛṇaḥ sa sukhī bhavet // (17.2) Par.?

Duration=0.12395310401917 secs.